16. Gòrjas de la Jonta – Avenc Armand

2-07-2.008. Dimpués d´aber adormito á Milhau, güe quieren fer una cursa zercular en l´auto por o Parque Natural Rechional d´es Grandes Causses; más que más por as Gòrjas de la Jonta y d´o Tarn.

Mapa de las Gorges de la Jonte y del Tarn en el Parque de los Grades Causses en La Lozère. Mapa d´as Gòrjas de la Jonta y d´o Tarn en o Parque d´es Grandes Causses en La Lausèra.

Mapa de las Gorges de la Jonte y del Tarn en el Parque de los Grades Causses en La Lozère. Mapa d´as Gòrjas de la Jonta y d´o Tarn en o Parque d´es Grandes Causses en La Lausèra.

Istos grans congustros u gargantas -rebutiens de gorgas- rematan a bels 10 kms. de Milhau, apertenexen a lo departamén de l´Aveyron -rechión Midi-Pyrénées- e más que más a la Lausèra -rechión Languedoc-Rosellon-.

Escudo (medio aragonés) de La Lozère. Escuto (meyo aragonés) de La Lausèra.

Escudo (medio aragonés) de La Lozère. Escuto (meyo aragonés) de La Lausèra.

Es Grans Causses son: lo Sauvatèrra, lo Méjean, lo Causse Negre y lo Larzac. Lo Causse ye un planeronaz calzino d´alto u baxo es 1.000 mts. d´altaria enrasata.

Paisaje junto a las Gorges de la Jonte. Paisax chunto las Gòrjas de la Jonta.

Paisaje junto a las Gorges de la Jonte. Paisax chunto las Gòrjas de la Jonta.

Lo calso, en estar crepazato, chupe la plebia ascape y n´a superfizie d´o planerón se´n i retien poca d´augua.

M. Martín y M. Pérez descansando. Migalánchel Martín y Migalánchel Pérez discansando.

M. Martín y M. Pérez descansando. Migalánchel Martín y Migalánchel Pérez discansando.

Por cuentra, l´augua ye agundán en o fundo d´es gáriz y en os retes sotarraños espicarratos por arrius e galocheras, atraziatos en as fundas bals d´o Lot, d´o Tarn, d´a Jonta, d´o Dourbie, igual que as grotas -como la de l´Avenc Armand- y esperringlers escabonatos en a tiarra calzina d´os planerons.

Vista de las Gorges de la Jonte. Ambiesta d´as Gòrjas de la Jonta.

Vista de las Gorges de la Jonte. Ambiesta d´as Gòrjas de la Jonta.

L´arriu de la Jonta -afluyén d´o Tarn- naxe a 1.350 mts. d´altaria, en o mon d´Aigoual;

El río de la Jonte. L´arriu de la Jonta.

El río de la Jonte. L´arriu de la Jonta.

enzetan la cursa remuntando-lo.

El río de la Jonte, al fondo el castillo de Peyrelade. L´arriu de la Jonta, enta lo fundo lo castiello de Peiralada.

El río de la Jonte, al fondo el castillo de Peyrelade. L´arriu de la Jonta, enta lo fundo lo castiello de Peiralada.

Conforme se´n adintran en as Gòrjas de la Jonta, por una estreita carreterota plena de zerrigüeltas, ban escubrindo-ie as auguas asusegatas e lempedas de l´arriu, o proxemo y estrañizo castiello esfensibo de Peyralada (peira luenga) -inserito en unas rochas- e se´n i alcuentran bels lucars.

El pueblo de Peyreleau. Lo lucar de Peiraleu.

El pueblo de Peyreleau. Lo lucar de Peiraleu.

Un d´els ye Peiraleu (“peira en l´augua” u “peira lixera”) de cualques 70 abitadors, ye a 400 mts. d´altaria y a 21 kms. de Milhau. O lucar ye asiñoriato por una tor cuadrata – a l´estilo d´Abizanda- e la suya trucadiza ilesia costruyita sopre un peñarral e coronata con a escultura d´una birchen.

Abundante vegetación con peñas calcáreas en la Jonte. Agundán bechetazión e zillos clapizers en la Jonta.

Abundante vegetación con peñas calcáreas en la Jonte. Agundán bechetazión e zillos clapizers en la Jonta.

