11. Santa María de Buil

Santa María de Buil (1- d´a radiz induropeya BOL y en chermanico BUHIL: pueyo, u 2- Billa). O nome de ra poblazión dica 1.646 yera solamén Buil; dende 1.743 Santa María de Buil, antigo bico con parroquia propia, li s´apoderó a ro nuclio orichinal. Ye un monezipio plantificato en una sasera de ro Sobrarbe, a 911 mts. d´alzaria y 83 kms. de Güesca capetal.

Ábside románico de la iglesia de San Salvador de Guaso. Auside romanico de ra ilesia de San Salbador de Guaso

Ábside románico de la iglesia de San Salvador de Guaso. Auside romanico de ra ilesia de San Salbador de Guaso

Santa María de Buil ye trestallato en 2 bicos y 2 ilesias: en o chusano, ra ilesia de San Martín d´o sieglo XI -molimento istorico-artistico de ros más biellos d´Aragón- de tres naus con os suyos ausides, d´estilo lombardo y modelo romanico de ro Sarrablo. En o bico susano, ra ilesia de Santa María d´estilo gotico aragonés d´o sieglo XV, con una torre grandiza pero en prou mal estato. Tien 3O abitadors y ra fiasta gran ye ta ra Birchen d´Agosto.

A ros d´aquí lis izen “lobos”.

Ye n´un parache ixapartato e bien majizo, con güena pista en os 3 kms. y meyo zaguers. Bi ha cualques 1O casas abitatas a temporadetas y beluna de contino, como a primer casa que beyen en l´entrador, d´a que sale un mozo con qui parolía M. Martín; dimpués dentran en a ilesia de San Martín, an que se i gronxían güellando lo premitibo altar mayor costruyito en grans piatras picatas.

Ista localidá estió ocupata por os musulmans en o sieglo VIII. Lo castiello estió conquerito por Abd Al-Malik lo 1.OO6; estió liberato en ixe mesmo sieglo XI merzé a ro linache Garzía-Aznar, esdebenindo capetal de Sobrarbe dica que A Insa estió reconquerita. Yera un de ros enclaus más estratexicos y antigos de ros creyatos por Sancho lo Mayor de Nabarra ta ra esfensa de ra muga oriental d´o raino.

Santa Maria de Buil desde el Mirador del Castillo. Santa Maria de Güil dende ro miralgüen de ro Castiello

Santa María de Buil desde el Mirador del Castillo. Santa María de Güil dende ro miralgüen de ro Castiello

Santa María de Buil tien, antiparti, lo bico de Sarratiello y as aldeyas de San Martín, A Ripa, A Lezina, Gabardialla, Urrials, Linés, A Capana, Bruello, Coroniallas, Sarratiás, O Serrato, Pelegrín e Puybayeta; belunas d´istas ya i son albandonatas.

M. Pérez y M. Mart�n en el Mirador del Castillo. M. Pérez y M. Mart�n o miralgüen de ro Castiello

M. Pérez y M. Martín en el Mirador del Castillo. M. Pérez y M. Martín o miralgüen de ro Castiello

Dende ra ilesia de San Martín siguen un sender que, pasando chunto ra ilesia de Santa María, plegan en una cuartalata d´ora en o Mirador d´o Castiello (975 mts. d´alzaria) dende ro que se puede columbrar en a longaria ra metá d´os Pirinés aragoneses; impresionán!!: muitas puntas, lucars, Mon Perdito, ezetra. Tasamén i remanen estrazios de l´importán castiello que bi abió en o cobalto de ro tozal; anque sí que s´han i trobato repuis romans más antigos.

M. Mart�n en el Mirador del Castillo. M. Mart�n en o miralgüen de ro Castiello.

Continan o camín de tornata fendo a zaguer aturata en o lucar d´Arcusa, a 12 kms.

Anuncios