10. Lac des Montagnès – Miraval-Cabardés

Lo Lac des Montagnès ye un laco artifizial, a menos de 10 kms. de Hautpoul.

Entrada al Lac de Montagnès. Entrader ta lo Lac des Montanhès.

Entrada al Lac de Montagnès. Entrader ta lo Lac des Montanhès.

Iste laco, como muitos de gronxiata que ne b´ha en Franzia, risulta petón ta pasar a chornata.

Vista del Lac de Montagnès. Paisax de lo Lac des Montanhès.

Vista del Lac de Montagnès. Paisax de lo Lac des Montanhès.

Lo de Montagnès ye enredoliato de boscax, bian acotraziato, muito escoscato y ofrex una placheta d´arena, zona de baño y chuegos ta ninos.

El limpio lago de Montagnès. O lempedo Lac des Montanhès.

El limpio lago de Montagnès. O lempedo Lac des Montanhès.

A primer intinzión d´es Zerrigüeltaires en biyer tot ixo ye capuzar-sen en l´augua pero, a la finitiba, deziden de petenar arredoliando lo laco.

Después de rodear el lago. Dimpués d´arredoliar lo laco.

Después de rodear el lago. Dimpués d´arredoliar lo laco.

Ye una cursa de bels tres u cuatro kms., plana y bian marcata. Polidismo lo paisax e perfeuta la temperatura.

M. Martín y M. Pérez junto al Lac de Montagnès. Migalánchel Martín y Migalánchel Pérez chunto lo Lac des Montanhès.

M. Martín y M. Pérez junto al Lac de Montagnès. Migalánchel Martín y Migalánchel Pérez chunto lo Lac des Montanhès.

Petenar con istos “lamins” lis ie preba de pistón e con a brendeta que se´n fan, ya i son prestos ta lo siguién ochetibo: Miraval, a 16 kms., e ya en l´atra bersán d´a cordalera.

M. Martín y M. Pérez junto al Lac de Montagnès. M. Martín y M. Pérez chunto lo Lac des Montanhès.

M. Martín y M. Pérez junto al Lac de Montagnès. Miglánchel Martín y Migalánchel Pérez chunto lo Lac des Montanhès.

Miraval-Cabardés ye un lucaret en o cantón Mas-Cabardés d´o departamén de l´Aude, en a rechión Languedoc-Rosellon, con 48 abitadors; ye situgato a 400 mts. d´altaria chunto l´arriu Orbiel, en a bersán sur d´a Montaña Negra y a bels 28 kms. de Carcassona.

Vista del pueblo de Miraval. Ambiesta d´o lucar de Miraval.

Vista del pueblo de Miraval. Ambiesta d´o lucar de Miraval.

Miraval ye un lucar frescaz, encalaxonato en l´arriu y enredoliato de ralleras e selba. Os suyos casals parixen tradizionals, antigos, con solata; asinasmesmo, bi abió una gran prisenzia catara a zaguers d´o sieglo XII y empezallos de lo XIII.

Placa homenajeando al trovador Ramoun de Miraval. Retulo en omenax a lo trobataire Raimond de Miraval.

Placa homenajeando al trovador Ramoun de Miraval. Retulo en omenax a lo trobataire Raimond de Miraval.

S´amanan ta lo castiello cuan, baxo es repuis d´a fortaleza, alufran una placa en a que se i fa omenax a lo trobataire Ramoun de Miraval. Puyan por una mala sendereta ta plegar a descubrir os remanens d´a fortificazión, dos murs en talcualet estato.

Restos del castillo de Miraval. Remanens d´o castiello de Miraval.

Restos del castillo de Miraval. Remanens d´o castiello de Miraval.

Enfruén de lo castiello -a l´atro costato d´a carretera- bi ye la ilesia d´a Birchen de Laure (Lauoso en oczitán) de lo sieglo XII; l´antiga capiella d´o castiello, paix estar.

Iglesia de la Virgen de Laure. Ilesia d´a Vèrge de Lauoso.

Iglesia de la Virgen de Laure. Ilesia d´a Vèrge de Lauoso.

En Oczitania se desembolica la refinata cultura d´es Trobataires, mesclallando-ie l´arte poyetico (“trovar”) e l´arte d´amar (“fin d´amor”). Un d´es más sonatos, Ramoun naxe lo 1.160 á Miraval. Una part d´a suya familla abitará en Hautpoul dende lo 1.220.

Raimon de Miraval montado en su caballico. Raimon de Miraval amontato en o suyo caballet.

Raimon de Miraval montado en su caballico. Raimon de Miraval amontato en o suyo caballet.

