17. Sainte-Enimie – Gòrjas d’o Tarn

Sainte-Enimie (antiga Burlatis), a cualques 20 kms. de l´Avenc Armand, ye un lucar toristenco de 500 abitadors en o mesmo cocollo d´as Gòrjas d´o Tarn, en o destrito de Florac d´o departamén de Lausèra, en a rechión Languedoc-Rosellon y a 475 mts. d´altaria.

Vista de Sainte-Enimie. Ambiesta de Sainte-Enimie.

Vista de Sainte-Enimie. Ambiesta de Sainte-Enimie.

Se´n aproxeman ta la surchenzia de Burle, un estaño natural que desenfila en o Tarn, an qu´esfrutarán en biyendo un´augua relempeda, d´una color berdencazulisca á saper qué relaxán, debito a las sals de crobe qu´en portia.

La Source de Burle, de color turquesa. La Sorga de Burle de color berdencazulisca.

La Source de Burle, de color turquesa. La Sorga de Burle de color berdencazulisca.

D´a Edá Meya promana una liyenda rispeutibe a ista fuen y a Sainte Enimie:

La fuente de Burle. La fuen de Burle.

La fuente de Burle. La fuen de Burle.

“Enimie, a choben prinzesa merobinchia d´o sieglo VI, chirmana de l´esdebenider rai Dagobert, retantaba por a suya politeza á numbrosos cortisans, pero quereba adebotar la suya bita á Dios. Por bel diya, lo suyo pai dezidió de maridar-la con un barón importán; como no podeba estribiar pas cuentra lo suyo pai, s´aclamó enta Dios por tal que li´n tirás la politeza. No guaire tiampo dimpués Enimie amanixió con tot lo cuarpo plagato de lepra.

Estatua de Énimie en la iglesia de Sainte-Enimie. Estatua d´Énimie en a ilesia de Sainte-Enimie.

Estatua de Énimie en la iglesia de Sainte-Enimie. Estatua d´Énimie en a ilesia de Sainte-Enimie.

Dimpués de meses de sofrienzia, un ánchel baxó de lo ziel e l´encomendó marchar ta Gévaudan (antiga rechión estorica). En una güelta barrada -arracón estrimer d´una bal-, dezaga de fondizas renclusas, trobareba una fuen anomenata “La Burle” do li calerba i bañar-se. Dimpuesas de güenacosa de rebesatas e periglos, trobó la fuen e se i bañó. Se´n fazió lo miraglo, Enimie sanó, pero a lo qu´en ixiba d´o Causse li´n tornaba la malotía. Acató que lo suyo destín yera i remanir, y allora bi estatuezió un combento de mullers y un monesterio. A localidá que i crexió arredol, en omenax, se´n anomenó Sainte-Enimie”.

Una calle típica de Sainte Enimie. Una carrera tipica de Sainte-Enimie.

Una calle típica de Sainte Enimie. Una carrera tipica de Sainte-Enimie.

A tradizión refinca que n´a fuen de Burle, con bistir-se-ie ropaches mullatos n´a suya augua, ya ye pro t´aminguar l´eszema y atros mals de pelello.

Sainte Enimie, al fondo la torre de la iglesia. Sainte-Enimie, enta lo fundo la tor d´a ilesia.

Sainte Enimie, al fondo la torre de la iglesia. Sainte-Enimie, enta lo fundo la tor d´a ilesia.

Garimboleyan por a billa alberando qu´ha sapito mantener as farchas meyebals,

Pasadizo medieval. Biscalamo meyebal.

Pasadizo medieval. Biscalamo meyebal.

con carreras enrullatas y estreitas,

Pasadizo en Sainte-Enimie. Biscalamo en Sainte-Enimie.

Pasadizo en Sainte-Enimie. Biscalamo en Sainte-Enimie.

casals esbiellatos, la ilesia y -en a corona d´o lucar- os estrazios de l´antigo monesterio beneditín estatuezito lo 951 por Étienne I, bispe de Mende.

