7. Castras

29-06-2.008. Dimpués d´aber adormito ista nueit á Tolosa, desayunan en l´ostal e desiguida marchan en auto a besitar a billa de Castelnaudary.

M. Martín junto al río Agout en Castres. Migalánchel Martín chunto l´arriu Agout en Castres.

M. Martín junto al río Agout en Castres. Migalánchel Martín chunto l´arriu Agout en Castres.

Se fan tal embolico por a tararaina de carreteras qu´arredolían Tolosa, qu´en zagueras cambeyan d´endreza y de plans y enfilan enta Castras, poblazión que contaban que biyerban dimpués de maitín.

Calle llena de gente y de coches en Castres. Carrera rebutién de chen e d´autos en Castres.

Calle llena de gente y de coches en Castres. Carrera rebutién de chen e d´autos en Castres.

Castras ye una zidá situgata en o departamén de Tarn d´a rechión Midi-Pyrénées y a 73 kms. de Tolosa, ha 45.000 abitadors e ye plantificata a 170 mts. d´altaria, en as marguins de l´arriu Agout.

Castras (d´orichen latín “castrum”: fortaleza) ye poblato dende a Puenda de lo Fierro, pero a zidá promana d´es empezallos de lo sieglo IX, año 810, con a fundazión d´a badía beneditina de San Benedet. Os monches i trayen as relicas de San Bizién de Zirigoza, conoxito tamién como San Bizién lo Mártir (Patrón d´a zidá), ta las qu´edifican una basilica. San Bizién naxió á Güesca por as engüeltas de l´año 300, estudeya en Zirigoza en o seminario, ye cleigo y se´n ye atrazando ta diacono d´a Ilesia. L´apercazian y li dan mala bita en Balenzia durán l´apresiguita de Dioclezián; a Ilesia lo reberenzia como Mártir.

Portada de una casa de Castres. Portalada d´una casa de Castres.

Portada de una casa de Castres. Portalada d´una casa de Castres.

Magueras que dos cataros espritarán en a chera, Castras se´n aibará d´as luitas de la Cruzata, chusmetendo-se-ne a Simón de Monfort lo 1.209; aquí naxe manimenos lo más zelebre “Perfeuto” d´Oczitania, Guilhabert de Castres, y a “Perfeuta” Ermengarda de Castras, conoxita como “la Belle Castraise”. Ye siede de lo bispato Castrensis -dimpués d´o trestallamién de lo d´Albi- dende 1.317 dica 1.790 y esdebiene una etapa d´o camín de San Chacobo dende Arles.

Portada del teatro municipal de estilo modernista. Portada de una casa de Castres. Portalada d´una casa de Castres.

Portada del teatro municipal de estilo modernista. Portalata d'o Teyatro Monezipal d'estilo modernista.

Dixan l´auto proxemo ta la catedral y marchan a besitar Castras. M. Pérez s´amana ta la ofizina de torismo an que i charrará en español bel rated -entre atras cosas- de Goya, d´Aragón e d´a “Expo” de Zirigoza; en continén alufran o teyatro monezipal d´estilo mudernista, d´astí se´n ban en primeras a besitar a catedral de Sent Beneset, de lo sieglo XVII -agora Casal de Conzellos- con a suya tor romanica, unico remanén de l´antiga badía beneditina,

Ayuntamiento de Castres (antiguo palacio episcopal del siglo XVII). Achuntamién de Castres (antigo palaz bispal d´o sieglo XVII).

Ayuntamiento de Castres (antiguo palacio episcopal del siglo XVII). Achuntamién de Castres (antigo palaz bispal d´o sieglo XVII).

y en o segundo suler d´o palaz se i troba lo museyo Goya, d´o cualo en comentarán en o capetulo siguién.

Fuente y jardines del Obispado. Fuen e chardins d´o bispato.

Fuente y jardines del Obispado. Fuen e chardins d´o bispato.

Antis de continar a besita d´a zidá marchan a chintar y, qué millor endreit que n´a mosquera d´uns arbres en os chardins de lo bispato, un puesto… sobregüén !!.

Puente sobre el río Agout. Puen sopre l´arriu Agout.

Puente sobre el río Agout. Puen sopre l´arriu Agout.

Más tardi garimbolían por as carreras de Castras e por as marguins de l´Agout. A canto d´iste arriu bi ha una ambiesta sin de contimparanza de casas de tiera muiticolors.

Casas de madera junto al río Agout. Casas de fusta chunto l´arriu Agout.

Casas de madera junto al río Agout. Casas de fusta chunto l´arriu Agout.

Bi son perfeutamén mantenitas y estioron costruyitas en a Edá Meya por artisans tanadors, tixidors, papelers e bercaminers. Ye sobrepolita lur imachen reflexata en l´augua de l´arriu.

Barco de madera en el río Agout. Nabeta de fusta en l´arriu Agout.

Barco de madera en el río Agout. Nabeta de fusta en l´arriu Agout.

Continando más t´adebán -en trescruziar un puen ta conoxer l´antigo bico de Villegoudou- atifan una nabeta promenadera de tiera, d´estilo biellot.

Edificio típico de Castres. Edefizio tipico de Castres.

Edificio típico de Castres. Edefizio tipico de Castres.

En iste rabal s´alcuentran con biellos e trucadizos casals y, en una plaza, una polita fuen

Campanario porche gótico. Campanal aporchegato gotico.

Un detalle decorativo que corona una fuente. Un telladet decoratibo que corona una fuen.

y la ilesia de Sent Jacme (sieglos XIV-XVII), remeranza de l´esnabese de pelegrins enta Santiago de Compostela.

Iglesia de Saint-Jacques. Ilesia de Sant Jacme.

Iglesia de Saint-Jacques. Ilesia de Sant Jacme.

Anuncios