13. Casa de Conques – Ansils

Encomensen el camino enta la casa y illesia de Conques a´l derré de la urbanisasión “Linsoles”, encara que la cursa complleta encomensaríe a´l prensipe del barrache de Llinsols, a l´endret de Grist y diquia Ansils, u de rabés, en bells 45 minuts.

Mapa de la zona. Mapa de la redoltada.

El camino ye ampllo y mol plasentero dan uns arredols sobreixets, dan cualques bogues bechetals: la bosquera de ribera, la combinada de bosquera y prats de dallá y la selba de montaña dan abres de fuella cayedera; Conques ye a la segunda, la entremicha, al canto d´uns prats. Serqueta de la casa i beden una fuen, la Fuen de Gardeta.

M. Martín junto al camino de entrada de Conques. M. Martín chunto´l camino entradero ta Conques.

La Casa de Conques (Concas-Cuencas) ye a 1.158 mts. d´altaria y composada per bells edifisios y una armita romanica del sigllo XI; manimenos, ye llastima i bedé que la finca de Conques no s´empllegue pas dende fa 3 ans, cuan yere sentro de bacasions d´estiu ta nens y mosets y, trampís, ya encomense a i dá notorio malamén la fuyida del tems….

Casa de Conques con la torre. El casal de Conques dan la suya torrasa.

Así ba esistí un antigo Siñorío probinién d´els Bardaixín -siñors de la Ball d´ixo nom, tamé a la Ribagorsa- qui se´n ban lligá ta Conques y la suya Selba a mitat del sigllo XIV.

Viviendas auxiliares de Conques. Casas ausiliars de Conques.

Yey testimonia -a un acto feto debán un chudche egllesiastico pe´l Siñó de Conques, Antón de Bardaixín- de qu´els del suyo llinache teniban el dreto de repllegá desimes y primisies a´l termino de Conques sobre grano, corders, llatons y polls, amés de la churisdisión sebil y creminal. El serbisio de fort y molino, cases, mons, selbes, lleñes y yarbes, la esllisión del Churau Gran y el cobro de diesmos sobre grano y fruitos d´Ansils y Sarllé. Aixinesmismo, y mentre bell tems, l´abat de la illesia de Conques cobrabe a set cases de Grist les desimes de bestiá y fruitos.

Talla heráldica de los Bardaxí en la torre. Talla eraldica d´els Bardaixí a la torrasa.

Cualcuns d´istos pribillechios y peites i ban tinre forsa diquia es sigllos XVIII y XIX.

A´l 1.909 el titol de Siñors de Conques ba esdebení Baronía de Benás.

Casa con aires señoriales de estilo francés. Casal de farchas siñorials d´estilo fransés.

Ixulufren dan curiosidat -d´entre totes les bibiendes i achuntades- un casalás d´estilo fransés chuñiu ta una torrasa d´esfensa mol bistera. A Conques i ba abé un Castiello que Zelipe II en ba ordiná allerá el 1.592, derré d´una rebatida d´els siñors de Bardaixín (incllosa, posibllemén, a “les Alterasions d´Aragón”), encara que l´atual Casal-Torrasa ye de molto dimpués.

La misma casa señorial con torre de Conques a principios del siglo XX. Foto cedida por el sacerdote Carmelo Pérez Pérez que estuvo aquí en campamentos durante 30 años . El mateix casal siñorial con torrasa de Conques a prenzipios de lo sigle XX. Afoto dixata por lo mosen Carmelo Pérez Pérez que ba está así en sentro de bacasions durán 30 añadas.

Diu la llichenda qu´el rai Zelipe II, coma resquit, ba maná esparricá sal pe´ls camps ta que se i sulsisen.

Ábside de la Iglesia de San Esteban de Conques. Abside de la illesia de San Estebe de Conques.

Al costau, a un prau de nom “el Prau la Illesia” ye l´armita de Santistebe, que yere tems abans la capiella particulá d´els siñors de Bardaixín. Ista illesia -güe acabada- yere debotada a la Birchen del Rosario. L´estau suyo ara igué de risultes d´es treballs i fetos a´ls sigllos XI, XII y bells apaños a´l XX. Ye composada d´una nau truixada en dos y d´un auside. Els primers construtors beniben de la rechión llombarda entr´els ans 1.020 y 1.030 y ba suposá un bincllamén entr´els monestirios d´Obarra y Urmella y les illesies de la besina Ball gascona de Larbost.

M. Martín, detrás la Iglesia de San Esteban de Conques. M. Martín, derré la illesia de San Estebe de Conques.

Cónten que ya ye llastima gorda que se´n malmete aixines isto malempllegau antigo patrimonio, a´l bell mich d´un parache sinse parello.

Zona de juegos de Conques. Aria de chuegos a Conques.

Caminán 20 minuts enta´l norte igué la pobllasión d´Ansils.

Ansils (del llatín ASINILES: “puesto aon que yey bordes ta la criansa de somers”) ye un llugá a 2 kms. de Benás y pertenesién al suyo munisipio, a 142 kms. de Güesca capetal, a 1.100 mts. d´altaria y dan 180 abitadors.

