17. Benás

Mapa de la Alta Ribagorza Aragonesa. Mapa de l´Alta Ribagorsa aragonesa.

Benás (del toponimo preinduropeo IBEN “trallo”, ba está l´antiga siutat de Bescilia, capetal de tribus ilerchetes que yeben pobllau la redolada abans que no es romans; tamé poríe esdebení d´una forma preseltica BEN dan lo sentiu de “punchigudo”,”tuca”; u del selta MEN “montaña” dan OSCA “pobllau”: “llugá de montaña”; altres posibilidats: territorio de BENUS, nom de persona, dan sufixo ligur; etimo ibero VIN-ASKO “turón rocalloso”,”roquera”; u etimo seltico VINDOS “bllanco”, VINDASCO “ball nebada”) ye pllantificau al norte de la Ball, al bell canto de l´Esera, ye bila y capetal y tien 1.649 abitadors; a 1.138 mts. d´altaria y a 140 kms. de Güesca.

Mapa del Valle de Benasque. Mapa de la Ball de Benás.

A Benás ya en yeben estau d´altres begades. La Bila Biella contine pllantán benfarchada, en i sobreixén el palasio d´es Condes de Ribagorsa del sigllo XVI, la casa de Marsial Riu, la casa bllasonada de Faure y casa Juste dan un torreyón del mismo tems qu´el palasio.

M. Martín, detrás torreón de casa Juste, octubre de 1986. M. Martín a Benás; derré torrasa de casa Juste, otubre de 1.986.

La illesia de Santa María la Mayó ye d´estilo gotico aragonés del sigllo XVI dan portalada romanica del XIII.

Iglesia de Santa María de Benasque. Foto de M. Pérez, septiembre de 1986. Illesia de Santa María de Benás. Foto de M. Pérez, setiembre de 1.986.

Benás ba tinre un castiello costruyiu el 1.592 per orden de Zelipe II y abateu dimpuesas, el 1.858: on be de yabé considerau de que iguere perdemés.

Rincón típico de Benasque. Racón tipico de Benás.

La Ball de Benás ha perdeu a´l sigllo XX més de la mitat de la suya pobllasión, encara qu´els saguers 20 u 30 ans se´n yeigue recuperau per mor del turismo.

Casa Faure. Foto de M. Martín, octubre de 1986.

La fiesta gran de Benás ye ta San Marsial -30 de chunio y 1 de churiol- dan misa baturra y dimpués prosesión diquia la pllasa, aon que i ballen “el Ball d´els Omes”. Els cuatre mayordoms de l´an i ballen debán del santo y es demés mosos, aparionats. Mentres iste ball se´n i tríen d´entre lo publico a´ls solters que farán de mayordoms l´an binién y, ya en ixes, els d´enguan y els nuebos i ballen de conchunta.

M. Martín delante de la iglesia de Benasque. Octubre de 1986. M. Martín debán de la illesia de Benás. Otubre de 1.986.

A l´altro´l día ye´l momén de bere ballá “el Ball de Benás”, radigón de l´Inno de Riego, que ba está dimpués el de la 2ª Republica.

Ball des dones en Benás 2-7-1989. Afoto d'un bidio de M. Martín.

Ball des dones en Benás 2-7-1989. Afoto d’un bidio de M. Martín.

On balle en tres tongades: aparionats a l´endret de la illesia; arrocllán-se-ne al patrón; y al “ball de la Bitoria”, simbolisau dan les Marradetes, baldeyán-ie al Mayordomo Gran.

Ball des dones en Benás 2-7-1989. Atra afoto d'un bidio de M. Martín.

Ball des dones en Benás 2-7-1989. Atra afoto d’un bidio de M. Martín.

Els mayordoms porten uns rams de flloretes al cap; acaben ballán les Dones el suyo propio Ball, entre que i repique la campana mayó, la “Marsiala”.

Rincón típico de Benasque. Racón tipico de Benás.

A´ls de Benás les disen “tripes de queso”, coma u diu ista frase:

“Benasqueso, /  trípes de queso, / real d’a cuatre, / trípes de diaplle”.

