4. Aprestanzias ta la baralla

Pietro II torna t´Aragón, empeñora las rendas d´o Raino y apresta un exerzito d´aragoneses e catalans ta esfender es suyos dreitos y os de ros suyos basallos oczitans.

Monfort ba acupando as billas proxemas ta Tolosa, entre elas Mureth. A situgazión estratexica -en estar plantificata entre os arrius Garona e Loja- la fa ideyal como acampo de remenatas, e Simón de Monfort i dixa una guarnizión d´entre 30 e 60 caballers e 700 pions de piet. Ta lo rai d´Aragón Mureth ye un puesto aparén ta i librar a baralla cambal.

Muret en la Edad Media con el Castillo de Comminges, desde la otra orilla del Garona. Mureth en a Edá Meya con o castiello de Cominches, dende l´atra marguin d´a Garona.

Muret en la Edad Media con el Castillo de Comminges, desde la otra orilla del Garona. Mureth en a Edá Meya con o castiello de Cominches, dende l´atra marguin d´a Garona.

Pietro II ye d´estibada en tiarras aragonesas: lo 3 de chulio ye en Monzón, lo 4 s´achunta en o monesterio de Sichena con Bernard IV de Comminges, lo 19 ye en Zirigoza y lo 26 en Fariza. As aprestanzias zagueras d´a espediata se desembolican en Güesca entre lo 15 y lo 23 d´agosto. Peiro lo Catolico, con lo más rezio d´a caballería pesata, enfila l´antiga biya Güesca-Tolosa por la bal d´a Garona, a trabiés d´o condato gascón de Comminges. Arriba lo 25 d´agosto en Llascuarre, dend´astí nabesa per Graus e Roda d´Isabana ta continar per la ball de Benás a´l canto l´Esera y acampán en es patrals proxemos ta´l pedero de la Maladeta (Plans de l´Espital). Trescruzia es Pirinés pe´l Puerto Biello, u Puerto de la Glera(2.367 mts.), més plazenter ta´s caballos que no lo de Benás (2.444 mts.)

A baxata la fan por as bals d´es arrius Pique y Luchón, nabesando por Banheras de Luchon e siguindo la marguin ezquerra d´a Garona dica plegar en Valcabrère. Astí, en os patrals situgatos en o pedero d´a colexiata de Saint Bertrand de Comminges, a canzillería reyal emite lo zaguer decumento d´o rainato de Pietro II; ye calendato lo 5 de setiembre de lo 1.213, una semanada dinantis d´a baralla. L´exerzito reyal contina por Montréjeau e l´antiga biya romana de Saint Gaudens e Tolosa dic´arribar en Mureth.

Una part de l´equipe podió estar tresladata en carros como se diz en a “Cançon de la Crotzada”. Iste grupo marcha dinantis que as tropas d´o rai, por una rota más luenga pero más plazentera: a que puya de Güesca ta Chaca a´l canto l´arriu Galligo, dimpués ta Canfrán e lo Somport (1.632 mts.) ta siguir en continén por Aulorón, Pau e Tarba dic´arribar en Saint Gaudens, do se i complegoron con l´exerzito prenzipal.

Seguntes a “Cançon de la Crotzada”:

“Que’l bos reis d’Arago, desus son mialsoldor, / Es vengutz a Murel e pauza i l’auriflor; / E a l’asetjat ab mot ric valvassor, / Que’ls i a amenatz e traits de lor honor; / De cels de Catalonha i amenet la flor, / E de lai d’Arago trop ric combatedor. /…….Ab tant cornan la ost li cornador cortes / C’ades n’iesquen trastuit ab trastotz lors arnes, / Tot dreit ent a Murel, que’l reis d’Arago i es. / E eison per les pons cavaer e borzes / E’l pobles de la vila; viatz e endemes, / Son vengud a Murel on laiseron l’arnes / E trop bos garnimens e trop ome cortes; / De que fon grans pecatz, si m’ajut Dieus ni fes, / En valg mens totz lo mons”.

Muret. Mureth.

Muret. Mureth.

