21. Albi (datos estoricos). Museyo Toulouse-Lautrec

4-07-2.008. L´orichen d´Albi: “Alba” defesa, “Alp” prefixo zelta con sinificato de zinglo u garmo, u bien “Albius” nome d´un caporal román; dimpués se´n dizió Albia, Albiga; ye capetal d´o departamén d´o Tarn dende 1.797, en a rechión Midi-Pyrénées, ha cuasi 50.000 abitadors e ye situgata á 174 mts. d´altaria en as marguins de l´arriu Tarn.

Preciosa vista de Albi sobre el río Tarn. Politisma ambiesta d´Albi e l´arriu Tarn.

Preciosa vista de Albi sobre el río Tarn. Politisma ambiesta d´Albi e l´arriu Tarn.

Cuasi en tiampos de l´Imperio Román -lo 51 a.C.- la zidá esdebien “Civitas Albigensium”, terrén d´albicheses.

Torreones y contrafuertes de la Catedral. Torreyons e petrils muratos d´a catedral.

Torreones y contrafuertes de la Catedral. Torreyons e petrils muratos d´a catedral.

Dende lo sieglo X lo poder feudal i crex en mans d´es enfluyens biscontes Trencavel, siñors tamién d´es biscondatos de Béziers e Carcassona, d´es que se´n rezentará más t´adebán.

El río Tarn bajo el puente antiguo y vista de la ciudad. Torreones y contrafuertes de la Catedral. Torreyons e petrils muratos d´a catedral.

El río Tarn bajo el puente antiguo y vista de la ciudad. L´arriu Tarn baxo lo Pont Vièlh y ambiesta dá zidá.

Lo 1.040 Albi se´n enamplará con a costruzión d´o Puen Biello (Pont Vièlh) e la zidá s´enriquex por mor d´o trucamercax y as lezdas empochatas en ixe puen.

El río Tarn bajo el puente antiguo y vista al fondo de la catedral. L´arriu Tarn baxo lo Pont Vièlh y ambiesta ,enta lo fundo, d´a catedral.

El río Tarn bajo el puente antiguo y vista al fondo de la catedral. L´arriu Tarn baxo lo Pont Vièlh y ambiesta, enta lo fundo, d´a catedral.

A dotrina eretica d´es albicheses desembolicata en o Languedoc en os sieglos XII-XIII prene lo nome d´ista zidá.

Una fachada de la catedral desde el arco camino del Palacio Episcopal de la Berbie. Una frontera d´a catedral dende l´arcada, camín d´o Palaz Bispal de la Berbie.

Una fachada de la catedral desde el arco camino del Palacio Episcopal de la Berbie. Una frontera d´a catedral dende l´arcada, camín d´o Palaz Bispal de la Berbie.

Albichés ye lo nome trigato por o Conzilio de Tours lo 1.163 t´anomenar toz os erexes d´o Midi, cuentra es que i ban a lechislar. Tamién lis izen cataros, anque nomás yeran que una branca local de l´ampla sobatida cataristica uropeya. O primer bispe cataro conoxito abitaba en Albi.

Vista del jardín del obispado y de una zona de Albi. Ambiesta d´o chardín de lo bispato y d´un bico d´Albi.

Vista del jardín del obispado y de una zona de Albi. Ambiesta d´o chardín de lo bispato y d´un bico d´Albi.

Es cataros u albicheses yeran crestians pedricaders d´o ritorno enta la tradizión blosa d´a Ilesia; se´n espardió por Uropa Ozidental á metá d´o sieglo X, consiguindo benar enta lo sieglo XIII en tiarras d´Oczitania, do contaba con o refirme de bels siñors feudals basallos d´a Corona d´Aragón.

El Palacio episcopal de la Berbie. Lo Palaz Bispal de la Berbie.

El Palacio episcopal de la Berbie. Lo Palaz Bispal de la Berbie.

Os albicheses no reconoxeban garra autoridá relichiosa. L´alazet d´els yera la dugalidá entre Bondá y Malbestá, lo espritugal e lo matieral. Tampó no creyeban en miraglos, ni en a rebilcanzia d´a carne y no adoraban pas la Cruz, pos la cunsidaban simbolo d´esquite. Es grans prenzipios d´a bita d´un cataro yeran: no posedir pon, no amortar á naide, no´n minchar de pizca y bebir umilmén.

Espectacular vista de Albi. Espeitacular ambiesta d´Albi.

Espectacular vista de Albi. Espeitacular ambiesta d´Albi.