Rincón típico de Benasque. Racón tipico de Benás.

Altros ditos chocantes  sobre Benás:

“Chen de Benás, chen de Barrabás, patas, gola y nada más”.

“Mosétes de Benás, / ya podets abaratálo / que baixen las de Sarllé, / per el camino a brindálo”.

“A Benás, tots sabem agón les muerde l’abarquera”.

“A Benás, yey dos cáses de Tracás, Tracás del cabo la Bila y Tracás del suél de la Bila”.

Vista de Benasque. Foto de M. Pérez de septiembre de 1986. Ambista de Benás. Foto de M. Pérez de setiembre de 1.986.

Del ya mentau llibre “Choñigueyán”, de J. Sanmartín Sopena, bells bersos de la poesía “Coses de Benás”:

“…Cuan s’achunten persones / y no charrén patués, / els que son de Benás / no saben dise rès”.

“El patués ye la llengua / dels de la Vall de Benás, / dan un poquet qu’el aprengues / dixalo may mès porás”.

“Disen tripa de quèso / a tots els de Benás, / y según com u diguen / poco ten redirás”.

“Desde Ixeia mos baixen / tal río llits de neu, / ni del estíu se fonen / les boles qu’han cayeu”.

“Ta puyá a Sarllé teniben / cuan no yebe carretèra, / camino de farradura / y ta la chen la endresèra”.

“Si vets que la tronada / s’aserque per Sarllé, / amágate al covarcho / y dixalá cayé”.

M. Pérez junto a Casa Faure en septiembre de 1986. M. Pérez a canto de casa Faure en setiembre de 1.986.

Del llibre ya mentau a´l capitol de La Poblla de Fantoba “Misión Lingüística en el Alto Aragón” de J.J. Saroïhandy en amuestren bells ditos  repllegats a Benás el 1.899:

“Sin queri, la vé trobá, me vé posá a buscá-la / coma no la vé trobá, me la vé llevá. (Una espina que se va ficá en el peu)”.

“La gallina per la basa / y els polls per casa”.

“Gracies a Dios que en arribau / a la puerta del soquero / baixa me un sueco por Dios / que va descalso el gaitero”.

M. Martín junto a Casa Faure. en octubre de 1986. M. Martín a canto de casa Faure en otubre de 1.986.

Coma ya s´ha dito al capitol de Sarllé, el sarrigüeltaire M. Martín ba está a la Ball de Benás. El 2 de churiol de 1.989 a la bila de Benás ba ragoná dan bells biells, més que més dan el benasqueso de 83 ans Marsial Mur, acompañau pe´l chermano d´ell, Antonio Mur, de 71 ans. El siñó Marsial -de güen chenial y fásil tratá- le ba dí cuasi totes  les cases de Benás, coma ell dibe: “de cada carrera lo que yey: Ministro Cornell, San Marsial, Mayó, San Pedro….” respetibamén:

Marcial Mur con 83 años el 2-7-1989. Foto de M. Martín. Marsial Mur dan 83 ans el 2-7-1.989. Foto de M. Martín.

Juste, Espital, Antón Cornell, Manuela, Pastoreta, Marsialet, Roldanet, Damián, La Borda Petriquet, Berdié, Sansuc, Toña, Escllaus, Lapera, Pepeta, Forté, El Trefudo, Juana Damián, Chuanamat, Mateta, Sanchón del Albañil, Biñales…,(ature un momén y diu: “encá no´n he acabau”, y contine): Peña, Miolla, El Pastisé, Pepe de Pepa, Costanzio, Dolores de Bañán, Chaimemí, Sanchón, Chuanina, El Farrero, Juaquín de Chuanina, Sollo, Mateu, Anselmo, Marianet, Molinero, Badillo, Siñoantonio, La Borda Ramonet, Antonica, Lacampa, Mosén Pedro, Bisién, Ramonet, Faure, Casa l’Ayuntamiento, Miro, Farreret, Bingasort, La Borda Anica, Inllada, Chuan Bisién, Anica, Remundet, Puntarrón, Micansolé, Gardet, Monsarradet, Galindo, La Billeta, Marragoy, Baso, Paulica, Lifarás, Bllanca, La Botiguera, Marro, Maroto, Feredau,(así ature unaltro momén ta i ragoná sobre dos palabres en patués: “es boladors” (uns parapentes que i bede pe´l sielo) y “tampaniá” (marchá entrapusán per está una mica empitau, u per aná  per mal terreno).

