9. Masamet – Hautpoul

Masamet (“Mas-Arnette” ta esdebenir Mazamet -en oczitán “mas aimat-“ ye una zidá endustrial en o destrito de Castres d´o departamén de Tarn, en a rechión Midi-Pyrénées, con una poblazión de 10.000 abitadors e ye situgata a 240 mts. d´altaria sopre l´arriu Arnette, afluyén de l´Agout, en o pedero norte d´a Montaña Negra.

Mazamet, al fondo Hautpoul. Masamet, enta lo fundo Hautpoul.

Mazamet, al fondo Hautpoul. Masamet, enta lo fundo Hautpoul.

Masamet la fundan os sobrebibiens d´a localidá de Hautpoul, a 5 kms., cuan ye estroxinada por as tropas de Simón de Monfort.

M. Pérez y M. Martín delante de la Maison des Mémoires en Mazamet. M. Pérez y M. Martín debán d´a "Maison des Mémoires" en Masamet.

M. Pérez y M. Martín delante de la Maison des Mémoires en Mazamet. M. Pérez y M. Martín debán d´a "Maison des Mémoires" en Masamet.

Lo que lis intresa más que más ye besitar a esposizión permanén sobre lo catarismo “Maison des Mémoires”, establita en a Maison Fuzier que, antiparti, ye tamién a ofizina de torismo; asinas qu´ent´astí enfilan en dreitura.

Vídeo sobre el ritual cátaro de consolamentum. Bidio sopre lo ritual cataro d´o "consolamentum".

Vídeo sobre el ritual cátaro de consolamentum. Bidio sopre lo ritual cataro d´o "consolamentum".

O museyo ye n´o segundeno suler e i contien una ampla decumentazión d´afotos, ilustrazions, testos e meyos audiobisuals -un d´es bidios i posa en eszena lo ritual cataro d´o “consolamentum” (sacramén unico, baltizo de l´esprito promanán dreitureramén d´es apostols)- rispeutibes a lo catarismo oczitán en os sieglos XI ta XIV, amostrando-ie la bita d´es cataros en lucars e castiellos, as apresiguitas qu´enduroron en a Cruzata y -dimpués- por a Enquesizión, y espezialmén os estrazios remanens en a billa meyebal de Hautpoul. Se´n ban d´o museyo encantuchatos.

Biblia cátara. Biblia catara.

Biblia cátara. Biblia catara.

Lo catarismo -relichión espuntata por os ebanchelios que leyen e comentan es cataros en luenga romanz- ye estribiader en meyo d´a fe crestiana y, considerato erechía por a Ilesia Catolica, ye condenato y es suyos debotos encorritos. Es cataros, aforzatos a fuyir enta puestos más alueñes, troban en a Montaña Negra residenzia y cubil en lucars como Hautpoul; y enta ista altiza billa s´endrezan, dimpués d´arrecorrer con l´auto es 4 kms. que lis en deseparan.

Mapa de iglesias cátaras occitanas en 1244. Mapa d´as ilesias cataras oczitanas lo 1.244.

Mapa de iglesias cátaras occitanas en 1244. Mapa d´as ilesias cataras oczitanas lo 1.244.

A Montaña Negra (Montanha Nera-Montagne Noire) ye una cordalera -se diz negra por lo suyo talpiz bechetal- controxata por os departamens de Tarn, Hérault y Aude y enclusa en o parque natural rechional de Haut Languedoc. Lo puesto más altero ye lo Pic de Nore, con 1.210 mts.

La Montaña Negra en los alrededores de Hautpoul. La Montanha Nera en os arredols de Hautpoul.

La Montaña Negra en los alrededores de Hautpoul. La Montanha Nera en os arredols de Hautpoul.

Ne b´ha una liyenda rispeutibe a´s primers abitadors d´a Montaña Negra; seguntes ista, Dios fraducó tres matriqueras. D´a primera en surtió l´ome, d´a segunda, la muller, y en a terzena aparixió lo “Pantoul”, o primer ome d´a Montaña Negra (tipico perillán trapazero, estraidenco y esfargalato. De carauter arabe barrechato con chodigo, marchán, sapeba embolicar a toz).

El castrum de Hautpoul. Lo "castrum" de Hautpoul.

El castrum de Hautpoul. Lo "castrum" de Hautpoul.

