11. Tolosa. Embastes estoricos

30-06-2.008. Tolosa ye a cuartena zidá de Franzia y capetal d´o departamén de Haute-Garonne, en a rechión Midi-Pyrénées, ha 435.000 abitadors e ye situgata a 140 mts. d´altaria chunto l´arriu Garona.

El río Garona a su paso por Toulouse. L´arriu Garona en pasar por Tolosa.

El río Garona a su paso por Toulouse. L´arriu Garona en pasar por Tolosa.

O nome de Tolosa podreba esdebenir de “Tol”, fuen, “Tullius”, antroponimo, u “Tolist-boboii”, tribu d´es zeltas.

Mapa de Occitania. Mapa d´Oczitania.

Mapa de Occitania. Mapa d´Oczitania.

A estoria de Tolosa arrecula dica lo sieglo IV a.C. en un poblato iberico plantificato poquez kms. enta lo sur de l´autual ubicazión. En o sieglo III a. C. ye abitato por un grupo d´as tribus zeltas, es “Volcae Tectosages”, establindo en Tolosa la capetal d´es Tolosates (bal d´a Garona). Dinantis d´a conquiesta romana es pelegrins galos i feban presentallas en as auguas d´un laco sagrato, güe zaboyato por a Canal d´o Meidia.

El Canal de Midi a su paso por Toulouse. Lo Canal d´o Midi trescruziando Tolosa.

El Canal de Midi a su paso por Toulouse. Lo Canal d´o Midi trescruziando Tolosa.

La fundan os romans lo 118 a.C., esdebenindo una importán localidá en as dembas comerzial, artistica y d´as ideyas,apertenexién a la Gallia Narbonensis. O sieglo III d.C. ye a terzena zidá más importán, e mentata en a cursa d´a biya romana (en a tabla de Peutinger) que ba de Narbona ta Burdeus, antiparti de capeza de lo bispato Tolosanensis. Lo 418 ye capetal d´o raino bisigoto, dica que lo 507 es francos forachitan a´s bisigotos. L´año 630 lo rai Dagoberto la esliche como zentro d´o ducato d´Aquitania. Carlomaño, lo 769, desina Tolosa capetal d´una Marca de l´imperio franco y lo 781 nombra lo fillo suyo Ludovico Pío rai d´Aquitania.

Basílica de Saint-Sernin. Basilica de Sant-Sarnin (Santornil).

Basílica de Saint-Sernin. Basilica de Sant-Sarnin (Santornil).

A partir d´o 814 lo condato -baxo lo linache d´es Saint Gilles- campa solo, alueñando-se-ne d´es francos y asinas-asinas dica lo sieglo XIII, cuan es contes tolosans Raimon V, VI (casato con Alionor d´Aragón) e VII (casato con Sancha d´Aragón) enziertan con a puenda catara y a naxenzia y fuga d´a poyesía trobatorenga.

Museo Saint-Raymond, palacete renacentista del siglo XVI. Museyo Saint-Raimond, palazín renaxentista d´o sieglo XVI.

Museo Saint-Raymond, palacete renacentista del siglo XVI. Museyo Saint-Raimond, palazín renaxentista d´o sieglo XVI.

Tolosa esdebien a zidá más bistable y culta d´a Uropa meyebal, en a que s´i apachan armonicamén relichions e culturas, seguntes Guillén de Tudela: “Que de totas ciutatz es cela flors e roza”; antimás, esdebien fita importán en o camín de San Chaime.

La tolosana calle del Taur. A tolosana carrera d´o Taur.

La tolosana calle del Taur. A tolosana carrera d´o Taur.

Os ligallos d´amistanza y parentalla entre as dinastías d´Oczitania y Aragón dan piet a colaborazions puliticas, como a entrebenzión de Guilhem VIII en a presa de Balbastro lo 1.064, u como a zaguers d´iste sieglo XI, cuan a cuasi esconoxita Zelipa de Tolosa -filla de Guilhem IV conte de Tolosa y Emma de Mortain- esdebien raina d´Aragón en maridar-se con o rai aragonés Sancho Remírez. Fenexito lo rai, Zelipa -sin de cadiellada- torna a maridar-se con Guilhem IX, duque d´Aquitania, partizipando iste con saisziens caballers en a baralla de Cutanda (Tergüel) lo 1.120.

