1. Biache dica Tolosa. Mureth-Molimento

ARAGÓN EN OCZITANIA (II), DE LO 28 DE CHUNIO TA LO 5 DE CHULIO DE LO 2.008

A intinzión d´iste segundo biache por Oczitania ye continar con lo enzetato en o 2.006, besitando as prenzipals zonas enligamatas con a estoria d´Aragón.

28-06-2.008. Ixen de maitins con as miras de besitar a zidá oczitana de Mureth y adormir en Tolosa. A primer aturata la fan enna bal de Bielsa, a poquez kilometros d´a muga con Franzia, a man de l´entrader de lo tunel entrenazional Bielsa-Aragnouet, an qu´aprofeitan ta i chintare. Dinantis d´arribar en Mureth, M. Martín -canso de menar l´auto e con bella mica de soñera- s´atura en una arbolera ta i discansar bel poqued.

Mureth (antiga capetal de Comminges) ye una zidá de 20.000 abitadors situgata en o departamén de Haute Garonne (Midi-Pyrenées), se troba chunto a´s arrius Garona y Loja, a 169 mts. d´altaria y 18 kms. de Tolosa. Ye chirmanata con Monzón.

Un mago ilusionista en plena actuación. Un mago embelecaire en plenero espeitaclo.

Un mago ilusionista en plena actuación. Un mago embelecaire en plenero espeitaclo.

Alparcan l´auto y enfilan enta lo zentro d´a localidá. Parix estar qu´istos diyas bi son de fiastas, pos n´a plaza zentrica de la Paix ye autuando un embelecaire (Compagnie les Aristobulles – Ilusion sur Macadam) y por as carreras de lo costato corribandeya un payaset piculinaire.

El mago haciendo de las suyas. L´embelecaire fendo-ne d´embelecos.

El mago haciendo de las suyas. L´embelecaire fendo-ne d´embelecos.

Muito zerqueta d´astí aguaitan a polida tor d´a ilesia de San Chaime.

Un payaso saltimbanqui, casi tan alto como la torre de la iglesia. Un payaset piculinaire, cuasi tan alter como la tor d´a ilesia.

Un payaso saltimbanqui, casi tan alto como la torre de la iglesia. Un payaset piculinaire, cuasi tan alter como la tor d´a ilesia.

Un presonache famoso d´o sieglo XIX, naxito en Mureth, estió l´inchenier Clément Ader. Fazió un diseño orichinal qu´anomenó “Éole”, con trazas de murziagalo, alize, alas y empentato por una maquina a bapor. Lo 9-X-1.890 logró lo primer bolito en o mundo, de 50 mts.; anque por lo que más se conox a Clément Ader ye por estar lo taute en 1.897 d´un atro proyeuto -de nome “Avion”- pero lo secreto melitar qu´arredoliaba lo proyeuto li pribó bellas añatas dimpués de cualsiquier emologanzia (en profeito de os chirmans Wright) e la mancanza de posibles, más que más, li fazió reblar de fer nuebas prebatinas.

Postal mostrando el ensayo del vuelo de L'Eole de Clément Ader, Muret al fondo, y a la derecha la estatua de Ícaro. Postal amostrando la prebatina de bolito de L´Éole de Clément Ader, Mureth enta lo fundo y ta la dreita la estatua d´Icaro.

Postal mostrando el ensayo del vuelo de L'Eole de Clément Ader, Muret al fondo, y a la derecha la estatua de Ícaro. Postal amostrando la prebatina de bolito de L´Éole de Clément Ader, Mureth enta lo fundo y ta la dreita la estatua d´Icaro.

A prenzipal enchaquia ta besitar Mureth ye biyer o molimento remeratibo d´a esferra de la estorica baralla que b´escayezió lo 13 de Setiembre de lo 1.213 -e que rezentarán por menuzels en os siguiens capetulos- en a que se b´enfrontinoron as tropas de lo rai d´Aragón Pietro II cuentra l´exerzito d´a Cruzata Albichesa, aduito por Simón de Monfort.

El saltimbanqui huyendo por la calle. Lo piculinaire jopa fuyendo por la carrera.

El saltimbanqui huyendo por la calle. Lo piculinaire jopa fuyendo por la carrera.

En Mureth s´alza lo nome d´Aragón e de lo rai Pietro II en bels puestos. Un estituto d´amostranza se diz: Lycée Pierre d´Aragon, una abenita: Avenue Pierre II d´Aragon y en a mesma, un otel: Hôtel d´Aragon.

El Instituto Lycée Pierre D'Aragon de Muret. L´estituto Lycée "Pierre d´Aragon" de Mureth.

El Instituto Lycée Pierre D'Aragon de Muret. L´estituto Lycée "Pierre d´Aragon" de Mureth.

Enfilan con grans alufras enta lo molimento, que se troba en una retonda d´a carretera qu´endreza ta Seysses e lo fosal (D-12), a menos d´un kilometro enta l´Este de Mureth, y en o puesto do escayezió l´arrecometida prenzipal d´a caballería e i fenexió lo rai Pietro, u Peiro, II d´Aragón (“le prat l´Arago”).

Lo más chocante ye que, en plegar, se i troban no pas un, sino dos molimentos de peira con senglas iscrizions en oczitán, que remeran la baralla y a lo rai d´Aragón Pietro II.

M. Martín, todo un monumento. Lo más chocante ye que, en plegar, se i troban no pas un, sino dos molimentos de peira con senglas iscrizions en oczitán, que remeran la baralla y a lo rai d´Aragón Pietro II.

M. Martín, todo un monumento. Lo más chocante ye que, en plegar, se i troban no pas un, sino dos molimentos de peira con senglas iscrizions en oczitán, que remeran la baralla y a lo rai d´Aragón Pietro II.

Lo primer ye gran e con farchas d´obelisco, lo segundo muito más chiqued y atraziato como estela gotica. ¡Qué emozión tan funda en parar cuenta de quiénto mantienen por istas tierras l´alcordanza estorica, común en bella mida con la d´Aragón!.

O retulo entallato en a par chusana de l´obelisco, quillato lo 1.884 por espunte d´a billa de Mureth y es Felibres (asoziazión cultural oczitana creyata lo 1.854 por poyetas probenzals, Mistral inclusibe, con a fin de mantener y espardir a luenga e literatura oczitanas), diz asinas:

“LA BILO DE MURÉT

E LES FELIBRES

D’AQUITANIO

le 12 D’octobre de 1884”

En a par altiza de l’obelisco:

“BATAILLO DE MURÈTH

le 12 de septembre

de l’an 1213

Dins le present terradou.

LE REY PIERRE II

D’ARAGOUN

Y housquet tuat

En coumbatten countro

SIMOUN

DE MOUNTFORT”

En o molimento más chiqued, quillato por atros oczitanistas lo 1.913, diz:

“EN COUMEMORACIOU

DED VII CENTENARI

DERA BATALHO

DE MURET

OUNT DAB ED ARREI

EN PEIRO

ARAGOUNES CATALAS

LENGADOUCIAS

E GASCOUS.

CAYOUN PERA DEFENSO

DERAS LIBERTATS

DED MEIDIO

12 7B 1213-1913”

Anuncios