Un torreón y un estandarte entre caballeros. Un torreyón y un estandart entre caballers.

Un torreón y un estandarte entre caballeros. Un torreyón y un estandart entre caballers.

As ambiestas enta Sainte-Enimie dende lo bizín puen meyebal, con a talpida bechetazión e l´arriu Tarn, bi son asapelo politas.

Paisaje de Sainte-Enimie. Paisax de Sainte-Enimie.

Paisaje de Sainte-Enimie. Paisax de Sainte-Enimie.

Cal en jopar ya, agora la cursa contina por o Tarn, camín de “l´ostal aragones”. As Gòrjas d´o Tarn, encalaxonatas entre lo Causse Sauvaterra ta lo norte, lo Causse Mejean e l´Estreito de la Jonta enta lo sur, ye lo más percutidor de toz es congustros.

El río Tarn en los alrededores de Sainte-Enimie. L´arriu Tarn en os arredols de Sainte-Enimie.

El río Tarn en los alrededores de Sainte-Enimie. L´arriu Tarn en os arredols de Sainte-Enimie.

Lo Tarn naxe á´l Mont Lausèra á 1.575 mts. d´altaria replegando es rapedos arrigatuers d´as bals d´es Cévennes, que lurs auguas esdebienen claretas e calmudas a lo que se´n complegan en a gáriz.

La calma del río Tarn. Quedez en l´arriu Tarn.

La calma del río Tarn. Quedez en l´arriu Tarn.

Ban trobando miralgüens, lucars inseritos en paisaches de trucadizos garroz calcarios, auguas lempedas que gosan cullebriar en as berdiscas gorgas d´as renclusas, e politos castiellos como lo de La Caze.

El castillo de La Caze. Lo castiello de La Casa.

El castillo de La Caze. Lo castiello de La Casa.

Lo castiello de La Casa (467 mts.) ye d´estilo renaximién d´o sieglo XV. Es primers siñors estioron Alamand e Guillaume de Montclar. A liyenda diz que tenioron güeito fillas que yeran tan repolitas que gosaban retantar a toz es guallardos e rufos d´a redolada.

En a Rebolizión Franzesa se i fazió serbir como gayola, güe ye un fachendero otel.

Los Zerrigüeltaires delante del Castillo de la Caze. Os Zerrigüeltaires zibernabaters. Debán d´o castiello de La Casa.

Los Zerrigüeltaires delante del Castillo de la Caze. Os Zerrigüeltaires zibernabaters. Debán d´o castiello de La Casa.

Continando la cursa plegan en a localidá de Las Vinhas. Dend´astí dica Lo Massagros, 13 kms. por carretera puyadera ta “Lo Punt Sublim” (861 mts.).

Las gargantas del Tarn y peñón Aiguille. Las Gòrjas d´o Tarn e lo mallo l´Agulha.

Las gargantas del Tarn y peñón Aiguille. Las Gòrjas d´o Tarn e lo mallo l´Agulha.

A´s zinco kms. aturan y aguaitan a espeitacular ambiesta sopre las Gòrjas d´o Tarn, lo Pas de Soucy e lo mallo de l´Agulha.

Postal. Gorges del Tarn. Desde el Punto Sublime (857 m.) , los  Estrechos, el Circo de los Baumes y el Paso de Soucy. Postal. Gòrjas d´o Tarn. Dende lo Punt Sublim (857 mts.), os Estreitos, lo Circ de las Baumas e lo Pas de Soucy.

Postal. Gorges del Tarn. Desde el Punto Sublime (857 m.) , los Estrechos, el Circo de los Baumes y el Paso de Soucy. Postal. Gòrjas d´o Tarn. Dende lo Punt Sublim (857 mts.), os Estreitos, lo Circ de las Baumas e lo Pas de Soucy.

Encontinén, sin d´arribar en o Punt Sublim, se´n esbarran por atra carreterica enta Lo Massagros por l´atra bersán, la d´o Causse de Sauvaterra.

Anuncios