En o baganal d´un antigo fortet román os bisigotos costruyen una d´as millors plazas fuertas suyas: o castrum (lucar fortificato) de Hautpoul. Repinchato n´un bolán grenchuto, ha trazas d´aluengato y petruso mur que domina Mazamet dend´entalto. En a Edá Meya ne b´eba dos burgos e dos castiellos sobreposatos, güe aguaita l´entrader ta la Bal de l´Arnette dend´a Montaña Negra.

El pueblo fortificado de Hautpoul. Lo lucar fortificato de Hautpoul.

El pueblo fortificado de Hautpoul. Lo lucar fortificato de Hautpoul.

Tiarra de cobexo y repuntanzia, Hautpoul (“alto pueyo” u tozal), fundato por un rai bisigoto y berzuel estorico de Mazamet, ye un lucarón chiquet, quedo y trucadizo con artisans y obradors; enredoliato por amplizas selbas, i mantien os estrazios d´o suyo debanpasato meyebal marcato por a estoria catara y as guerras de relichión.

Entrada al pueblo de Hautpoul. Entrader ta lo lucar de Hautpoul.

Entrada al pueblo de Hautpoul. Entrader ta lo lucar de Hautpoul.

A funzión d´a nopleza en Oczitania -como por tot- ye fer mantener lo riedo sozial e protexer a relichiosos, campesins e demás basallos. En o cabalto bi son es grans siñors como es contes de Tolosa y, como basallos d´els, es biscontes d´Albi -es Trencavel- qui por allora son tamién biscontes de Béziers e Carcassona. Entre os sieglos XI-XII a Montaña Negra pende d´es Trencavel, qui han como basallos en o sur a´s siñors de Cabaret, es Saissac, y es biscontes de Minerva; y en o norte a´s Roquefort, es Durfort, es Dourgne y es Hautpoul.

Esdebiendrán engüeltas en as que lo condato de Tolosa y basallos penderán de lo rai d´Aragón.

M. Martín y M. Pérez en el castrum de Hautpoul. M. Martín y M. Pérez en o "castrum" de Hautpoul.

M. Martín y M. Pérez en el castrum de Hautpoul. M. Martín y M. Pérez en o "castrum" de Hautpoul.

A zaguers de lo sieglo XI Hautpoul -lo primer siñor en ye Raimond de Hautpoul lo 936- pende d´es Trencavel dica la fin d´a Cruzata Albichesa, pero ye asitiato y pretato fueco per es cruzatos de Simón de Monfort en abril de lo 1.212, y es abitadors bi son acotolatos u apresiguitos. Atra bersión diz que a´s cuatro diyas de l´asitie, os esfensors de Hautpoul dispaixioron en meyo d´una boira preta. Seiga como estase, es sobrebibiens fundan abaxo en a planera una chiqueta localidá que dimpués esdebiendrá Masamet. A ilesia de Hautpoul, San Salbador, situgata difuera d´o “castrum”, será tamién a parroquia orichinal de Masamet.

Sobre la familia de Raimond de Mirava ante un inquisidor en Hautpoul en 1244. Rispeutibe á la familla de Raimond de Miraval debán d´un enquesidor en Hautpoul, lo 1.244.

Sobre la familia de Raimond de Mirava ante un inquisidor en Hautpoul en 1244. Rispeutibe á la familla de Raimond de Miraval debán d´un enquesidor en Hautpoul, lo 1.244.

En os tiampos enquesitorials lo “castrum” de Hautpoul -180 abitadors- ferá onra como cubil ta es siñors encorritos de Cabaret, Sorèze, Miraval, es Bonzom de Hautpoul (siñors de Hautpoul-Masamet dica lo 1.503) e demás famillas creyens cataras, que i constimezen un nuclio importán d´a ilesia albichesa, y asinas dica zaguers d´o sieglo XIII, cuan lo catarismo bi será acotolato.

Vista del Valle de Arnette y de Mazamet desde el castillo de Hautpoul. Ambiesta d´a bal de l´Arnette y Masamet dende lo castiello de Hautpoul.

Vista del Valle de Arnette y de Mazamet desde el castillo de Hautpoul. Ambiesta d´a bal de l´Arnette y Masamet dende lo castiello de Hautpoul.

T´arribar en a zona d´es repuis d´o castiello, puyan por as carreretas encosteratas, alufrando-ie os biellos e repolitos casals. Dende lo siestro d´o castiello aguaitan una espeitacular ambiesta de la bal de l´Arnette y a zidá de Masamet.

O proxemo puesto a besitar ye de raso diferién, un laco: lo Lac des Montagnès.

Anuncios