15. Sant Ponç de Tomièiras

Sant Ponç de Tomièiras ye una zidá d´o destrito de Béziers plantificata en a fondata d´una bal, en o departamén de Hérault d´a rechión Languedoc-Rosellon, ha 2.300 abitadors e ye situgata á 300 mts. d´altaria chunto l´arriu Jaur.

Vista de Saint Pons de Thomières. Ambiesta de Sant Ponç de Tomièiras.

Vista de Saint Pons de Thomières. Ambiesta de Sant Ponç de Tomièiras.

Dos mil añatas a.C. chens d´a montaña se´n baxoron enta la bal e s´aposoron en os arredols d´a Fuen d´o Jaur, fundando-ie Tomièiras. Más adebán es romans, bisigotos e sarrazins acuparán la zidá.

Puerta denominada des Morts, del siglo XII, relieves del sol y de la luna. Puarta anomenata "des Morts" d´o sieglo XII, relieus d´o sol y a luna.

Puerta denominada des Morts, del siglo XII, relieves del sol y de la luna. Puarta anomenata "des Morts" d´o sieglo XII, relieus d´o sol y a luna.

De l´año 936 ye la rancanza d´una nuaba localidá, cuan lo conte de Tolosa Raymon Ponç establix en l´atra marguin d´o Jaur una badía beneditina -enzerringlata con a estoria d´Aragón como se beyerá más adebán- y una zidá en o suyo arredol.

A nuaba zidá -la Mayor- se´n esferenziará d´a de Tomièiras, la zidá Menor. Lo Jaur desepara las dos zidaz que i son comunicatas por bels puens, cadagún d´els ye amurallato con tors de guaita que i guarenzian la suya esfensa.

Torre-vivienda de Saint-Pons de Thomières. Tor-bibianda de Sant Ponç de Tomièiras.

Torre-vivienda de Saint-Pons de Thomières. Tor-bibianda de Sant Ponç de Tomièiras.

Lo 1.170 lo monesterio y una part d´a zidá son agleratos por Roger de Trencavel. Ye amenister refer e fortificar la badía. L´estatuezimién d´a diozesis de Sant Ponç lo 1.317 fa esdebenir catedral la badía y rebilcar la zidá; será siede de lo bispato dica lo 1.790.

La catedral de Saint-Pons. La catedral de Sant Ponç.

La catedral de Saint-Pons. La catedral de Sant Ponç.

Sant Ponç conoxerá tiampos gloriosos por mor d´a suya grandaria, mena d´arquiteitura y prestixo catedralengo; con tot e con ixo, la enrestida d´es ugonoz la tramullará lo 1.567.

El agua en los árboles o los árboles en el agua. L´augua en os arbres u os arbres en l´augua.

El agua en los árboles o los árboles en el agua. L´augua en os arbres u os arbres en l´augua.

En o sieglo XVII, as dos zidaz s´achuntarán con l´autual nome de Saint-Pons de Thomières. De risultas, la nuaba zidá adubirá firme sobatida comerzial, alazetada en l´artisanía testil e la suya situgazión entre Castras e Béziers.

Los inicios del río Jaur. A surchenzia de l´arriu Jaur.

Los inicios del río Jaur. A surchenzia de l´arriu Jaur.

Lo primer que fan en arribar ta Sant Ponç de Tomièiras ye chintar en un parque baxo la guambra mosquera d´uns arbres e chunto la “Sorga dal Jaur”, la surchenzia u naxedero de l´arriu Jaur, qu´en surte d´o pedero d´un zillar (rocha d´a mascareta) como ixindo d´una espluca, tamién anomenata “Lo Uèlh dal Jaur”, lo güello. Notan una frescureta arredol, pos a temperatura enrasata de l´augua en estiu bi ye 10 graus. Una liyenda diz qu´iste parache ye un mostro peirificato per es dioses.

Nacimiento de la Source du Jaur. Naxedero de la Sorga dal Jaur.

Nacimiento de la Source du Jaur. Naxedero de la Sorga dal Jaur.

Dimpués de chintar puyan ta lo cabalto d´o parque an que bi aguaitan una güena ambiesta d´a zidá.

