5. A baralla de Mureth

12 de setiembre de lo 1.213, empezipian as pezquinas. L´exerzito cruzato, en una remenata trafucadera, ixen de Mureth fendo momenata de fuyita. L´exerzito de lo rai d´Aragón s´aprezisan ta marchar tot templatos a engalzar es cruzatos. Bi ha tres ringlas de caballers; lo rai se´n malfía de lo conte de Tolosa y lo dixa en a rezaguera chunto con o de Comminges, encapezando Peiro II a ringla zentral, en puesto muito más arriscato y que, en zaguerías, risultará resoluto de raso. Es cruzatos arrecometen en burz enta l´abanguarda do i beyen l´estandar reyal – a ringla de lo conte de Foix y es catalans- qui no sustienen pas l´arrecometida y se´n fuyen. En biyer-lo, lo rai con a suya percutidera fegura de más de dos metros enriste enta es franzeses, qui aprofeitan a mingala t´arredoliar a Pietro II, isolando-lo d´a resta d´as suyas tropas.

El rey Pedro II de Aragón (Foto del Lycée Pierre d'Aragon de Muret). Lo rai Peiro II d´Aragón (afoto d´o lycée "Pierre d´Aragon" de Mureth).

El rey Pedro II de Aragón (Foto del Lycée Pierre d'Aragon de Muret). Lo rai Peiro II d´Aragón (afoto d´o lycée "Pierre d´Aragon" de Mureth).

La “mainada” d´o rai, estituzión aragonesa de noples e caballers que la misión d´els ye a escolta y protezión presonal d´o rai (ad regis aciem, ubi vexillum eius noverant, se convertunt… magnates plures de Aragonia circa eum) preban de salbar-li a bita, pero se i beyen superatos. Pros d´istos noples aragoneses como Miguel de Luesia, Aznar Pardo, lo suyo fillo Pedro Pardo, Gómez de Luna, Miguel de Rada, Aznar de Rada, Sancho de Antillón, Gil del Castellar, Pedro de Bisomius y García Gómez mueren con o rai d´Aragón; beluns se´n salban como Blasco de Alagón, Rodrigo de Lizana, Guillermo de Pueyo, Juan Gil, Vasco de Huesca, Pedro de Navascués, Arnaldo de Alascún, Arnaldo Palacín, Ato de Foces, Juan Peitavín, Matalón de Frescano, Pascasio del Rey de Aragón, Bernardo de Castillazuelo, Mengoto, Pedro López de Sádaba, Pedro de Pomar, Ramón de Caserras, Guillermo de Calasanz y atros como es Chustizias de Tarazona y Calatayú.


Torre de la iglesia de San Jaime de Muret. Tor d´a ilesia de Sant Jacme de Mureth.

Torre de la iglesia de San Jaime de Muret. Tor d´a ilesia de Sant Jacme de Mureth.

Seguntes a bersión aragonesa d´a Coronica de San Chuan d´a Peña:

“El dito Rey (Pedro) assí como aquel qui non podía sostener ni devía que mal prendiessen sus hermanas, vino con grant poder en ayuda del conte de Tolosa, con el qual era el conte de Foyx con muytos de otros varones, et todos ensemble encalçaron tan cuytadament el dito conte de Monfort que lo fizieron encerrar en un castiello quel dizen Morel, et el dito Rey con los contes que alli eran avieron batalla con el dito Simón; et en continent los ditos contes de Tolosa et de Foyx fuyeron, et el dito Rey, queriendo mas morir con honor que non bivir con desonor, por tal porque ningún tiempo en batalla que fues non giró cara, murió en aquella”.

