12. Arcusa – Felisa Bara Albás

Arcusa (de ARCO: puen) ye un monezipio de Sobrarbe situgato en meyo de ro gran saseral d´o Biello Sobrarbe, a 869 mts. d´alzaria y a 1O4 kms. de Güesca capetal. Amanix mentato en 1.O24 lo “Ballis de Arcusa”. O castiello meyebal d´Arcusa data de ro 1.O5O u 1.O6O e yera costimezién d´a linia esfensiba d´os territorios de ros musulmans. A primer poblazión ye decumentata lo 1.O86.

Arcusa ye n´a cursa d´una de ras prenzipals cabañeras que -dend´antis más- recorren os rabaños de ros Pirinés ta ra Tiarra Plana, yindo y en tornando. Tien 35 abitadors y a fiasta gran ye San Antonio de Padua, lo 13 de Chunio.

Chintan posatos chunto a ras mesas d´a tarraza de l´Albergue. I son debinamén en a mosquera d´os arbols y con a zaguera bien bistera de ra ilesia de San Esteban, de ro sieglo XVI.

La iglesia San Esteban del siglo XVI de Arcusa. A ilesia de San Esteban , d´o sieglo XVI, d´Arcusa

La iglesia San Esteban del siglo XVI de Arcusa. A ilesia de San Esteban , d´o sieglo XVI, d´Arcusa

En rematar, zerrigüeltían por o lucar, pasando por casa Solano, de zaguers d´o sieglo XVI, dic´arribar en o bario d´A Corona, an que s´enziertan a trobar con Felisa Bara Albás, de casa Juste, qui ye posata en o balcón de casa suya.

Felisa Bara Albás junto a la casa Juste de Arcusa. Felisa Bara Albás chunto a casa Juste d´Arcusa

Felisa Bara Albás junto a la casa Juste de Arcusa. Felisa Bara Albás chunto a casa Juste d´Arcusa

La saludan y, tan rozera y de güen chenial ye, que baixa de ro millor emplaz t´a carrera pa i pillar capazo. Felisa ye una bielleta de 92 añatas, naxita d´As Billostas y, como ella diz: “benié a eredar aquí, a casa Juste de Arcusa”,ya les ne esplicaré todo”, “han beniu más de 100 familias de toda España con apellidos Juste”. Casa Juste ye un casalaz d´o sieglo XVI con torre de ro XVI-XVII en o zentro y un oratorio. Felisa lis amuestra “la capilleta de la Virgen de la Corona”, arrimata, con entrador propio y perfeutamén mantenita. Diz: “dende a torre de casa Juste se comunicaban con zeños de luzes con San Mitier”.

Escudo del apellido Juste en la casa de Felisa Bara Albás de Arcusa. Escuto de ros Juste en casa de Felisa Bara Albás, en Arcusa

Escudo del apellido Juste en la casa de Felisa Bara Albás de Arcusa. Escuto de ros Juste en casa de Felisa Bara Albás, en Arcusa

“Al antiguo castillo de Arcusa le llaman A Billa”.

“Tenemos dos barios: el de la Corona y el de San Esteban”.

Casas del bario de la Corona: Juste, Román, Tendero, Güil, Tixidor, Bellosta, Inazia, Beneranda, Sánchez, Santolaria, Lardiés, Ferrer.

Casas del bario de San Esteban: Pelaire, Allué, Agostín, Broto, del Pueblo, Felis, Giral, Cosme, O Secretario, Sabás, Rebilla, Orús, Solano, Rafel, Berna, Catalina, San Martino, Buisán.

Casas d’a Billa: Albás, Migalet, Mata.

El oratorio de la casa Juste de Arcusa. A capilleta de casa Juste d´Arcusa

El oratorio de la casa Juste de Arcusa. A capilleta de casa Juste d´Arcusa

“la semana pasada estuvieron muy bien las fiestas; lis comenta: ¡si s’esen enzertau en estar aquí!

En dizir-li que biben en Zirigoza, Felisa lis pregunta toda rozera: “¿No se cansan d´estar en a capital?”; se´n quedan arrapatos y no sapen qué i rispostiar.

M. Martin en Arcusa. Migalánchel Martin en Arcusa

M. Martín en Arcusa. Migalánchel Martín en Arcusa

L’en tengo que dizir:

A os d’Arcusa les dicen “rechitanos” y “lagartos”.

A os de Castellazo “os japoneses” (muy espardido el pueblo) y “os gorretas”.

A los de Güil (Buil) “os monegros” porque están en un hondo y hace menos frío”.

A os de Sasa Surta “os loberos”.

A os de Barcabo ”afumaus”.

A os de Mondot “os mondonguinos”.

“En Meyano bufanapos / en Chabierre porroneros, / en Arcusa rechitanos / y en Mundot picharumeros”.

“De Guaso ta Torrozilla un día/ y de Torrozilla a Guaso un paso”.

“Arcusa, barrusa, / barranco traidor / zinco pelaires / y un tichidor”.

“En Colungo matón un burro

y en Asque una craba

y ros mocosos d’Abargüela

ya están formando ra sartenada”.

“As güellas de Castellazo, si se ranca a yerba se caen de culos y, si no se ranca, de cabeza”.

Diz: izon, estuberon. Por ande boi a prenzipiar otra nai. Le cogioron libertá.

M. Pérez y M. Mart�n en Arcusa, al fondo los Pirineos. M. Pérez y M. Mart�n en Arcusa. Ta ro fundo, ros Pirinés

M. Pérez y M. Martín en Arcusa, al fondo los Pirineos. M. Pérez y M. Martín en Arcusa. Ta ro fundo, ros Pirinés

A ra finitiba, marchan dende Arcusa de ritorno enta Zirigoza.

RESUMINDO: Han empezipiato lur quedata añal en o lucar de Torla, como fa 25 añatas. Una de ras fins precoxitatas no l´han puisto reyalizar: besitar as esplucas de ros Fratos de L´Omenax, 2O añatas dimpués de que li rezentasen a M. Martín ro trucadizas que yeran. L´orache no lis ha comboyato pas en primeras, pero sí os dos zaguers diyas, asinas qu´han puisto espleitar de ro sosprendén paisax de ro camín ta l´armita de ra Espelunga y de ra fantestica escorsa enta l´Ibón de La Pinarra, con as permenaderas alcordanzas de ro Puerto Biello de Bielsa. Ta rematadura, ya de tornata, han besitato bels majizos lucars de ro Biello Sobrarbe y s´han gronxiato de firme con os sinasperatos charrazos d´una gran muller en o lucar d´Arcusa.

Anuncios