19. Milhau

3-07-2.008. Milhau (Amiliavum, Amilhau, u cambo d´Aemililus, achiquidor de Milio) ye una zidá d´o departamén d´Aveyron, en a rechión Midi-Pyrénées, ha 22.000 abitadors e ye plantificata a 379 mts. d´altaria en as marguins d´o Tarn, en a compleganza con l´arriu Dourbie y en l´entrader d´o Parque Natural Rechional d´es Grandes Causses.

Vista de Millau. Ambiesta de Milhau.

Vista de Millau. Ambiesta de Milhau.

Lo 120 a.C. Milhau yera una d´as prenzipals zidaz d´es galos rutenos, que mientres la dominazión romana l´iziban “Condatomagus” (“mercato d´a compleganza” en galo). A zidá esdebiene un zentro de fraducazión d´alfarería “sigillata” esportiando-ne a tot l´imperio román pero, zaga la decayedura, la zidá disparix.

Firma anónima de dos Migalánchel en el libro de visitas del Hostal de Millau. Siñaturas anonimamén siñatas de dos Migalánchels en o libro de l´Ostal de Güéspez de Milhau.

Firma anónima de dos Migalánchel en el libro de visitas del Hostal de Millau. Siñaturas anonimamén siñatas de dos Migalánchels en o libro de l´Ostal de Güéspez de Milhau.

De lo 875 ye la primer decumentazión de Milhau como Amiliavum. Lo 916 nax lo Biscondato de Milhau, seyendo la zidá protexita d´es contes de Provenza, d´es de Barzelona, d´es rais d´Aragón e d´es contes de Tolosa, dinantis de pasar ta la corona franzesa lo 1.271.

Escudo de Millau con las armas del rey de Aragón y en pequeño las flores de lis de la realeza francesa. Firma anónima de dos Migalánchel en el libro de visitas del Hostal de Millau. Siñaturas anonimamén siñatas de dos Migalánchels en o libro de l´Ostal de Güéspez de Milhau.

Escudo de Millau con las armas del rey de Aragón y en pequeño las flores de lis de la realeza francesa. Escuto de Milhau con as armas d'o rai d'Aragón e, más chiquetas, as flors de lys d'o reyalme franzés.

Lo 1.172 lo rai d´Aragón Alifonso II arrechunta Milhau ta la Corona d´Aragón. Lo 1.187 una misiba d´o rai emologa es dreitos de Milhau y d´es suyos sais consuls -libertá d´almenistrazión churidica, sozial e pulitica ta es suyos abitadors- rezebindo as armas d´o rai d´Aragón. Alifonso seyerá lo primer rai que atorga l´emplego d´as barras d´Aragón, e Milhau la primer zidá que las rezibe; se trata de l´atorgamién d´o “vexillum nostrum” -l´estandart reyal- ta emplego esclusibe en o siello d´a billa, que por tradizión esdebiendrá l´autual siello conzellil.

Tratado de Millau de abril de 1204. Pacto de defensa mutua entre el Rey de Aragón el conde de Provenza y el conde de Tolosa. Tratau de Milhau d´abril de lo 1.204(Au!!). Achuste d´esfensa á tornachunta entre lo rai d´Aragón, lo conte de Provenza y lo conte de Tolosa.

Tratado de Millau de abril de 1204. Pacto de defensa mutua entre el Rey de Aragón el conde de Provenza y el conde de Tolosa. Tratau de Milhau d´abril de lo 1.204(Au!!). Achuste d´esfensa á tornachunta entre lo rai d´Aragón, lo conte de Provenza y lo conte de Tolosa.

D´allora enta debán toz es rais aragoneses lo reconoxerán como lo siñal reyal que lis identifica como rais d´Aragón. Lo 1.204 lo rai Pietro II d´Aragón, lo suyo chirmán Alifonso, conte de Provenza, y lo suyo cuñato lo conte de Tolosa s´aplegan en Milhau ta siñar un pauto d´esfensa atornachunta, l´anomenato “Tratato de Milhau”; un trango resoluto en l´enanto d´acorpore d´os estatos oczitans en o dominio d´o rai d´Aragón.

Cualcosa chocante ye que, güe por güe, una conzellera de Milhau se diz Danielle Aragon y una carrera ha lo nome: “d´es Rais d´Aragón”.

Torre de la iglesia de San (Migalánchel) Martín. Tor d´a ilesia de Sant (¿Migalánchel?) Martin.

Torre de la iglesia de San (Migalánchel) Martín. Tor d´a ilesia de Sant (¿Migalánchel?) Martin.

En o sieglo XVI Milhau yera una zidá d´ugonoz, seyendo nastada durán as guerras relichiosas que i tramulloron güenacosa d´o suyo patrimonio. Dende lo sieglo XIX Milhau se´n ha desembolicato merzé a la endustria de cuer y esguans.

Escuto de Milhau con as armas d´o rai d´Aragón. Entalto la chambreta de l´equipo de ruxby d´a selezión "aragonesa"!!.