M. Martín delante de Saint Pons de Thomières. Migalánchel Martín debán de Sant Ponç de Tomièiras
M. Martín delante de Saint Pons de Thomières. Migalánchel Martín debán de Sant Ponç de Tomièiras

Dimpuesas pasan po la ofizina de torismo, do lis atienden de puturrúdefuá; lis ie rezentan que bi ha en a zidá una colla mosical que dende 1.962 triballa las tradizions e ye acorporata en o grupo folclorico d´o Païs de Tomièiras “Lous Castanhaïres dal Soumal”.

Torre de Comte Pons. Tor d´o Comte Ponç.

Torre de Comte Pons. Tor d´o Comte Ponç.

Dende Torismo marchan a besitar lo más siñalero d´a localidá aproxemando-sen ta la catedral, do paran cuenta en os escais de muraus, puartas, fronteras, la tor amuresnata de lo Comte de Ponç (costruzión y esbiellanzias: años 936, 1.358 y 1.937) y la de Sant Beneset, qu´estió una d´as antigas puartas d´entrata en lo monesterio, y prexinan -á pur de güellar os estrazios que i remanen- quiénto yera la premetiba badía.

M. Martín en la puerta de Saint Benoît. Migalánchel Martín en a puarta de Sant Beneset.
M. Martín en la puerta de Saint Benoît. Migalánchel Martín en a puarta de Sant Beneset.

La escatedral de Sant Ponç ye estata refeita, fortificata, ha elementos romanicos, barrocos, goticos, nuabas fronteras, lo coro y un güerganaz d´o sieglo XVIII. Muitismo intresán, más por lo que plegó a esdebenir, que por lo que se´n ye conserbato dica güe.

El coro y el órgano del siglo XVIII de la catedral. Lo coro y lo güergano d´o sieglo XVIII d´a catedral.

El coro y el órgano del siglo XVIII de la catedral. Lo coro y lo güergano d´o sieglo XVIII d´a catedral.

Como han espuntato dinantis, San Ponz de Tomeras ye embrecato t´Aragón por lo siguién: l´abate Frotard de San Ponz, qu´en bi estió de lo 1.060 ta lo 1.099, yera taute d´enfluyenzias dreitureras en o rai d´Aragón Sancho Remírez. Íste nimbió lo 1.093 a lo suyo fillo Remiro II enta iste monesterio en oblazión (porparanza á Dios) ta qu´esdebenise monche, con un güen dote. Remiro bibió astí la suya nineza y b´estió educato como infán seguntes lo costumbre d´es noples barons seculars, dica lo 1.105 lo menos. La muert d´o chirmán suyo, l´infán D. Pietro, y la proclamadura d´Alifonso lo Barallador -l´atro chirmán- como rai lo posan en prebalidaz de suzesión a lo trono d´Aragón.

Torre-vivienda, al fondo la torre de la catedral. Tor-bibianda, enta lo fundo la tor d´a catedral.

Torre-vivienda, al fondo la torre de la catedral. Tor-bibianda, enta lo fundo la tor d´a catedral.

Lo 1.110 Alifonso I encomienda a Remiro lo gubierno d´a badía de Sahagún. Lo 1.114 lo nombra bispe de Burgos, dimpués de Pamplona, más adebán abate de San Pietro lo Biello de Güesca y dimpués de Roda. Lo 1.134 fenex lo rai en Fraga sin dixar suzesor.

Una de las antiguas torres de la catedral. Una d´as antigas tors d´a catedral.

Una de las antiguas torres de la catedral. Una d´as antigas tors d´a catedral.

Las Corz de Monzón deziden d´eslexir rai d´Aragón a Remiro lo Monche, dimpués de consiguir d´o Pontifiz a dople sincusa. Remiro s´acomoda en Chaca con Agnés de Peitieus, chirmana d´o duque d´Aquitania, con la que ha la suya unica filla y eredera Petronila, achustando-la con una añada d´edá con o conte de Barzelona Remón Berenguer IV.

