1. Datos Estoricos Ribagorzans

L’ALTA RIBAGORZA ARAGONESA, DE LO 25 TA LO 31 DE MAYO DE LO 2009

Iste año ban con as miras de besitá bells llugars d´a estorica comarca d´a Ribagorza, esnabesá per la Ball de Benás dan es suyos llugars y, dimpués de moltas añadas, aná chuntos per la Ball d´Estós dica es ibons de Batisielles y Escarpinosa que ya ban bedé abans, cadagún sin l´altro.

Ribagorza ye una comarca pllantificada en lo norgüeste de Güesca con una ampllaria de 2.500 kms. cuadraus y una pobllazión de 12.000 abitadors. Benabarri é la capetal cultural y Graus la capetal almenistratiba.

Mapa de la Comarca de la Ribagorza. Mapa de la Comarca de la Ribagorsa.

Es decumens d´a Edá Meya parllan de Ribagorza como unidá cheografica y pulitica.

Vista del Turbón (2.492 mts.). Ambista del Turbón (2.492 mts.)

En es siegllos IX y X a begadas se i nombra lo “pagus Ripacuerciensis”, “Ripacurciensis” u “Ribacursensis”. Tamén se i zita la bal “Ripacurcana”, “Ripacurcense” y “Ripachorca”.

Ribagorza en 1030. Ribagorsa a´l 1.030.

Lo 923 aparix en un decumén “castrum Ripacurciae” y lo 971 un “comitatum Ripachorcense”.

Mapa Condados de Aragón, Sobrarbe y Ribagorza siglos IX-X. Mapa Condaus d´Aragón, Sobrarbe y Ribagorsa sigllos IX-X.

En lo siegllo IX Ribagorza penderá de lo condato de Tolosa, a zagueras d´iste siegllo Remón I la estatuirá como Condato; de feit, un estau independién. Lo 1.017, a la muert de lo conte  Guillén, Ribagorza (incllusa l´atual Alta Ribagorça catalana) ye acorporata en la Nabarra de lo rai Sancho Lo Mayor; en fenexer íste lo 1.035, l´azaga en lo territorio lo suyo fillo Gonzalo con lo tetulo de rai de Sobrarbe y Ribagorza, dica lo suyo espritamién lo 1.044.

De Condado a Reino 1035-1063. De Condau ta Reino 1.035-1.063

Lo suyo chirmán Remiro I -qui ya eba rai d´Aragón- rezibe alabegada lo tetulo de rai d´Aragón, Sobrarbe y Ribagorza.

Aragón en el siglo XI. Aragón a´l sigllo XI.

Dende 1.322, que lo rai d´Aragón Chaime II atorga lo condau de Ribagorza a lo suyo infán Pietro, dica zaguers de lo siegllo XVI toz es contes serán basallos de lo rai d´Aragón, anque mantenín bella mica d´independenzia, con churisdizión propia y la esmeyanzia de lo Chustizia d´Aragón en las pllaitinas competenzials con la churisdizión reyal. Es ribagorzanos eban feudatarios, no pas basallos de lo conte. Las custions patrimonials se rechirán per es costumbres del payís y es Fuers d´Aragón, y parllarán güena esparrabicada de modalidaz ribagorzanas de l´aragonés y el catalán.

Ribagorza desde 1322. Ribagorsa dende 1.322.

A zaguers de lo XVI -per enfurriaus rebullizios causans d´una guerra zebil entre es siguidors de lo conte Ferrando II y, d´atra man, es de lo rai- Alonso Celdrán, representán a Zelipe II, ba fé zircunduzí toz es prebilechios y lais propias de Ribagorza, aforzando a lo conte a deleixar a trucas de diners.

En 1706 una zona de Lérida y Tarragona pertenece transitoriamente a Aragón. A´l 1.706 una sona de Lleida y Tarragona pertenese per bell tems a Aragón.

Con es “Decretos de Nueva Planta”, publlicaus lo 1.707, Zelipe V acotola lo sistema llechislatibo y estituzional aragonés. Ribagorza esdebiendrá un d´es “Corregimientos” d´Aragón. Lo 1.833 ba sé entegrada a la nueba probinzia de Güesca y dende´l 31 de mayo del 2.002 ye estatuyida la comarca aragonesa de La Ribagorza.

Comarca de la Ribagorza. Comarca de la Ribagorsa.

Anuncios