12. Esplorazión de maitins

Ban a besitar la zidá a piet. Empezipiarán amanando-sen ta la grañaza plaza do s´alcuentra lo Casal de Conzellos, conoxito como “Lo Capitolì”.

M. Pérez y M. Martín en la plaza Le Capitole, detrás el Ayuntamiento. Migalánchel Pérez y Migalánchel Martín en a plaza Lo Capitòli; dezaga Lo Capitòli.

M. Pérez y M. Martín en la plaza Le Capitole, detrás el Ayuntamiento. Migalánchel Pérez y Migalánchel Martín en a plaza Lo Capitòli; dezaga Lo Capitòli.

La suya anomenazión promana d´es “capitouls” (se beiga lo capetulo anterior), es churatos monezipals que s´aplegaban en asambleya ta conzellar rispeutibe a´s afers d´o gubierno d´a zidá. Ye un edefizio nioclasico d´arquiteitura de peira y ladriello de metá d´o sieglo XVIII, adornato con güeito colunnas chonicas de marmor que i simbolizan es güeito “capitouls” que gubernaban Tolosa.

Portada de entrada al Ayuntamiento. Portalada dentradera ta Lo Capitòli.

Portada de entrada al Ayuntamiento. Portalada dentradera ta Lo Capitòli.

Se´n i adintran por una portalata que mena ta lo siestro adedicato a Enrique IV.

Pórtico renacentista con la estatua del rey Enrique IV. Porche renaxentista con a estatua d´o rai Henry IV.

Pórtico renacentista con la estatua del rey Enrique IV. Porche renaxentista con a estatua d´o rai Henry IV.

Continan por un porchegato renaxentista muito decorato, que remata en o suyo capiter con una estatua d´o rai debanmentato y que desenfila ta una rebirolera plazeta con asabela berdura, arbols, chardins, fuen y una sobrepolita escultura negra.

Escultura a la salida del pórtico. Escultura en a ixita d´o porche.

Escultura a la salida del pórtico. Escultura en a ixita d´o porche.

En ista plazetas s´alcuentra lo bogal torreyón d´a ofizina de torismo, anomenato ” Tor dels Archius Capitolars “, edificato lo 1.525 y esbiellato con torretas e muresnos bi adibitos por Viollet-le-Duc en o sieglo XIX.

La torre del homenaje o de los archivos capitulares. La tor de l´omenax, u dels Archius Capitolars.

La torre del homenaje o de los archivos capitulares. La tor de l´omenax, u dels Archius Capitolars.

En i cullen de fuelletons y en fan d´afotos por la plaza.

Torre del Hotel Boysson, renacentista (1468). Tor de l´Ostal Boysson, renaxentista (1.468).

Torre del Hotel Boysson, renacentista (1468). Tor de l´Ostal Boysson, renaxentista (1.468).

Continan a cursa por Tolosa, esnabesan por carreras con grans casalazes y arriban en a carrereta Malcousinat, an que s´i alcuentra l´Ostal d´Occitània, situgato en es palazes renaxentistas de Boisson e Cheverry, coleutibo creyato por espunte de l´Achuntamién de Tolosa y de 40 asoziazions oczitanas d´a zidá, a fin de fer esbulligar a cultura oczitana en Tolosa y rechión, en as dembas d´a luenga, mosica, teyatro, estoria, arquioloxía, filosofía….

Chunto a l´entrador bi ha un retulo con dos mazadas de senglos poyetas en oczitán: “Tota lenga pòt far mervelha” (Pèire Godolin) y “Qu’un pòble tombe esclau, se ten sa lenga ten la clau que de sas cadenas lo desliura” (Frederic Mistral).

M. Martín y M. Pérez debajo de la bandera de Occitania en la Maison de L'Occitanie. Migalánchel Martín y Migalánchel Pérez debaxo d´a siñera d´Oczitania en l´Ostal d´Occitania.