As comenenzias puliticas en son as siguiens: “e Yo lo rai Remiro aiga de seyer rai, siñor e pai en o mio raino d´Aragón y en toz es condatos entre que me´n plazerá”; Remón Berenguer riende a la Corona d´Aragón toz es suyos dominios como “princeps aragonensis” ta exerzer a potestá reyal, e Remiro siguirá con o tetulo de Rai e con l´apellito u linax. Lo 1.164 lo fillo de Remón Berenguer e Petronila, Alifonso II d´Aragón, esdebiene lo primer rai d´a Corona y él y es suyos suzesors eredarán os tetulos por iste orden: “rai d´Aragón, Balenzia…… e conte de Barzelona….”.

Torre de la Gascagne. Tor de la Gascanha.

Torre de la Gascagne. Tor de la Gascanha.

Don Remiro espirita lo 1.157 en Güesca, seyendo la suya sepoltura un sarcofago román d´o sieglo II d´a capiella de San Bertolomé de San Pietro lo Biello, ilesia que lo rai Pietro I eba endonato lo 1.096 a lo monesterio de San Ponz de Tomeras, estatuezendo-ie un priorato beneditín. Mesmamén, ye n´a suya Cort Reyal en a zidá de Güesca do diz qu´escaizioron os feitos d´a sonata liyenda de “A Campana de Güesca”.

Ramiro el Monje rey de Aragón. Remiro lo Monche, rai d´Aragón.

Ramiro el Monje rey de Aragón. Remiro lo Monche, rai d´Aragón.

Por a coronica de l´estoriador arabe Ibn Idari se conox que, lo 1.135, lo rai Remiro ordinó achustiziar a siet noples aragoneses qu´eban enrestiu una catafila mozleme de mercadurías qu´enfilaban cara ta Güesca, dende Fraga, no serbando pas la treuga achustata con o gubernaire arabe de Balenzia. Istos feitos, chunto a recontamiens replegatos de l´antigüidá clasica, bi son en l´orichen d´a liyenda de la Campana de Güesca:

“Lo raino yera entruchato en poblemas foranos e desleyaltaz d´es noples aragoneses. Lo monarca, permenato, dezidió de nimbiar un mensacher ta demandar consello a l´abate d´o monesterio de San Ponz de Tomeras. Íste menó a lo mensacher ta lo suyo güerto e i talló unas cols, as qu´en i soprixiban más. Encontinén, ordinó a lo mensacher segundiar l´aizión que bi eba alufrato. Remiró II acató lo mensax e cridó a´s prenzipals noples ta que s´aplegasen en Güesca, con a enchaquia d´a feitura d´una cambana que se sentirba por tot en o raino. Una begata i achuntatos, fazió pasar un por un a´s 15 noples más culpables e tautes d´es rebolizios ta la “sala d´a campana” (un sotarraño d´o palaz reyal) an que bi yeran escapezatos, atraziando con lurs capezas una cambana y con a zaguera -la de lo bispe de Güesca- enmeyo como batallo”.

Ista liyenda aparix por primer begata en a coronica de San Chuan d´a Peña, e incluye as prosas d´o cantar d´ixeras “O Cantar d´a Campana de Güesca”. Como rematanza, en amuestran un resumen:

“…Et aquesti don Remiro fue muyt buen rey / et muyt franco a los fijosdalgos, de manere / que muytos de los lugares del Regne dio a nobles et cavallers / e por esto no lo preciaron res. / …Et por dar remedio al su Regno / enbió un mensagero al su monasterio. / …rogándole que le diesse consello. /…clamó al mensagero al huert / en el cual muytas coles havié. / … talló todas las coles mayores que yeran en el huert, / et díxole al mensager: / “Vete al mi señor el Rey / et dile lo que has visto fer”. / … El Rey envió letras al regne / a nobles, cavalleros et lugares que fuesen / a corts a Huesca, que una campana quería fer / que de todo su regno se oyesse. /… Et aquesto oyeron los nobles et cavallers, / dixeron: “Vayamos a veer / aquella locura que nuestro rey quiere fer”, / como aquellos que non lo preciaban res. / … Escabeçó XII ricos hombres et otros cavalleros…”

Dimpués d´ista socherén besita por San Ponz de Tomeras, deziden de jopar antis con antis ta Milhau, d´a que lis ne deseparan 130 kms.

Anuncios