20. La Cobertoirada – Marnhagues de Sorgues

La Cobertoirada (cobertor bechetal u d´arbols, u tamién de “cobertoira”, cubierto u tellato) ye un lucar meyebal y amurallato d´o departamén d´Aveyron, rechión Midi-Pyrénées, ha 160 abitadors, ye a 800 mts. d´altaria en o disierto Causse d´o Larzac.

Una de las murallas de La Couvertoirade. Una d´as murallas de La Cobertoirada.

Una de las murallas de La Couvertoirade. Una d´as murallas de La Cobertoirada.

Lo sieglo XI aparix por primer begata lo nome de “Cubertoirata” mentato en o cartulario d´a badía de Gellone, agora Saint-Guilhem lo Desèrt. Lo 1.120, l´abate Bernat de Claraval y Hugues de Payns, caballer d´a rechión de Champagne, con bels atros caballers, atrapazian una melizia qu´esdebiendrá “es Caballers d´a Orden d´o Temple”. En a segunda metá d´iste sieglo XII ista orden melitar e relichiosa d´es Templaires -monches guerrers con tunica blanga- estatuezen la Encomienda de Sainte-Eulalie de Cernon, enamplando lurs dominios dica La Cobertoirada, La Cavalariá y lo Viala du Pas de Jaux.

Otra parte de la Muralla. Atro costato d´a muralla.

Otra parte de la Muralla. Atro costato d´a muralla.

La Cobertoirada bi ye eslexita por a esistenzia de cadollas e clochas do almagazenar l´augua.

Don de l'eau. Bebedero que en caso de guerra o  epidemias, quitaba la sed a viajeros sin abrir las puertas. Don de l´aiga. Auguatiello u boquera qu´en un dable de guerra u pasias, tiraba la sete a´s biachers sin d´ubrir-lis as puartas d´as murallas.

Don de l'eau. Bebedero que en caso de guerra o epidemias, quitaba la sed a viajeros sin abrir las puertas. Don de l´aiga. Auguatiello u boquera qu´en un dable de guerra u pasias, tiraba la sete a´s biachers sin d´ubrir-lis as puartas d´as murallas.

Se´n mantien bella part d´o castiello que i costruyoron, pero se´n escatumboron es dos sulers susanos. A ilesia, ixapartata d´o lucar, bi ye feita un ronal. Senglos molimens estioron fraducatos per es Templaires.

Restos del castillo. Remanens d´o castiello.

Restos del castillo. Remanens d´o castiello.

Os caballers d´o Temple apartacheyaban en totas as barallas y arrecometidas cuentra es mozlemes, y os rais lis n´agradexeban atorgando-lis billas, castiellos e tiarras; estando lo Gran Maistre d´a Orden un pilar importán d´a Crestiandá.

M. Martín en el Cementerio de la Couvertoirade. Migalánchel Martín en o fosal de La Cobertoirada.

M. Martín en el Cementerio de la Couvertoirade. Migalánchel Martín en o fosal de La Cobertoirada.

En Aragón lo rai Alifonso lo Barallador querió endonar lo raino a´s Templaires, pero la nopleza aragonesa i fazioron cuentra y la estinanza reyal no plegó á prefaizión. Asinasmesmo, en remenan de lo capetulo 6: “Risultas d´a Baralla” que, lo 1.214, lo Maistre d´es Templaires en Aragón, Guillén de Montredón, seyerá lo tutelaire de l´esdebenider rai Chaime I en o castiello d´es Templaires de Monzón. Lo 1.309 lo castiello de Monzón pasó ta la Orden d´os Espitalaires.

A lo que la Orden d´o Temple ye estata zircunduta por o Papa, lo 1.312, totas as tenienzias suyas son trescolatas ta la orden relichiosa catolica d´es Caballers Espitalaires de San Chuan de Cherusalén, u Orden de Malta -con tunica negra- que, chunto a las fainas espitalarias, enfila aizions melitars cuentra os exerzitos mozlemes.

Torre norte y Fortificación. Tor Nòrd e Fortificazión.

Torre norte y Fortificación. Tor Nòrd e Fortificazión.

A poblazión se´n i establix á zaguers d´o sieglo XIII u empezallos d´o XIV y ascape enantará dica, cuasi-cuasi, es 600 abitadors.

Puerta de la Torre norte. Puarta d´a Tor Nòrd.

Puerta de la Torre norte. Puarta d´a Tor Nòrd.

Os Espitalaires costruyen á metá d´o sieglo XV as murallas qu´enredoleyan l´aldeya, con tors cuadratas e retonas y una nuaba ilesia escabonata en a rocha, á canto d´o castiello.

La casa de la Scipione. L´Ostal de la Scipiona.

La casa de la Scipione. L´Ostal de la Scipiona.