M. Martín y M. Pérez debajo de la bandera de Occitania en la Maison de L'Occitanie. Migalánchel Martín y Migalánchel Pérez debaxo d´a siñera d´Oczitania en l´Ostal d´Occitania.

Se´n i fan l´afoto con un gran siñal oczitán. Iste simbolo crestián lo prenen as tiarras oczitanas de Provenza y Languedoc, an que ya aparixeba en muitas sepolturas precrestianas. Ye enzerringlato con o mundo solar e con es doze simbolos de l´oroscopo ozidental. Tolosa l´aculle como part d´o suyo escuto eraldico dende lo sieglo XIII.

Mapa de Occitania. Mapa d´Oczitania.

Mapa de Occitania. Mapa d´Oczitania.

En os edefizios ne b´ha botiga, salas d´esposizions, cambras d´asayos, ofizina d´Estudios Oczitans…. bi esparlatinian con Cécile Chadeuil, choben y endelerata mesacha encargata de proyeutos de l´Institut d´Estudis Occitans y con atro choben, es dos colaboran con o Coleutibo. Lis atienden con toda fineza, fablan d´o momén autual de l´oczitán, entre que M. Martín lis esplicotia esclateramén a situgazión de l´aragonés. Asabelo d´emponderable lo triballo d´ista chen, luitaders por l´esdebenider e cutiano floreximién d´a cultura oczitana en l´amostranza y en a soziedá.

Anda...anda. Rótulo en francés y occitano. Anda,anda.... con l´Andana d´es Chustos d´as Nazions. (Cuasi-cuasi chusto como n´aragonés).

Anda...anda. Rótulo en francés y occitano. Anda,anda.... con l´Andana d´es Chustos d´as Nazions. (Cuasi-cuasi chusto como n´aragonés).

A luenga oczitana, promanán d´o latín como lo castellán, l´aragonés y demás romanicas, se parla en Franzia, en o sur; en España, en a bal d´Arán; y en Italia, en onze bals d´o Piamonte, pero la suya sobrebibenzia ye menazata por tot.

L´oczitán se´n trestalla en tres grans bariedaz: setentrional (fablato en Limousin, Auvernha y es Alpes probenzals), l´oczitán meyo (languedozián e probenzal) e lo gascón (fablato en l´antiga Aquitania).

La calle del Taur desde un bar. Tor de Pèire de Sarta d´o sieglo XVI.

La calle del Taur desde un bar. La carrera dó Taur dende una tabierna-restorán.

D´una man, cualques Corz foranas -como en l´Aragón meyebal- emplegaban l´oczitán, más que más, como luenga lirica de cantas e poyesía. D´atra, rematata la Edá Meya, lo rai franzés François I l´anomenaba “patois” y estió lo taute d´a espardidura d´iste mote qu´abracaba totas as luengas rechionals parlatas en o raino. A Rebolizión Franzesa no fazió qu´afundar n´ista estendenzia; por ixo, no cal estraniar-se-ne mica de l´estato autual de l´oczitán en as grans zidaz d´o Midi, definible con ista frase: “Ieu, parli pas occitan; ieu parli patés!!”. L´aragonés no´n ye millor.

Torre de Pierre de Sarta del siglo XVI. Tor de Pèire de Sarta d´o sieglo XVI.

Torre de Pierre de Sarta del siglo XVI. Tor de Pèire de Sarta d´o sieglo XVI.

Continan lo camín por atras carreras piatonals muito plazenteras, como la de Saint-Rome, cuan s´escunzan con un casal tipico y la tor Peire de Sarta, calendata lo 1.525.

Torre Morand del siglo XIII en la calle del Taur. Tor Morand d´o sieglo XIII en a carrera d´o Taur.

Torre Morand del siglo XIII en la calle del Taur. Tor Morand d´o sieglo XIII en a carrera d´o Taur.