Escuto de Milhau con as armas d´o rai d´Aragón. Entalto la chambreta de l´equipo de ruxby d´a selezión "aragonesa"!!.

Milhau ha cantonadas bian politas, i paran cuenta entre que fan gambada por o bico biello y as suyas carreras estreitas y amenatas. En a carrera de la Capèla M. Martín besita una librería; entanamientres, M. Pérez dentra n´una botiga naturista do en mercará de fruita ecoloxica y d´atros produtos d´ista mena.

La plaza del Beffroi con la casa-torre- atalaya al fondo. A plaza d´o Beffroi con la Tor de Guaita enta lo fundo.

La plaza del Beffroi con la casa-torre- atalaya al fondo. A plaza d´o Beffroi con la Tor de Guaita enta lo fundo.

Arriban en a plaza d´o Beffroi, dentrando en a concorrida ofizina de torismo an que lis atiende una choben en español. A lo qu´en ixen, y en a mesma plaza, se i miran lo más remarcable de Milhau: L´Atalaya, u Tor de Guaita, una bian mantenita costruzión, rariza y sosprendén, constimesa por una tor cuadrata de zagueras d´o sieglo XII y a torraza susana güeitogonal d´o sieglo XVII; prebablemén iste conchunto ye plantificato en l´antiga ubicazión d´un premetibo castiello. S´emplegó como gayola dica lo 1.825.

La imponente Atalaya del siglo XVII. L´aclapadera Tor de Guaita d´o sieglo XVII.

La imponente Atalaya del siglo XVII. L´aclapadera Tor de Guaita d´o sieglo XVII.

Traduzen l´importán conteniu estorico d´es dos retulos adibitos a la parete d´o molimén, que i remeran lo siñorío d´o rai d´Aragón Alifonso II sopre Milhau:

“Una tor de l´omenax en plenera billa”.

“L´orichen, lo simbolo d´a fuerza siñorial, la tor de L´Atalaya se i fraduca en o sieglo XVII, simbolo d´una autoridá monezipal con 500 añadas d´antigüidá ya por allora. Efeutibamén, lo 1 d´abril de lo 1.187 Alifonso, rai d´Aragón e conte de Barzelona, atorga a´s millaveses as libertaz monezipals que lis premiten una almenistrazión consular”.

Otra vista de Millau. Atra ambiesta de Milhau.

Otra vista de Millau. Atra ambiesta de Milhau.

“L´Atalaya”.

“….Yo, Alifonso, por merzé de Dios Rai d´Aragón, Conte de Barzelona y Marqués de Provenza, á toz es nuesos fidels abitadors de la billa de Milhau, presens y esdebeniders…. queremos qu´es abitadors de Milhau aigan un consulato bian estatuezito…. Y atorgamos un siello común á es Consuls y a´l Conzello, con la nuesa siñatura y la d´els, asinas como la nuesa siñera. Feito en Chirona, en las calendas d´abril, l´año d´a encarnadura d´o Siñor 1.187″.

Torre de la iglesia de Notre-Dame. Tor d´a ilesia de Nòstra-Dama.

Torre de la iglesia de Notre-Dame. Tor d´a ilesia de Nòstra-Dama.

En continando la cursa á man d´a plaza Foch, alufran la tor güeitogonal d´a ilesia de Nòstra-Dama de l´Espinasse, d´orichen romanico refeita en o sieglo XVI-XVII.

Mercado de abastos. Mercato de bituallas.

Mercado de abastos. Mercato de bituallas.

Arriban en a plaza d´es Halles, astí ye lo mercato de bituallas an que M. Martín en merca de fruita; de tornata aguaitan la tor d´a ilesia de St. Martin d´o sieglo XVII, retraziata lo XIX, e más adebán las tors d´a ilesia d´o Sacrat-Còr.

Torres de la iglesia de Sacré-Coeur. Tors d´a ilesia d´o Sacrat-Còr.

Torres de la iglesia de Sacré-Coeur. Tors d´a ilesia d´o Sacrat-Còr.

En a ixita de Milhau, dende lo puen Lerouge, beyen os estrazios de l´antigo puen meyebal sopre lo Tarn, an que i remane un molín d´o sieglo XV.

Molino del siglo XV junto al Tarn. Molín d´o sieglo XV chunto lo Tarn.

Molino del siglo XV junto al Tarn. Molín d´o sieglo XV chunto lo Tarn.

Dend´astí atifan esclateramén lo Biyaduto de Milhau, feito lo 2.004, lo puen más altizo d´o mundo con 343 mts. d´altaria y una longaria de 2.460 mts.

El impresionante Viaducto de Millau sobre el Tarn. L´impresionán Viaduc de Milhau sopre lo Tarn.

El impresionante Viaducto de Millau sobre el Tarn. L´impresionán Viaduc de Milhau sopre lo Tarn.

Marchan con destín Albi que ye a más de 100 kms. pero, dinantis, se´n esbarrarán ta besitar o lucar fortificato de La Cobertoirada que s´alcuentra 42 kms. enta lo sur.

Anuncios