13. Tolosa. Esplorazión de tardis

Marchan de nuabas por a carrera Taur ta dentrar en una librería do consultan e mercan bel libro en oczitán e sopre lo mundo d´es cataros. En un d´els bi ha un rezentamién sopre lo cleigo Durán de Güesca, qui enta 1.220 copia y en cretica, en a obra suya “Liber contra Manicheos”, respetibe a una replega de zitas d´escrituras d´un tratato cataro anonimo. Durán esdebiendrá lo caporal d´a Orden d´es “Pauperes Catholici”, aprebata por Inozenzio III y precursora d´es mendicans d´o sieglo XIII.

Torre del museo de los Agustinos. Tor d´o museyo d´es Agostins.

Torre del museo de los Agustinos. Tor d´o museyo d´es Agostins.

En atra rezeña d´o mesmo libro se i trata sopre os cataros en a Peninsula Iberica. Lucas, bispe d´a localidá gallega de Tuy de 1.239 ta 1.249, escribe una obra antieretica sopre bels cataros qu´eban dato notorio en León a partir de lo 1.209, cuan yera canonche d´ixa zidá. Paix estar que lo bolumen estió trobato lo 1.230 en Sobrarbe, en o disparexito castiello de Monclús.

Edificios típicos de una calle de Toulouse. Edefizios tipicos d´una carrera de Tolosa.

Edificios típicos de una calle de Toulouse. Edefizios tipicos d´una carrera de Tolosa.

Dimpués d´a Cruzata en abió de cataros que fuyoron ta lo raino d´Aragón, estando-ie acullitos por siñors feudals con os qu´eban binclamiens de parentalla u basallax. Es nuclios aragoneses con prisenzia catara estioron: Chaca -un bico entegro-, Alcañiz, Calanda, Cretes e Monroy. Lo rai Chaime I s´estimaba más endrezar a istas famillas d´oczitans -suspeitosos d´erechía- enta interpresas de reconquiesta, que biyer-lis esdebenir bitimas d´a represión.

Casa y una torre renacentista. Casa y tor renaxentista.

Casa y una torre renacentista. Casa y tor renaxentista.

Ye endicatibo d´aquelas engüeltas lo qu´escribe l´estoriador Francisco de Moxó en a rebiesta Historia-16, lum. 62, d´o 1.981, rispeutibe a lo caso de Jean Tisserand qui, acusato fuleramén d´erechía, se´n esfendeba asinas por as carreras de Tolosa: “Ascuitaz-me siñors: no soi pas un erexe. He una muller con a que me chito. He fillos, en mincho de pizca; miento y churo. ¡Soi, doncas, un güen crestián!!”.

Monasterio de los Jacobinos. Monesterio d´es Chacobins.

Monasterio de los Jacobinos. Monesterio d´es Chacobins.

Dende la librería marchan a besitar o conchunto monastico -ilesia, claustro, sala capetular e refetorio- d´es Chacobins.

Miguel Ángel Pérez haciendo una foto en un espejo en la iglesia de los Jacobinos. Migalánchel Pérez afotiando un espiello en a ilesia d´es Chacobins.

Miguel Ángel Pérez haciendo una foto en un espejo en la iglesia de los Jacobinos. Migalánchel Pérez afotiando un espiello en a ilesia d´es Chacobins.

Ye estatuezito lo 1.215 por la Orden d´es Dominicos, por mor de l´enanto d´a erechía catara y la suya fin yera pedricar l´ebanchelio y luitar cuentra la erechía. Lo nome de Chacobins promana d´o combento que la Orden eba en a carrera Saint-Jacques (San Chacobo) á París.

Claustro del convento y torre de la iglesia. Claustro d´o combento y tor d´a ilesia.

Claustro del convento y torre de la iglesia. Claustro d´o combento y tor d´a ilesia.

La tor güeitogonal de ladriello se´n retraye a la d´a basilica de Sant-Sarnin. A ilesia lis choca, no lo s´asperaban, ye una alfaya de l´arte gotico; constimesa por dos naus con siet colunnas, una d´ista bi empara una güelta con 22 rebities que gosan parixer una palmera de pietra.

