14. La Vaur – Puèglaurenç

1-07-2.008 . La Vaur (promana d´o zeltico “Baor”: baxán; “Vaur”, barián de l´oczitán “Vabre”: galox encalaxato; u “Vaurum”, zidá galorromana) ye una zidá d´o destrito de Castras, departamén de Tarn, rechión Midi-Pyrénées y a 37 kms. de Tolosa, ha 8.500 abitadors e ye situgata a 140 mts. d´altaria chunto l´arriu Agout.

La villa de Lavaur con su Ayuntamiento. A billa de Lavaur con o suyo Casal de Conzellos.

La villa de Lavaur con su Ayuntamiento. A billa de Lavaur con o suyo Casal de Conzellos.

As primers esmenzions estoricas son de l´año 844 “Sylva Vaurensis”, anque un sieglo dinantis ya esistiba una armita con o nome de Saint-Elan, u Alain. D´o 1.035 ye l´auta de l´omenax d´o siñor Guilhem “d´o castiello de Vaure” a lo bisconte d´Albi e de Nîmes, Bernard-Aton III. En ixas engüeltas no más bi eba que bellas casetas á canto l´arriu Agout, arredol d´o castiello y d´a fuen de Rocabaudra.

Curioso barco en Lavaur. Chocante nau en Lavaur.

Curioso barco en Lavaur. Chocante nau en Lavaur.

Lo 1.098 la badía cluniziense de Sant Ponç de Tomièiras establix á La Vaur un priorato á trucas d´a refeitura de l´antiga ilesia romanica de St. Elan lo Vielh, que bi yera enronalata; la costruyen chunto lo dispaixito castiello d´o Plô.

M. Martín, y a lo lejos se ve un poquico la catedral de Lavaur. Migalánchel Martín e, lueñes, se i beye cualcoseta d´a catedral de Lavaur.

M. Martín, y a lo lejos se ve un poquico la catedral de Lavaur. Migalánchel Martín e, lueñes, se i beye cualcoseta d´a catedral de Lavaur.

Durán l´asitie d´o 1.211 a nuaba ilesia endura graus deboros que la esmicazan. Lo 1.255 s´edefica una nuaba catedral que, amillorata, plega dica güe.

Lo Papa Chuan XXII estatuez lo bispato “Vaurensis” lo 1.318, dimpués d´en bistrayer-lo de lo de Tolosa, nombrando primer bispe de La Vaur a Roger d´Armanhac, adotato con 5.000 libras de renda y con 88 parroquietas i achudicatas. Ye siede bispal dica lo 1.793.

Una de las fachadas de la catedral. Una d´as fronteras d´a catedral.

Una de las fachadas de la catedral. Una d´as fronteras d´a catedral.

Terreta d´a erechía catara de lo 1.180 ta lo 1.221, La Vaur seyerá siede d´o bispato cataro de Tolosa dica qu´es cruzatos prenen la poblazión lo 3 de mayo d´o 1.211. A zidá estió rapata á trombataleca por Simón de Monfort, dimpués de dos meses d´asitie. Güeitanta caballers i son pinchatos d´es muresnos e 400 cataros crematos en a cherata más gran d´a Cruzata. Dama Gairauda de Laurac, la siñora bidua de castiello y billa, catara azerrina, ye zabucata biba ta lo fundo d´un puzo e i zaboyata con peiras.

Fachada de la catedral. Frontera d´a catedral.

Fachada de la catedral. Frontera d´a catedral.

En chinero d´o 1.213, lo Conzello de bispes aplegato á La Vaur atrancoron a prebatina de pachería en a que yeran nantando lo rai Pietro II d´Aragón e lo Papa Inozenzio III, lo cual que continoron fendo traña enta la baralla de Mureth.

Lo 1.220 Raimon VII de Tolosa se´n fa con La Vaur e Puèglaurenç, pero tornarán en mans de Lois VIII lo 1.226.

Los jardines del obispo y al fondo la catedral de Lavaur. Es chardins d´o bispe y, enta lo fundo, la catedral de Lavaur.

Los jardines del obispo y al fondo la catedral de Lavaur. Es chardins d´o bispe y, enta lo fundo, la catedral de Lavaur.

Dixan l´auto amanato ta la catedral. Entre que pretan a nabesar l´ateserato y polito chardín d´o bispe -acupa la siede de l´antigo bispato- bi atifan desiguida la gran basilica, que lis ie dixa narcatos de l´altiza y grañaza que ye. S´amanan ta la ofizina de torismo y, contino, dentran en a catedral de La Vaur.

A catedral gotica de Sant-Elan, costruyita lo 1.255, ye lo siñal d´o trunfo d´a fe catolica sopre la erechía catara; ye un edefizio de ladriellos con aintros goticos.

La catedral de Saint-Alain con un señor contratado para tocar las campanas en la torre de la derecha. Los jardines del obispo y al fondo la catedral de Lavaur. Es chardins d´o bispe y, enta lo fundo, la catedral de Lavaur.