Marcial Mur y su hermano Antonio Mur con Migalánchel Martín. Foto d'un bidio de M. Martín el 2-7-1989.

Marcial Mur y su hermano Antonio Mur con Migalánchel Martín. Foto d’un bidio de M. Martín el 2-7-1989.

Portalada de una casa de Benasque.

Contine dan els noms de les cases: Siñanita, Barrau, Albá, Roldán, Mirot, Estefanía, Zisneros, El Coixo el Canaluso, Balera, Jerula, Llausia, Benardino, Conques, El Regatillo, La Carsel, La Borda Benardino, Marta, Musuelo, Rechil, La Caseta L’Agustina, El Furnero, Corte, Agustina, La Botiguera, Pubilla, El Calderero, Pei, Brusau (requesón), Castán, Andreu, Marsial de Blledes, La Bufa, Pubilla (otra), Perón, Farfán, Fades, Jasinta, Farrero Pelot, Susana, Fuixán, Alejandro, El Farrero Gordo, Felós, Forca, El Pastó, Moreto, Ruidós, Marsal, Feta, Bollón, El Güero, Pinto, Miquel, Lobo, La Juana, Rafelet, Serafina, Petronilla, Sollo (otra), Siñoantonio, El Roso, Grusieta, Charles, Pepico, La Borda Badillo, Toni, El Güero (otro), Lagartijo, Narsís, Chispa, Tracás, Angeleta.

Curiosa casa de Benasque. Chocante casa de Benás.

Del llibre “Toponimia del municipio de Benasque” de J.M. de las Pueblas y M.A. Hidalgo, en cullen els pocs noms de cases de Benás qu´en i troben a faltá a l´amplla rellasión de D. Marsial Mur:

Aguasil, L’Albeitre, Barrabás, La Bordeta de Sollo, Casereta, Chironi, Chorchi, Chuandancils, Chusep, El Craberet, Francheta, Güerri, Marieta Domingo, Papallet, El Pastiser, El Pastorrico, Pichuana, Sabatero, Samartinet.

Casa típica de Benasque.

Acabe siñó Marsial referín a M. Martín bells toponimos de Benás. Partides: “yey una contornada que le disen Els Escuadros, alló La Mosquera, asó Sincholdián, Remascaro” Pllana Canateria, El Salto els Cans, Les Matoses, Delarta, Rigau, El Rallá, Cabidiello, La Rubiella, Les Someres, El Saldiet, Els Felegars, Pllanesarllanes. Picos: L’Ampríu, Sarllé, Ballibierna, La Roca Roya, Ardonés.

Desde Benasque, Tuca de Ixeia (2.840 mts.) Dende Benás, la Tuca d´Ixeia (2.840 mts.)

Del mentau llibre de J.M. de las Pueblas y M.A. Hidalgo Arellano en tríen d´altros  toponimos de Benás que les ie choquen:

L’Abetosa, L’Albarosa, L’Arguila, L’Artiga, El Bartalet, Basiber, La Besurta, Prau Bullibardo, Camporredono, El Cantal, Roca del Castiello, Chinebral, Prau Chuise, Prau Churrín, La Collada, Costera, La Craba Esportegada, La Estibeta, Feixano Tancau, Fetiella, El Forcallo, La Costera la Gargallosa, Garrabera, Gorgutes, (Cuello, Partida, Prau, Ubago y Tuca de Ixeia), Martinperes, El Mollar, Moscuruela, El Muidor, Puerto d’O, Barranco de Obago, Prau l’Ordial, Fuen de Paluenga, Pllana Castiella, Puerto de Pomero, Campo del Puen, Puerto Biello, La Puyada, La Rasa, Tuqueta el Royero, El Sarrau, La Tellera, El Tormo.

Anuncios