Ramoun de Miraval ye o siñor d´o “castrum” y ha la propiedá d´un cuarteno d´o castiello. Embrecato ta´s grans siñors, ye amiu d´o conte Raimón VI de Tolosa -qui li diz “Audiart”-, d´es rais d´Aragón Alifonso -a qui anomena nostre rei aragonés, que val mais de tots los pros– e, más que más, d´o suyo fillo Pietro II lo Catolico, con qui bibirá dos añatas.

Curiosa puerta de una casa de Miraval. Trucadiza puarta d´una casa de Miraval.

Curiosa puerta de una casa de Miraval. Trucadiza puarta d´una casa de Miraval.

Ramoun s´acomoda con atra trobadora, Caudairenga; a lo que se´n inamora d´Ermengarda de Castres, sochiere a la suya muller que no ye de guaire güenestar que dos trobataires biban en a mesma casa. A la fin a muller d´el, Caudairenga, s´achunta con Guilhem Bremon; Ermengarda se marida con Oliver de Saissac, e lo probe Ramoun se´n queda solo-solicau y, en pagas, en a cruzata catara Simón de Monfort l´agarrapiza lo castiello de Miraval.

Ramoun rezita iste requilorio d´una part d´o poyema “Bel m’es q’ieu chant e coindei” antis de cantar una composizión en a qu´amuestra tristura, solidaridá con es suyos siñors, e s´aclama ta lo rai d´Aragón sospirando por a recuperazión d´as tiarras e castiellos:

“Quan lo coms de Toloza fo dezeretatz per la Gleza e per los franses, et ac perduda Argensa e Belcaire, e li franses agron Saint Gili et Albuges e Carcases, e Bederres fon destruitz, e’l vescoms de Bezers era mortz, e tota la bona gens d’aquelas encontradas foron morta e fugida a Toloza, com qui el se clamava “Audiartz”; e vivía ab gran dolor, per so que tota la bona gens don el era senher e maïstre, e donas e cavalier eron mort e dezeretat; pueis avia sa moiller perduda, si com vos auziretz, e sa dona l’avia traït et enguanat; et el avia son castel perdut.

Et avenc se que’l reis d’Arago venc a Toloza per parlar al comte e per vezer sas serors, ma dona Elienor e ma dona Sancha; e si confortet molt sas serors e’l comte e’l filol e la bona gen de Toloza, e promes al comte qu’el li recobraría Belcaire e Carcasona, et a’N Miraval lo sieu castel; e que faría si que la bona gens cobrarion lo joi c’avion perdut…..”

Parix estar que Ramoun de Miraval ye n´o cambamén d´o rai aragonés a bispra d´a baralla de Mureth -setiembre de lo 1.213- y que Peiro lo Catolico li da guarenzias de que tornará a prener posesión d´o suyo castiello.

Poema de Raimond de Miraval llamando al rey Pedro II de Aragón. Poyema de Raimond de Miraval aclamando-se-ne á lo rai Peiro II d´Aragón.

Poema de Raimond de Miraval llamando al rey Pedro II de Aragón. Poyema de Raimond de Miraval aclamando-se-ne á lo rai Peiro II d´Aragón.

En a “Maison des Mémoires” de Mazamet eban afotiato atra triga d´o debandito poyema de Raimond de Miraval, en oczitán e tresladato enta lo franzés, en a cuala i recloxida y se´n aclama ta lo rai Pietro II d´Aragón ta redotar a´s francos y arrecobrar toz es biens rapatos.

Una canción de amor en occitano de Raimond de Miraval. Una canta d´aimor en oczitán de Raimond de Miraval.

Una canción de amor en occitano de Raimond de Miraval. Una canta d´aimor en oczitán de Raimond de Miraval.

A Fineza amenista Paz e Libertá pero, dimpués d´a redota de Muret, Fineza y Erechía en seyerán rancatas talloparello de tota Oczitania. Raimón de Miraval se´n ba tiarrachitato enta la Corona d´Aragón, fenexendo en o monesterio zistelziense de Santa Clara de Lerida, lo 1.220.

Vista de Miraval desde el Castillo. Ambiesta de Miraval dende lo Castiello.

Vista de Miraval desde el Castillo. Ambiesta de Miraval dende lo Castiello.

Dimpués d´ista intresantisma chornata, y comentando la proxemedá d´es lucars de Lastors y Aragon e la zidá de Carcassona (ya besitatos en l´atra escorsa oczitana), lis cal marchar escopetiaus de Miraval pos se´n ba a fer de nueiz y aduermen en Tolosa, a 110 kms. de longaria.

Por o camín ascuitan en l´arradio de l´auto, y en franzés, os zaguers menutos d´a final d´a Copa d´Uropa de zumbol entre as selezions d´España,1, Alemaña,0. Lo diya d´antis l´equipo de ruxbi -escurrimién oczitán- Stade Toulousain de Tolosa se proclama Campión de Franzia, con muita bulla per las carreras.

Anuncios