Anciles. Casa Suprián. Ansils. Casa Suprián.

Iste llugá mantien la esensia de la arquitetura tradisional dan casals siñorials d´es sigllos XVI-XVII, coma cá Suprián, dan muro y torre acubillada dan capiellet, cá Mora u cá Barrau. Son bigarrones cases de güen pedrame dan portalades renaixentistes, puertes artisanals de fusta y antics escuts d´armes; bellunes dan chardín.

Portalón renacentista. Portalera renaixentista.

Seguntes el llibre “Toponimia del municipio de Benasque” de J.M. de las Pueblas y M.A. Hidalgo Arellano, els noms de les cases d´Ansils son:

La Abadía, Agustines, Antonio Castell, Arquer, Barrau, Bellona, Castell, Esteve, Fite, Juaquinet, Marieta, Mingot, El Molino, Mora, Piñana, Rector de Anciles, Sarrados, Sastre, Sebastián, Sort, Suprián.

Vista de Anciles en Agosto 1988. Foto M. Pérez. Ambista d´Ansils, agosto de 1.988. Foto de M. Pérez.

Del mismo llibre, es toponimos de D’Ansils que més les chocan son:

L’Artiga, Campet Chico, Campo Gran, Camporredono, Els Castellasos, Prau Chimolés, Prau Churrín, Comapoyo, Prau la Costera, Prau de la Guardiola.

Ábside de la iglesia de Anciles. Abside de la illesia d´Ansils.

La illesia niocllasica del sigllo XVI tien una torre mol rufa, dan llinau de lloses coma les cases del llugá.

Iglesia de Anciles. Illesia d´Ansils.

Ansils ya u coneixeben d´altros biaches que yeben feto desparionats. En uno d´ixos, M. Martín y Ch. Casaus, el 28 d´otubre de 1.986 ban ragoná una estoneta dan un siñó puyau a una pomera, qui les ba dí que iguere repllegán pomes.

M. Martín en Anciles el 28-10-1986. M. Martín a Ansils el 28-10-1.986.

Respetibe al mote d´els abitadors les en ba dí: “els d´Ansils se lleben la fama de chicolaters, pero el “chicolate” u minchen es forasters, es d´Ansils no u proben“. Entre altros comentarios, les diu: “dona de Grist, ome d´Ansils y llitón de Sarllé, libramé Dominé”.

Anciles Agosto 1988. Foto M. Pérez. Ansils, agosto 1.988. Foto de M. Pérez.

Amés de “Chicolaters”, a les d´Ansils les disen tamé “Cascarrietes“, seguntes iste dito: “Mosetetes de Benás, cascarrietes d´Ansils“; (de segures que no les fa mica goy d´escultá-se-güe).

Arquitectura tradicional. Arquitetura tradisional.

A Ansils les fiestes son ta´l 29 de chuño en onó a San Per, dan misa baturra, teyatro ta nens, ronda, ball y -prou que sí- chicolatada.

Escudo en una casa de Anciles. Escudo a una casa d´Ansils.

Abans se i feben les pastorades, en amuestren un troset repllegau pe´l istoriadó Ricardo del Arco y Garay:

“Tiengo una gran confianza / de que m’ets de consedé, / pues conto que gran matanza / s’ha feto n’este llugá…”.

Arquitectura que conserva el sabor tradicional. Arquitetura conserbadera de la sapia de la tradisión.

A´l llibre “Notas de Folclore Altoaragonés” Ricardo del Arco i ba repllegá tamé a Ansils, el 1.926, una pastorada qu´el molinero de Grist ba cantá dan llaút, el dia la fiesta, a´ls mosos d´Ansils perque no ban aguardá la bispra a´ls musics; lo transcriben lliteralmén, encara qu´en yeigue moltes d´errors:

Puerta y arco tradicional. Puerta y arcada tradisional.

“A tots els homes e donas / que me queran ascultá, yo les cantaré un romanse / a la moda de Benás.

De Ansil a la fiesta / anán a tocá.

Según esperabe / can ven arrivá.

Yo ya m’a ve dit:

¡Ay, que mal va xo!

¡Pobres compañés / y pobres de yo!

Ya es ven revinre /tots molt sofocats / del prau del molino, / salón del llugá.

Para la gran fiesta demaná el permis / chunto de un pallero / mos van resibí.

Ya tením disná, / me diu els mosics, / barata le salle al Mayodormín.

Al fin se presentan / dans bona cocá, / y un boto de vino / de molt mal pasá.

Perque el vino bueno / la mala pegá / le hase como donas sin grasia ni sal.

Per aixo nusaltres / les pieses tamé / les toquém corrides / lo mismo que el tren.

Jei, mayodormín / sí, sí, / no te entufes, no / dans yo, / tot axo se apañe / dans gran collasión”.

M. Martín en Ancils con un mastín pirenaico el 28-10-1986. M. Martín a Ansils dan un mostín pirinenco el 28-10-1.986.

Ye de güen ixulufrá el puyal d´errors grafiques que yey.

Dimpués d´iste llargo y profeitoso día se ban retirá a aplletá enta Benás.

Anuncios