6. Os Fratos de L’Omenax

Esparlatinian sopre ro posible sinificato de “os fratos de l´Omenax”(esplucas de l´Omenax), u “foratos de Lomenás”(esplucas de ra lomera gran; ista segunda prenunzia parix estar más muderna). Remenando tamián M. Martín os bersez que, a lo rispeutibe, publicó ya en fa muito y que, amilloratos, izen asinas:

(Adedicato a Manuel Frauca y Matías Oliván, os más biellos d´a Bal de Broto)

M. Martin, en a Zercosa. Detrás, una borda y, al fondo los “Fratos de l’Omenax”. M. Martin en A Zercosa. Dezaga, una buarda y, ta ro fundo, ros Fratos de L´Omenax

M. Martin, en a Zercosa. Detrás, una borda y, al fondo los “Fratos de l’Omenax”. M. Martín en A Zercosa. Dezaga, una buarda y, ta ro fundo, ros Fratos de L´Omenax

“Dentrando por Bal de Broto / en o más Aldo Aragón / trobamos denzima de Torla / ra Peña de San Antón.

Dend’antis más ne b’ha astí / armita d’albocazión / a ixe polito santo / y renombrato barón, / tamián ne b’eba y ne b’ha / una espluca amagata / “Os fratos de l’omenax” / a chen de Torla ra clama; ye en un puasto pro ripedo / y enredoliato de zinglas, / ye difízil de nabesar / pos o boscache lo te priba.

Son majizos ros petruscos / que n’ixa espluca se i beyen / con brilos y colorins / que a ro que i plega esturdezen / (segundes a yo me contón / bels biellos qu’astí puyaban / antis más cuan yeran pastors).

¿Estió astí an Carlomaño / con Roldán y os pars de Franzia / nombró a o rai de ras Bals / cuan tornaba t’a suya patria, / y le i fizon l’omenax / os de Broto y sus montañas? / ¡Quemisió ra de secretos / que en ixas peñas se i guardan! / Querés plegar ta ixe puasto / y quedar-me-ne alifrato / güellando con emozión / a belleza d’ixos fratos.

Y anque tiango a turuntela / será difízil, puéstar, / trobar a chen que me’n puye / ta os fratos de l’omenax.”

Migalánchel MARTÍN. Torla, Mayo de 1.987 (PUBLICATO EN FUELLAS, LUMERO 65, PAX. 14)

Preban de rechirar o millor caminieto ta pretar a puyare ta ros Fratos. No ro i beyen guaire esclatero, pero caldrá empezipiare por bel costato… como iziba siñó Manuel Frauca fa 2O añatas: “arizons y allagas“; güe, adibitos a ras aldizas matulleras e pins, apolargan l´abanz de ros Zerrigualdaires. Ban puyando tan pandamén, más e más mullatos por a umedá de ros maticals, esgarrañatos por as barzas e tapatos por una bechetazión tan preta que -a begatas- no petenan por o sual, sino por un sinfinible y escusero rete de chargas, yarballos, broquizos e radicons….

Vista de la entrada de Ordesa. Ambiasta de l´endratuero d´Ordesa

Vista de la entrada de Ordesa. Ambiasta de l´endratuero d´Ordesa

A ra fin, eslanguitos de tot, deziden de tornar-se-ne.

! Lastima d´olusión ¡; por más que lis petás, no han consiguito plegar dica ros Fratos de L´Omenax. Se conox que a garra organismo ofizial (Achundamián, Comarca, Torismo, ezetra) no li s´ha algurrito -u no´n han tenito d´indrés dica d´agora- d´esbarzar belún de ros biallos camins que, en radita y marratiza cursa dende ras buardas, b´enfilaban enda ros Fratos. Deseyan y asperan que , a no tardar guaire, se´n conzenzien d´a prisenzia d´iste rico patrimonio natural; podendo amostrar-lo a ros besitans foranos, mesmo, como aldernatiba nobedosa y comblemendaria de ro Pargue Nazional d´Ordesa…

La Cascada de Carpin, camino de Bujaruelo. O Saldo de Carpin, camin de Buxargualo

La Cascada de Carpín, camino de Bujaruelo. O Saldo de Carpín, camín de Buxargualo

Dimbuás de “l´esito”, marchan en l´auto por os siat kms. e meyo de ra bal de Buxargüelo, dica ro suyo cabo. Paran cuanda por o camín en lo repolito que bi ye agora, con firme berdor y escatumbando-se-ie l´augua por tot en churrez e churrazes, como ro de Carpín. Cuan arriban ta ro fundo de ra bal, chindan en a tarraza de ro Mesón, y Refuxio, de l´andigo Espital de Pelegrins (costruyito por a Orden de Monches Caballers “Espitalaires de San Chuan”, plegatos de ra bizina bal gascona de Gabarnía en o siaglo XII), chundo a l´armita de San Nicolás e ro puan romanico.

M. Martin, detrás el rio Ara bajo el puente románico de Bujaruelo. M. Martin. Dezaga, l´arriu Ara baxo ro puan romanico de Buxargualo

M. Martín, detrás el río Ara bajo el puente románico de Bujaruelo. M. Martín. Dezaga, l´arriu Ara baxo ro puan romanico de Buxargualo

Dimbuás de i chindar fan una gambadeta chundo a l´Ara, afluyén de ra Zinga; naixito en a cordalera d´A Biñamala (u Camachibosa), en a solana de ro Pic Meillon (u Chabarrou), ye l´unico arriu birchinal de ros Pirinés, pos no ne b´ha garra endibo en os 69 kms. de ra suya cursa. O paisax de ribera y patrals ye soprepolito, pero lo zial condina nuble y escomenzipia a esplebinzoniar, asinas que deziden de tornar ta l´auto y ta Torla.

Edificio del Museo etnológico de Torla. Casal de ro Museyo Etnoloxico de Torla

Edificio del Museo etnológico de Torla. Casal de ro Museyo Etnoloxico de Torla

En o lucar besitan o museyo etnoloxico situgato en l´andiga badía, an que se´n bi alzan bels estrazios de ro Castieto, asinas como trastes de fayenas tradizionals de ro cambo, de ro bestiar, y oxetos d´emplego domestico.

Anuncios