Lo 10 de setiembre as tropas de Pietro II s´achuntan ta ras d´es aligatos oczitans y amontan dos cambamens en a planera d´a marguin ezquerra d´a Garona, a bels 3 kms. de lo castiello de Mureth; en tot entre 2.000 e 3.000 caballers e bels 5.000 pions de piet. Os caballers bi son trestallatos en 3 grupos: o primer enfilato por Raimon Rotger I, conte de Foix, con bels 400 caballers e basallos apropios e bels 200 catalans. Pèire de Durban portia l´estandar d´o condato; o segundo -constimeso por bels 700 aragoneses- (rex Arragonum… multi Aragonenses… in secunda acie se posuerat), enfilato por o mesmo monarca, Pietro II, con a señera reyal d´es 4 pals de guls sopre cambo d´oro, portiata posiblemén por o Mayordome Reyal aragonés Miguel de Luesia, mientres que o terzer e zaguer grupo, de bels 900 omes, ye enfilato por Raimon de Tolosa e Bernard IV de Comminges.

Monumentos que recuerdan la batalla de Muret. Molimens remeraders d´a baralla de Mureth.

Monumentos que recuerdan la batalla de Muret. Molimens remeraders d´a baralla de Mureth.

Seguntes a “Cançon de la Crotzada”:

“Ab tant es us mesatges escontra’l rei anatz: <Senher reis d’Arago, de vertat sapïatz / Que l’ome de Tolosa son d’aitant avantatz / Que a preza la vila, si vos o autrejatz, / E trencatz los solers e’ls albercs barrejatz; / E an si los Frances de maneira encausatz / Que e’l cap del castel se son tuit amagatz>”.

L´exerzito d´o rai d´Aragón ye manco d´una boz importán, la de l´alférez reyal Garzía Romeu, ome de total confitanza de Peiro II qu´enfiló con tot l´esitaz as remenatas melitars en a baralla de Las Navas; eba espritato lo mes de marzo en o monesterio de San Pietro de Ziresa. Tamién mancan as tropas catalanas encapezatas por Nuño Sánchez -siñor de Rosellón, Conflent e Cerdaña y primo d´o rai-, lo nople Guillem de Montcada y lo bisconte de Biarn, que no lis ne baga d´arribar en data ta la baralla, y as tropas eglesiasticas, en estar una cambaña cuentra cruzatos e -por ixo- biedata por o Papa.

El río Garona. L´arriu Garona.

El río Garona. L´arriu Garona.

Lo 10 de setiembre Simón de Monfort ix de Fanjeaux; aplega es cruzatos de Carcassés, con bels 1.000 caballers e 700 soldatos de piet (tamién anomenatos “sirvents”) e pasa por a badía de Boulbonne, do consagra la suya espata.

A nueit d´o 11 -ya de maitinada- Simón de Monfort ascuita misa y comulga en a capiella de lo castiello de Mureth. Entanamientres, lo rai d´Aragón beila las suyas armas con una dama.

A lo punto´l diya de lo 12 as prebatinas de pachería continan con o rai y a esmeyanzia d´es bispes, pero Pietro II ya l´eba dezidito.

No guaire dimpués, en o Consello de Guerrers, lo rai comenta lo siguién, seguntes a “Cançon de la Crotzada”:

“Senhors, so lor a dit, aujatz que’us vulh monstrar: <Simos es lai vengutz e no pot escapar; / Mas pero eu vos vulh d’aitant asabentar / Que la batalha er abans del avesprar. / E vos autres siats adreit per capdelar; / Sapiatz los grans colps e ferir e donar; / Que si eran detz tans, si’ils farem trastornar!>”.

Lo conte Raimon VI de Tolosa proposa a lo rai d´Aragón no i prisentar baralla, sino aguardar a qu´es cruzatos arrecometan es cambamens aragonesoczitans:

“Senher reis d’Arago, si’m voletz escoutar, Eu vo’n diré mo sen ni que n’er bo per far: / Fassam entorn las tendas las barreiras dressar, / Que nulhs om a caval dins non puesca intrar; E si veno ilh Frances que vulhan asautar, / E nos ab las balestas les farem totz nafrar, / Can auran les cabs voutz, podem los encausar, / E poirem los trastotz aisi desbaratar”.

Monolito levantado por occitanistas en recuerdo de la batalla de Muret. Peirón quillato por oczitanistas en remeranza d´a baralla de Mureth.

Monolito levantado por occitanistas en recuerdo de la batalla de Muret. Peirón quillato por oczitanistas en remeranza d´a baralla de Mureth.

Pietro lo Catolico refusa lo consello por cunsidar-lo mica caballeroso y de bian poca onor. A lo rai d´Aragón li cal a baralla y redotar a la Cruzata con tota legalidá, chustizia, claredá y cumplindo es regles formals d´a guerra entre caballers.

Anuncios