Siguindo la cursa, almiran embelecatos la pompuda bechetazión rematata en zillos clapizers -con güeitreras i rebenitas no´n fa guaire- y a granduranzia d´as renclusas y asprizos espinganez.

La planicie de la Causse Méjean desde la Gruta de Aven Armand. La planera d´o Causse Méjean dende la grota de l´Avenc Armand.

La planicie de la Causse Méjean desde la Gruta de Aven Armand. La planera d´o Causse Méjean dende la grota de l´Avenc Armand.

Sin d´aber arrecorrito tota la Jonta se´n esbarran por atra carreterica que puya ta la plana d´o Causse Méjean, enfilando ta una d´as grotas que ne b´ha por a redolada: l´Avenc Armand, a 43 kms. ta lo noreste de Milhau, pero ya en o departamén de Lausèra.

Interior de la gruta de Aven Armand. Aintros d´a grota de l´Avenc Armand.

Interior de la gruta de Aven Armand. Aintros d´a grota de l´Avenc Armand.

Ban a besitar l´Avenc Armand (avenc= “puzo bertical” en oczitán; Louis Armand estió lo suyo escubridor en 1.897), una desinforme grota á 60 mts. de fondaria ta la que baxan en un funicular por un túnel de 200 mts.

En la gruta de Aven Armand. Interior de la gruta de Aven Armand. En a grota de l´Avenc Armand.

En la gruta de Aven Armand. Interior de la gruta de Aven Armand. En a grota de l´Avenc Armand.

A una temperatura de 10 graus, de repentina, s´ubre debán d´els una sala chigán iluminata: enluzernán!!.

Interior de la cueva de Aven Armand. Aintros d´a espelunga de l´Avenc Armand.

Interior de la cueva de Aven Armand. Aintros d´a espelunga de l´Avenc Armand.

A rancanza d´a espelunga bi escaizió fa más de cuatro millons d´añatas de risultas d´a terne tresminanzia de l´augua d´as plebitas, lo que prebocó l´esleit d´a rocha calcaria.

En la cueva de Aven Armand. En a espelunga de l´Avenc Armand.

En la cueva de Aven Armand. En a espelunga de l´Avenc Armand.

Güe l´augua contina triballando en a grota; en tresminar-se-ne por a rocha i preduz una aizión -dople y complementaria- d´esleit e deposito calzín, en esbaforar-se-ne chisla á chisla, causando-ie aposes que i fan crestallos u canchelons, de teito u de suel.

Dentro de la gruta de Aven Armand. Aintros d´a grota de l´Avenc Armand.

Dentro de la gruta de Aven Armand. Aintros d´a grota de l´Avenc Armand.

Cuan se´n achuntan un cabalón con un gotallo bi atrazian una colunna u pilar.

La gruta de Aven Armand. A grota de l´Avenc Armand.

La gruta de Aven Armand. A grota de l´Avenc Armand.

Astí bi ye la conzentrazión de gotallos u estalaumitas más gran d´o mundo: 400. Istos “arbols de peira” gosan “crexer” metros e metros d´altaria; uno d´os que i beyen mide cualques 30 mts. La sala adube ta es 110 mts. de longaria, 60 mts. d´amplaria y una altaria enrasata de bels 45 mts.

Hubo dos apariciones en la Gruta de Aven Armand. Bi abió dos aparixions en a grota de l´Avenc Armand.

Hubo dos apariciones en la Gruta de Aven Armand. Bi abió dos aparixions en a grota de l´Avenc Armand.

Ye estata una oreta de cursa que lis n´ha feito esluziarnar de firme, con escolturas fantesticas, adrezos estandarters e formas estrampitas.

Primera noticia de la maison aragonaise. Primer noxión d´a "Maison Aragonaise".

Primera noticia de la maison aragonaise. Primer noxión d´a "Maison Aragonaise".

A lo qu´en ixen, dimpués de chintar e dinantis de marchar enta lo lucar de Sainte-Enimie, Migalánchel Pérez se´n requeda refitoliando un mapa toristenco d´o departamén de la Lausèra, fendo güellos d´esparbero en leyer-bi: “Le Massegros maison aragonaise”. De tornata enta Milhau, esnabesando por as Gòrjas d´o Tarn, prebarán d´esculdrufar o socherén misterio d´o “casal aragonés”.

Anuncios