Antis d´entrar en La Cobertoirada chintarán en una cadiera chunto la Tor Nòrd, una d´as puartas de l´aldeya fortificata.

M. Martín, al fondo los restos del Castillo. Migalánchel Martín, enta lo fundo es remanens d´o Castiello.

M. Martín, al fondo los restos del Castillo. Migalánchel Martín, enta lo fundo es remanens d´o Castiello.

A lo que rematan, se´n bi adintran por dos entraders arcatos; denzima d´o primer se bi alcuentra una estatugueta de Saint-Cristòl.

Torre de la Iglesia. Tor d´a ilesia.

Torre de la Iglesia. Tor d´a ilesia.

S´alcuentran bellas casas renaxentistas d´es sieglos XV y XVI, y enta la dreita la Casa de la Scipiona, un mañifico edefizio d´o sieglo XV, güe fa de puesto d´acullita y empieze d´a cursa por l´aldeya, en ha d´enformazions toristencas, esposizión sopre lo patrimonio y sala de proyeuzions.

Interior de la  iglesia de San Cristobal. Aintros d´a ilesia de San Cristòl.

Interior de la iglesia de San Cristobal. Aintros d´a ilesia de San Cristòl.

Continan camín-camín, agora enta la cucha, t´arribar a trabiés d´unas escaleretas entretallatas en a peña, en a ilesia, lo fosal e lo castiello.

Inscripción en Occitano. Interior de la  iglesia de San Cristobal. Aintros d´a ilesia de San Cristòl.

Inscripción en occitano. Iscrizión en oczitán.

L´alta torraza esfensiba d´a ilesia estió recostruyita, igual que as murallas, lo sieglo XV.

Cementerio de la Couvertoirade. Fosal de La Cobertoirada.

Cementerio de la Couvertoirade. Fosal de La Cobertoirada.

En a frontera d´a ilesia de Saint-Cristòl bi ha una iscrizión en oczitán que i diz asinas: “Bonas gens que per aissi passatz pregatz Dieu per los trepassatz” (Güenas chens que por astí soz pasatos, pregaz á Dios por os amortallatos).

El cementerio y la muralla. Lo fosal e la muralla.

El cementerio y la muralla. Lo fosal e la muralla.

Chunto la ilesia s´alcuentra lo fosal con cualques fuesas d´o sieglo XIX y copias de peiras tombals discoidals -disco solar- d´un simbolismo crestián de relichiosos e pelegrins. O castiello templaire costruyito a zaguers d´o sieglo XII ye constimeso por una tor romanica y un rezingle con sayeteras, sin d´as premetibas tors. Lo tarabidato esfensibo, con muralla, tors e puartas se´n retraye á las fortificazions d´Asia Menor.

La Rue droite. La Carrièra Dreita (en "aragonés" d´Oczitania).

La Rue droite. La Carrièra Dreita (en "aragonés" d´Oczitania).

Continan la besita a l´aldeya por as suyas carreras estreitas esguardando-ie grans casals, atras casas más umildencas, antigas y arringleratas, d´arquiteitura caussenarda, furnitas de colorcha ta i recullir l´augua d´a plebita a trabiés d´alcanduzes u canaliellos de pietra.

Desde la entrada puerta sur, arco y casa. La Rue droite. Dende l´entrader d´a puarta sur, arcada y casal.

Desde la entrada puerta sur, arco y casa. La Rue droite. Dende l´entrader d´a puarta sur, arcada y casal.

O lucar bibe d´o torismo, ye un museyo plenizo por tot de botigas de beires, de cuer, artisanía, librerías, esposizions de zeramica y restorans.

Torreón del pueblo de Marnhagues. Torreyón d´o lucar de Marnhagues.

Torreón del pueblo de Marnhagues. Torreyón d´o lucar de Marnhagues.

Siguindo lo biache enta l´este ta la zidá d´Albi, aturarán á 30 kms. en o lucar de Marnhagues. Marnhagues (ant. MARCELLANICUS) de Sorgues apertenex a la billa de Lator, chunto con l´aldeya de Roquabel, en o departamén d´Aveyron, os suyos abitadors son conoxitos como “es Bernagols e Latounains”. Ye plantificato en metá d´a bal de l´arriu Sorgues, a 425 mts. d´altaria y ha 130 abitadors.

M. Martín en el puente del río Sorgues en Marnhagues. Migalánchel Martín en o puen de l´arriu Sorgues, en Marnhagues.

M. Martín en el puente del río Sorgues en Marnhagues. Migalánchel Martín en o puen de l´arriu Sorgues, en Marnhagues.

Ye bian chicorrón, pero por l´ambiesta dend´a zaguera d´o lucar en un puen sopre l´arriu, l´aldeya lis ie parix polidisma.

Agora ya marchan en dreitura ta l´alox d´Albi, á cualques 100 kms.

Anuncios