La catedral de Saint-Alain con un señor contratado para tocar las campanas en la torre de la derecha A catedral de Sant-Elan con un siñoret alogato ta tocar as cambanas en a tor dá dreita.

Lo 1.523 l´adiben a frontera sur, con un relox furnito d´un omenet de fusta (Jacquemart) que i marca la ora orata y la meya.

Portal gótico dentro de la capilla de la catedral. Portalada gotica aintro d´a capiella d´a catedral.

Portal gótico dentro de la capilla de la catedral. Portalada gotica aintro d´a capiella d´a catedral.

En es aintros, lo más remarcable que bi aguaitan ye lo gran güergano y lo repolito portal gotico, que lis choca perque se i beye sólo que dend´es aintros d´una capiella.

El río Agout en los aledaños de la catedral. L´arriu Agout en os arredols d´a catedral.

El río Agout en los aledaños de la catedral. L´arriu Agout en os arredols d´a catedral.

En ixir-ne, chunto lo templo, almiran la panda corrién de l´arriu Agout.

Encontinén jopan ta la siguién aturadeta, Puèglaurenç, a 13 kms.

Puèglaurenç, u Puylaurens, (d´o bocable zelta “Pech” u “Puch”, montaña; u bien d´o latín “Podio Laurentii”) ye una zidá entre Lauragais e la Montaña Negra en o destrito de Castras, departamén de Tarn, d´a rechión Midi-Pyrénées y a 50 kms. de Tolosa, ha 2.800 abitadors e ye situgata á 375 mts. d´altaria.

La torre de la iglesia de Puylaurens. La tor d´a ilesia de Puèglaurenç.

La torre de la iglesia de Puylaurens. La tor d´a ilesia de Puèglaurenç.

Ista localidá se costruyó en un altero, estando es bisigotos es primers qu´anomenoron ista lomarra peirosa. A empezallos d´o sieglo XX s´escrebiba ofizialmén deseparato: Puy Laurens.

La ilesia, adedicata a “la Vèrge del Lac”, tien elementos goticos, a nau d´o sieglo XVII, e cualques güeltas son d´o XIX. No´n i remane pon d´o premetibo castiello “Cap de Castel” de lo sieglo XIII, qu´estió aglerato por os cruzatos.

Hojas de árboles, ¡ah! y en medio se ha puesto la torre de la iglesia. Fuellamen d´arbols. Jibo!!, en meyo se´n ye plantificata la tor d´a ilesia.

Hojas de árboles, ¡ah! y en medio se ha puesto la torre de la iglesia. Fuellamen d´arbols. Jibo!!, en meyo se´n ye plantificata la tor d´a ilesia.

Por ixas engüeltas, o siñor d´a billa yera Sicard de Puèglaurenç e la suya mai yera “perfeuta” catara. Saix de Montesquieu y la suya chirmana Berenguera rexiban tamián un casal cataro. Á Puèglaurenç bi eba muitos cataros e b´eban lo suyo fosal apropio.

Lo 1.211, bels diyas dimpuesas de l´asitie cruzato de La Vaur, Puèglaurenç ye chusmesa y posata en tenenzia de Guido de Lucy.

La Garisou de Marianno. "La Garison de Marianna" ( a sanadura de Mariana ).

La Garisou de Marianno. "La Garison de Marianna" ( a sanadura de Mariana ).

Á Puèglaurenç naxió y bibió Guillaume Lavabre, zapater trobatorengo, qui lo 1.792 baltizó la choben Republica Franzesa como “Marianne”, mote muito espardito por aquelas engüeltas en o payís oczitán. Marianne encarna lo simbolismo d´a mai patria que protex a´s fillos d´a Republica. La suya canta “La Garisou de Marianno”, en oczitán, i sonó asabelo, lo que apremite á Puèglaurenç rebindicar o tetulo de “breçol occitan de la Marianno republicano”.

Busto de Marianne, ayuntamiento de Puylaurens. Busto de Marianna, Achuntamién de Puèglaurenç.

Busto de Marianne, ayuntamiento de Puylaurens. Busto de Marianna, Achuntamién de Puèglaurenç.

La gambadeta por Puèglaurenç no lis ha feito tanto goyo como á La Vaur pero, con tot y con ixo, son de güen miral es arredols d´a ilesia,

Porche de madera y una fachada del Ayuntamiento. Porche de fusta y frontera de l´Achuntamién.

Porche de madera y una fachada del Ayuntamiento. Porche de fusta y frontera de l´Achuntamién.

lo porche de fusta an que ye l´antigo edefizio de l´achuntamién e la ofizina de torismo, un implazer miralgüén baxo la guambra mosquera d´uns arbres -do han dixato l´auto- y una carrera con bels casals tipicos.

Fachada de una casa típica. Frontera d´un casal tipico.

Fachada de una casa típica. Frontera d´un casal tipico.

En ista localidá se sienten bian argullosos de seyer oczitans, la suya mazada prisentadera lo´n ie diz esclater: “Puèglaurenç: ciutat occitana”. Dend´astí dica Sant Ponç de Tomièiras bi ha 67 kms., tornando a nabesar Masamet.

Anuncios