En dioron tánto de notorio que una Cruzata estió emprendita cuentra els, zurziquiata por o Papa Inozenzio III con o refirme somardón d´o rai franzés Zelipe Augusto. Astí ye do continan a coroniqueta debanmentata d´es biscontes Trencavel, qui dende 1.179 rendeban omenax a la Corona d´Aragón. Un d´es protagonistas d´a Cruzata Albichesa estió Raimond Roger Trencavel, bisconte d´Albi, Carcassona, Béziers e Limós, naxito en Albi lo 1.185 e cuñato de Peiro II d´Aragón. Lo bisconte cuentraferá continalmén e d´espeso ta lo fierizo Simón de Montfort, entro á qu´iste zaguer li redotó y encorrió con maltuelta totas las suyas tiarras.

El río Tarn, el palacio episcopal de la Berbie y la catedral de Sainte-Cécile. L´arriu Tarn, lo palaz bispal de la Berbie y la catedral de Santa-Cecília.

El río Tarn, el palacio episcopal de la Berbie y la catedral de Sainte-Cécile. L´arriu Tarn, lo palaz bispal de la Berbie y la catedral de Santa-Cecília.

Oczitania controxaba luenga y cultura con o raino d´Aragón e lo condato de Barzelona, apachando-sen millor con Aragón que no con os francos d´o norte, pero en a sonata cruzata en i fenexen milentas de presonas, e lo consiguién acorporamién ta la corona franchuta trestuca lo mapa uropeyo.

Zaga la fin d´a cruzata albichesa lo bispe Bernard de Combret enchega lo 1.265 a costruzión d´o palaz bispal de la Berbie (de l´oczitán “berbia” u “bisbia”, bispato).

El monumental palacio episcopal de la Berbie. Lo molimental palaz bispal de la Berbie.

El monumental palacio episcopal de la Berbie. Lo molimental palaz bispal de la Berbie.

Lo bispe enquesidor Bernard de Castanet continará las feituras, prexinando lo palaz como fortaleza melitar con gran altaria y reziura d´es muratos, fendo-ne-bi una costruzión aclapadera.

El paisaje lo dice todo. Lo paisax en i diz tot.

El paisaje lo dice todo. Lo paisax en i diz tot.

Entre la muralla y la part prenzipal de l´edefizio se i fraducó un beroyo chardín franzés, enredoliato d´estatuas de marmor d´o sieglo XVIII que i ripresientan a Baco y as güeltas de l´añata, y que combidan a la comenible gambadeta por tarrazas e chardinez con ambiestas enta lo Tarn.

Estatua de Baco del siglo XVIII en el paseo sobre el Tarn. Estatua de Baco d´o sieglo XVIII en o paseyo sopre lo Tarn.

Estatua de Baco del siglo XVIII en el paseo sobre el Tarn. Estatua de Baco d´o sieglo XVIII en o paseyo sopre lo Tarn.

L´antigo y molimental palaz arzebispal aculle n´os aintros suyos, dende 1.922, lo museyo d´o pintaire naxito en Albi lo 1.864, Henry de Toulouse-Lautrec.

Postal. La Chaine Simpson. Museo Toulouse-Lautrec. Postaleta. La Chaine Simpson. Museyo Toulouse-Lautrec.

Postal. La Chaine Simpson. Museo Toulouse-Lautrec. Postaleta. La Chaine Simpson. Museyo Toulouse-Lautrec.

Por mor de l´endone d´a familla d´o pintaire ta la zidá d´Albi, se´n bi alzan más de 1.000 obras entre penturas, debuxos, litografías e retulos.

Postal. L'Anglaise du Star du Havre 1899. Museo Toulouse-Lautrec. Postaleta. L'Anglaise du Star du Havre 1899. Museyo Toulouse-Lautrec.

Postal. L'Anglaise du Star du Havre 1899. Museo Toulouse-Lautrec. Postaleta. L'Anglaise du Star du Havre 1899. Museyo Toulouse-Lautrec.

Dende cuadros de chobentú dica eszenas d´o mundo de l´espeitaclo, cabaret e teyatro de París; ye a colezión más importán d´o mundo adedicata a Toulouse-Lautrec.

Postal. Reine de Joie. Museo Toulouse-Lautrec. Postaleta. Reine de Joie. Museyo Toulouse-Lautrec

Postal. Reine de Joie. Museo Toulouse-Lautrec. Postaleta. Reine de Joie. Museyo Toulouse-Lautrec

M. Martín fue estato l´añata d´antis por bellas oretas en Albi, e un d´os puestos que i besitó estió lo museyo Toulouse-Lautrec; ye estato lo primer que M. Pérez s´ha mirato -no guaire endelerato- dinantis d´arrecorrer es dos ensemble con más ficazio la zidá d´Albi.

Anuncios