Columna que sustenta la bóveda de 22 ribetes. Colunna qu´empara la güelta d´es 22 rebities.

Columna que sustenta la bóveda de 22 ribetes. Colunna qu´empara la güelta d´es 22 rebities.

Alufran lo claustro d´o combento, ye como un pochanco de paz en o mesmo cocollo d´a zidá, asiñoriato por la plazible guambra d´as nayas e l´implazer chardín d´o claustro.

Jardín y claustro del Convento. Chardín e claustro d´o combento.

Jardín y claustro del Convento. Chardín e claustro d´o combento.

Camín de lo “Jardin des Plantes” aguaitan atros palazins e ilesias intresans.

Hotel d'Assezat, palacete renacentista del siglo XVI. Ostal d´Assezat, palazín renaxentista d´o sieglo XVI.

Hotel d'Assezat, palacete renacentista del siglo XVI. Ostal d´Assezat, palazín renaxentista d´o sieglo XVI.

O “Jardin des Plantes”, con o “Jardin Royal” e lo “Museum d´Histoire Naturelle” atrazian un espaz natural sobregüén.

El Parque del Jardín des Plantes de Toulouse. Lo Chardín d´as Plandas de Tolosa.

El Parque del Jardín des Plantes de Toulouse. Lo Chardín d´as Plandas de Tolosa.

Lo Chardín d´as Plandas ye repolito, en b´ha d´estaños, churros d´augua, flors, guites, estatuas….

Flores en el Jardín des Plantes. Flors en o Chardín d´as Plandas.

Flores en el Jardín des Plantes. Flors en o Chardín d´as Plandas.

dimpués d´o susiego d´o claustro, aquí han trobato la quedez d´a natura;

Un patico en el Jardín des Plantes. Un guitet en o Chardín d´as Plandas.

Un patico en el Jardín des Plantes. Un guitet en o Chardín d´as Plandas.

solo que por bel rated, pos encá lis agana de fer gambada por as marguins d´a Garona.

Más florecicas en el Parque. Más floretas en o parque.

Más florecicas en el Parque. Más floretas en o parque.

La zidá y l´arriu no se´n retrayen guaire a Zirigoza.

Vista del río Garona. Ambiesta de l´arriu Garona.

Vista del río Garona. Ambiesta de l´arriu Garona.

Ye de güen aguaitar la politeza d´o lusco d´a tardata, con os puens e molimentos i reflexatos en l´augua.

Vista sobre la Plaza de la Daurade y  el campanario de la iglesia de los Jacobins. Ambiesta d´a plaza de la Daurada y lo campanal d´a ilesia d´es Chacobins.

Vista sobre la Plaza de la Daurade y el campanario de la iglesia de los Jacobins. Ambiesta d´a plaza de la Daurada y lo campanal d´a ilesia d´es Chacobins.

Bi ye bian acotraziato ta lo discanso y la gambadeta, tot asabelo d´escoscato, repolindato, asusegato….

Puente nuevo  de principios del siglo XVII. "Puan Nuabo" de prenzipios d´o sieglo XVII.

Puente nuevo de principios del siglo XVII. "Puan Nuabo" de prenzipios d´o sieglo XVII.

as colors royas e berdas se´n i enzerringlan, y as ambiestas d´a zidá i esdebienen embaziladeras.

Vista muy colorida del río Garona. Ambiasta bian colorita de l´arriu Garona.

Vista muy colorida del río Garona. Ambiasta bian colorita de l´arriu Garona.

Tolosa ye conoxita como la Zidá Rosa por la color d´es ladriellos, y tamién como la Zidá d´es Zien Chardins pero, sopre tot, ye una zidá estorica á saper qué biberna!!.

Acordeón y pandereta tocados por un par de tolosanos junto al Garona. Curdión e pandereta tocatos por dos tolosans chunto la Garona.

Acordeón y pandereta tocados por un par de tolosanos junto al Garona. Curdión e pandereta tocatos por dos tolosans chunto la Garona.

Ye a zaguer nueit qu´aduermen á Tolosa, maitín continan camín enta La Vaur.

Anuncios