14. Ibón de Billamuerta Baixo

28-V-2.009. Güe les pertoque escorsa y la intinsión ye puyá enta l´ibón de Billamuerta. Dende Benás, enfilán ta´l norte per la carretera cheneral mentres 11 kms., y cuasi a´l suyo acabamén, se´n esbarren ta la dreta per una pista engudronada que crusa lo riu, diqui´arribá 1 km. més abán en l´Espital de Benás.

Mapa de la zona. Mapa de la redoltada.

CURSA TA L´IBÓN DE BILLAMUERTA BAIXO

BASE: aparcamén de l´Espital de Benás (1.785 mts.)

DESTINASIÓN: Ibón de Billamuerta Baixo (1.950 mts.)

ESLLIBEL: 165 mts.

DURADA: 1 ora y 15 minuts (anada)

DIFICULTAT: chiquerrinina

Dende l´aparcamén de l´Espital de Benás encomense la cursa per una pista forestal estreta y engudronada, pasán a la micha ora colada pe´l Pllan d´Estañ y continán micha ora més diqui´arribá en L´Abesurta -acabamén de la pista- puesto an qu´encomense un sendero que mene en bells 15 minuts ta l´ibón baixo de Billamuerta, a 1.950 mts. d´altaria.

Desde el aparcamiento del Hospital de Benasque. Dende l´aparcamén de l´Espital de Benás.

L´Espital de Benás ye un edifisio resienmén refeto de pedra y fusta. S´han decumentau dende´l sigllo XII cuatre espitals més, de diferens epocas, a iste parache. “L´espital” yere l´establimén que donabe espitalidat al biachero, achudán-ie al cuerpo cansau -minchá y aloixamén- y a l´alma, dan capielletes.

M. Martín, detrás restos de un antiguo Hospital. M. Martín, derré els rastans d´un antigo Espital.

Mentre sigllos i han feto estaches forsoses els tratans, biachers y pelegrins cuan pasaben els puerts entr´els dos bersans pirinencs. En primeres, els encargaus d´es espitals yeren els caballers de les Ordens d´es Espitalaires y de San Chuan de Cherusalén. A´l sigllo XIX yeren -amés- puesto de carabiners y cubilá de montaña ta pirineistas.

M. Pérez, cara al sol. Migalánchel Pérez ensolallau.

Es Zerrigüeltaires ban ben equipats ta les escorses, fen-ie güeno isto dito benasqueso: “per cuca u per can, no está mal un tocho a la man”.

M. Martín, preparado. Migalánchel Martín aprestau.

Mentre bells 4 kms. el camino ba per pista de gudrón. La cursa ye per cantimpllano, mol interesán, dan un bonico paisache rocalloso, embuscarrau y enredoltiats de neu per tot.

Camino del Pllan d'Estañ. Camino enta´l Pllan d´Estañ.

Al bell mich de la cursa arriben en lo majismo Pllan d´Estañ (del llatín STAGNUM), un llaco natural amontañau que fa chuego dan el paisache primaberal; lo cual que i fan bells afotos.

M.Pérez y M. Martín en el Pllan d'Estañ. Migalánchel Pérez y Migalánchel Martín a´l Pllan d´Estañ.

Continen per una costereta a´l canto´l Turonet, diqui´arribá en l´acabamén de la pista, a l´Abesurta.

El Pllan d'Estañ, camino del Ibón de Billamuerta.

Dend´así el camino crusa una reguala probinién de l´ibón de Billamuerta; dimpués de pasá per una casialla que d´estiu ye empllegada coma bar, el sendero arrecorre al bisgay un pradal.

El Pllan d'Estañ con el Perdiguero al fondo, desde la otra orilla. Pllan d´Estañ dan lo Perdiguero enta´l fundo dende l´altro canto.

A la fin del prau siguen per una puyadeta diquia una pinada dan tascals.

Continen bell poquet sinse cambiá d´endresa, ta yí cherán desiguida entr´els pins enta la esquerra diquia uns pradals, aon que -una miqueta més abán y ta la dreta- igué amagau l´Ibón Baixo de Billamuerta, acurruñau pe´ls tascals.

M. Martín, detrás el Ibón de Billamuerta Baxo. M. Martín, derré l´ibón Baixo de Billamuerta.

En menos d´una cuartalada d´ora son arribats en l´ibón, serqueta del solano de la Tuca Cabellut (u pico Salbaguardia) y el Portillón de Benás. Ye un ibonet trasparén y remajiso.

Ibón de Billamuerta Bajo. Ibón Baixo de Billamuerta.

Per ansimeta d´isto ibón igué no guaire lluen l´Ibón Alto de Billamuerta, a micha oreta tasadamén.

Ibón de Billamuerta Bajo. Ibón Baixo de Billamuerta.

A istos umils ibons de Billamuerta igué uno d´els naixeders del riu Esera (de ISARA, del radigón seltico IS “rapido”; u de la bena preinduropea ER u AR “corrién d´aigua”). Es altros naixeders en son el Forau d´Aiguallut y el barranco La Rencllusa.

Paisaje cercano al Ibón de Billamuerta Baxo. Paisache serqueta de l´ibón Baixo de Billamuerta.

A Benás, al riu Esera le disen “l´Aigua Mayó” coma l´amuestren istos ditos:

“Cuan la primavera s’aserque, / l’Aigua Mayó coménse a bochá” y

“¿Agón bas tan desaforáu, se créme l’Aigua Mayó?”.

Paisaje muy cercano al Ibón de Billamuerta Baxo, al fondo el Perdiguero. Paisache al canto de l´ibón Baixo de Billamuerta.

Siguen la escorsa, ara enfilán ta´l Forau d´Aiguallut.

Anuncios