Enfilan ta la basilica de Sant Sarnin por la carrera d´o Taur, do almiran la tor Morand de lo sieglo XIII e la ilesia de Nostra-Dàma del Taur, con frontera d´o sieglo XIV y mur-campanal qu´apertenexeba a la muralla d´a zidá.

Iglesia de Notre-Dame du Taur. Ilesia de Nòstra-Dama d´o Taur.

Iglesia de Notre-Dame du Taur. Ilesia de Nòstra-Dama d´o Taur.

Arriban en a percutidera y polidisma basilica de Saint Sernin. Ye adebotata a lo primer bispe y mártir de Tolosa, Santornil, en a primer metá d´o sieglo III. En lo 250 fenex zurrastiato por un toro debán de l´autual plaza Esquirol, por ixo se i remera l´escaizimién con o nome d´a carrera Taur e d´a ilesia Nostra-Dama del Taur. A zaguers d´o sieglo IV ya esistiba un templo con os espullos de Santornil.

Basílica de Saint Sernin, joya del románico europeo y la torre octogonal de los siglos XII y XIII. Basilica de Sant Sarnin, alfaya d´o romanico uropeyo y la tor güeitogonal d´es sieglos XII y XIII.

Basílica de Saint Sernin, joya del románico europeo y la torre octogonal de los siglos XII y XIII. Basilica de Sant Sarnin, alfaya d´o romanico uropeyo y la tor güeitogonal d´es sieglos XII y XIII.

A popularidá d´o bispe tolosán afaborix l´apleganza d´es pelegrins; asinas que se i costruy en o sieglo XI l´autual basilica. As feituras s´apolargarán dica lo sieglo XVI y a metá de lo XIX Viollet-le-Duc en i ferá d´esbiellanzias. Güe contina seyendo a ilesia más gran d´Oczitania y a romanica más gran d´o mundo. Con l´asolanzia d´o pelegrinax enta Compostela, Tolosa esdebiendrá etapa siñalera d´a Biya Tolosana.

Porte des Comtes y detrás  puerta Miégeville del siglo XII. Porta dels Comtes y dezaga Porta Mièjavila d´o sieglo XII.

Porte des Comtes y detrás puerta Miégeville del siglo XII. Porta dels Comtes y dezaga Porta Mièjavila d´o sieglo XII.

Dentran ta la basilica por a puerta Miejavila d´o sieglo XII, dimpués de trescruziar la puerta Renaissença, unico estrazio remanén d´o rezingle que d´antis más enredoliaba la badía.

Interior de la Basílica de Saint-Sernin, nave abovedada, la sillería del coro, renacentista del siglo XVII. Aintros d´a basilica de Sant Sarnin, nau agoltiada; o cadieramen d´o coro, renaxentista d´o sieglo XVII.

Interior de la Basílica de Saint-Sernin, nave abovedada, la sillería del coro, renacentista del siglo XVII. Aintros d´a basilica de Sant Sarnin, nau agoltiada; o cadieramen d´o coro, renaxentista d´o sieglo XVII.

L´amplaria y politeza de la nau -entre la portalada y lo coro- lis ie dixa percutitos.

Cristo de madera esculpido en la Basílica de Saint Sernin. Cristo de fusta entretallato en a basilica de Sant Sarnin.

Cristo de madera esculpido en la Basílica de Saint Sernin. Cristo de fusta entretallato en a basilica de Sant Sarnin.

Lo capiter ye la part más biella de l´edefizio; la cursa amuestra l´importán conchunto de retaulos, almarios e relicarios de tiera pintatos e doratos -lo mayor numbro de Franzia tota- y lo marbielloso triballo d´escultors, pintaires, güerfebres e fusters.

Fachada de la Basílica de Saint-Sernin. Frontera d´a basilica de Santornil.

Fachada de la Basílica de Saint-Sernin. Frontera d´a basilica de Santornil.

En ixir s´aprestan a chintar en una cadiera a la mosquera d´uns arbres, entre que bi espleitan d´una ambiesta pistonuta.

Anuncios