Vista de la Basílica de Saint-Sernin. Ambiesta d´a basilica de Santornil.

Vista de la Basílica de Saint-Sernin. Ambiesta d´a basilica de Santornil.

Lo 1.152 Tolosa acotrazia lo riedo pulitico d´es Consuls, “Capitouls” u “senhors del Capitol”; u seiga, un Conzello monezipal qu´en fa partax con o conte de l´almenistrazión e gubierno d´a zidá. Lo conte ye acomisato a consultar de perén a iste Conzello a esfensa d´a zidá u cualsiquier achuste con os bizins feudals. Una ordinazión d´o 10 de marzo de lo 1.205 declara que “dengún no pué seyer acusato d´erechía”.

Hôtel-Dieu Saint-Jacques, que, además de ser un hospital, servía de albergue para peregrinos. Ostal-Dieu Sant-Jacme que, antiparti d´espital, feba onra como albiergo de pelegrins.

Hôtel-Dieu Saint-Jacques, que, además de ser un hospital, servía de albergue para peregrinos. Ostal-Dieu Sant-Jacme que, antiparti d´espital, feba onra como albiergo de pelegrins.

Istas libertaz e lo partax d´es poders, chunto con as riquezas d´o payís, atrayen e retantan as angluzias d´as monarquías franzesa y aragonesa y más que más, a lo Papa qui, por meyo d´a Cruzata Albichesa acotolará en Oczitania la erechía catara, en surtir benzito y muerto lo rai aragonés Pietro II en a baralla de Muret.

La figura de Raimundo IV en las vidrieras de la Basílica de Saint-Sernin. A fegura de Raimond IV en as beireras d´a basilica de Sant-Sarnin.

La figura de Raimundo IV en las vidrieras de la Basílica de Saint-Sernin. A fegura de Raimond IV en as beireras d´a basilica de Sant-Sarnin.

Simón de Monfort esprita lo 1.218 en l´asitie de Tolosa; os tolosans cantan: “Viva Tolosa, ciutat gloriosa et poderosa, tornan lo paratge et l’onor, Monfort es mort!”.

La Basílica y Torre de Saint-Sernin. A basilica y tor de Sant-Sarnin.

La Basílica y Torre de Saint-Sernin. A basilica y tor de Sant-Sarnin.

Magueras que se i fica de nuabas o linache tolosán, lo condato s´achunta enta la corona franzesa lo 1.271, en mancar fillos mastos a Chuana, zaguera filla d´o conte tolosán Raimon VII.

El Garona, al fondo la basílica de Notre-Dame de la Daurade, iglesia neoclásica de finales del XVIII. A Garona, enta lo fundo la basilica de Nòstra-Dama de la Daurada, ilesia nioclasica de zaguers d´o XVIII.

El Garona, al fondo la basílica de Notre-Dame de la Daurade, iglesia neoclásica de finales del XVIII. A Garona, enta lo fundo la basilica de Nòstra-Dama de la Daurada, ilesia nioclasica de zaguers d´o XVIII.

En os sieglos siguiens os ligallos entre Aragón y Oczitania se´n irán esfendo remarcablemén.

Edificios decorados de la Rue de Metz. Edefizios decoratos d´a carrera de Metz.

Edificios decorados de la Rue de Metz. Edefizios decoratos d´a carrera de Metz.

En o sieglo XX, dimpués d´a guerra zebil española, Tolosa seyerá mientres cualques añatas a capetal d´es republicans españols tiarrachitatos, muitos d´els aragoneses.

La concurrida Rue d'Alsace Lorraine. A concorrita carrera d´Alsàcia Lorrena.

La concurrida Rue d'Alsace Lorraine. A concorrita carrera d´Alsàcia Lorrena.

Lo 1.982 s´estatuez á Tolosa la Casa d´Aragón -agora abitán astí bels 500 aragoneses- que fa onra entre atras custions como ligallo d´achunte d´as tiarras tolosanas con Aragón. Zirigoza y Tolosa han tamién achustes de colaborazión.

Rótulo de la calle del Taur en francés y occitano. Retulo d´a carrera d´o Taur en franzés y oczitán.

Rótulo de la calle del Taur en francés y occitano. Retulo d´a carrera d´o Taur en franzés y oczitán.

Anuncios