Atra bersión d´a Coronica en diz: “Simon de Monforch que tenia la guerra por el Rey de Francia recolliesse con sus gentes en Murel, el Rey d’Aragon fuelo cercar con el conte de Foyx et otros contes de Gasconnya et querriase render al rey d’Aragon a la buena merce de Francia et non quiso el Rey recebielo. Los franceses, viendose muertos, yxieron en el alborada et non caceron por ren entro que plegoron al rey et matoronlo et a los otros contenidos de suso. Et murieron con él muytos barones d’Aragón entre los quales morieron Aznar Pardo et Pero Pardo su fillo, Gomez de Luna et Miguel de Luessia et otros muytos d’Aragón, mas ninguno de Catalunya no y murió. Et murió el dito Rey Pero en hedat de XL annos, en el anno de Nuestro Senyor M CC XIIII, era millessima CCLII….

El Rey desus dito era ydo en aquellas partidas por razón de dar ayuda tan solament a sus hermanas segunt que es de suso dito, et al Conte de Tolosa; non porque dasse ayuda a ningún infiel o enemigo de la fe christiana, en la qual él muyt fiel sin toda tacha estuvo et perseveró todos tiempos enta Nuestro Sennyor Dios”.

L´arzebispe de Toledo, Rodrigo Jiménez de Rada, autor bian enformato y forano a la Corona d´Aragón, rezenta en a obra suya “Historia de España” (1.243-1.247):

“En la batalla murieron el rey con los aragoneses, porque sólo éstos resistieron virilmente, no así los condes de Foix y Tolosa con algunos catalanes”.

Más adebán l´emologa lo rai Chaime I en o “Llibre dels feits”, dando-ie bels nomes de catalans:

“…y estuvieron allí de Cataluña En Dalmau de Creixell y En Hug de Mataplana y En Guillem d’Horta y En Bernat de Castellbisbal, y éstos huyeron con los otros…”.

Llegada a Muret del rey de Aragón y su ejército. Arribata en Mureth d´o rai d´Aragón e la suya armata.

Llegada a Muret del rey de Aragón y su ejército. Arribata en Mureth d´o rai d´Aragón e la suya armata.

Seguntes a “Cançon de la Crotzada”:

“Que’l bos reis d’Arago es mortz e recrezutz, / E tant baro dels autres que so mortz e vencutz. / Jamais tan grans dampnatjes non s’era receubutz! / Ab tant es de Garona fors de l’aiga issutz. E’l pobles de Toloza, e lo grans e’l menutz, / S’en son trastuit essems ves l’aiga corregutz, / E passon cels que pogon, mas mots n’i a remazutz: L’aiga qu’es rabineira n’a negatz e perutz. / E remas ins e’l camp trastotz le lor traütz. / Don fo lo grans dampnatjes per lo mon retendutz, / Carmans om i remas, totz morts e estendutz, / Don es grans lo dampnatges!

Mot fo grans lo dampnatges e’l dols e’l perdementz / Can lo reis d’Arago remas mort e sagnens, / E mot d’autres baros, don fo grans l’aunimens / A tot crestianesme et a trastotas gens”.

Chaime I, en o debanmentato “Llibre dels feits”, rezenta rispeutibe a lo suyo pai Pietro II: “…y aquí murió nuestro padre. Porque así lo han hecho siempre los de nuestro linaje en las batallas que hicieron y en las que Nos haremos, vencer o morir“.

Monolito que recuerda la batalla de Muret y al rey Pedro II de Aragón. Peironet que remera la baralla de Mureth e lo rai Peiro II d´Aragon.

Monolito que recuerda la batalla de Muret y al rey Pedro II de Aragón. Peironet que remera la baralla de Mureth e lo rai Peiro II d´Aragon.

L´exerzito d´o rai aragonés yera superior en tropas y astimentos, pero autuoron enturrullatos, sin de riedo ni precura y con masiata confitanza, estando redotatos en a baralla. En conoxer-se a muerte de Pietro II, as tropas d´o rai se´n b´escuaternan e fuyen sin conisión engalzatos e nafratos por es cruzatos, u afogatos en a Garona.

El río Garona. L'arriu Garona

El río Garona. L'arriu Garona

Lo 1.875, una fortal crexita de l´arriu fa aparixer en a zona milentas de güesos umans esparditos, contrimuestra esclatera d´a grandaria d´a esferra escaizita sieglos ta zaga.

Anuncios