2. Armita de San Mitier y San Zeledoño. Tore de ro Castiello

O conchunto relichioso-melitar conoxito como “Os Castillos” ye constimeso por l´armita de San Mitier y San Zeledoño y ra torre de manobrería pentagonal de ro castiello, de metá de ro sieglo XI, plantificatas sopre una ralla calzinera que sobrexe n´un tallón por alto de ra Foz de l´Entremón. Dend´iste escarposo puesto se i protexeba ra dentrata por a Ribera d´A Zinca y as diferiens pasatas que i chuñiban as dos marguins, estando una importán pieza esfensiba y d´aguait en as mugas d´abanguardia d´a Reconquiesta.

M. Martin junto a la entrada de la ermita de San Emeterio y San Celedonio. M. Pérez chunto a l\'entradero de l\'armita d\'os santos Miterio y Zeledoño

M. Martín junto a la entrada de la ermita de San Emeterio y San Celedonio. M. Martín chunto a l'entradero de l'armita d'os santos Miterio y Zeledoño

A ilesia ye plantificata como entradero forzoso enta ra torre d´o castiello. L´armita romanica estió costruyita por ordinanzia de Remiro I en a onor de dos chirmans soldatos y santos: Mitier y Zeledoño, qu´espritón martiruziatos en Calagorra por aquelas engüeltas de l´emperatuer román Dioclezián.


La nave central de la ermita de San Emeterio y San Celedonio. A Nau zentral de l\'armita de San Miterio y San Zeledoño

La nave central de la ermita de San Emeterio y San Celedonio. A Nau zentral de l'armita de San Miterio y San Zeledoño

Fan afotos ta par de ra puarta sur de l´armita y se´n bi adintran, plegando ta ra nau prenzipal a trabiés d´una escalera puyadera dende ra Crita, costruyita por mayestros lombardos pa superar o cayedero d´o terrén. Leyen una frase pintata n´a parete: “San Miterio i San Celedonio que fue compuesta el año 1893 con asistencia del pueblo”.

La ermita de San Emeterio y San Celedonio. L'armita de San Meterio y San Zeledoño

La ermita de San Emeterio y San Celedonio. L'armita de San Meterio y San Zeledoño

O templo tien planta reutangular de tres naus, más altera la zentral, rematatas en senglos ausides semizergulars encaratos enta l´Este. P´arribar en o rezingle de ro Castiello, cal cruziar a ilesia dica unatra puarta situgata en o cobaxo de ra nau setentrional, comunicadera con o castiello. Feitura de ros primers tiampos d´o romanico, a esbiellatura de 1.996-97 li tornó güenacosa de ro suyo aspeuto orichinal. Lis parix asabelo intresán a Ilesia y muito trucadizas a dentrata e ixita por as dos puartas.

La torre del Castillo de Samitier. A torre de ro Castiello de Sanmitier

La torre del Castillo de Samitier. A torre de ro Castiello de Sanmitier

Entre ra ilesia y ro castiello b´ha un espaz an que s´i alzan estrazios d´os alazez d´un mur tancader y d´un torreyón cuadrato; lo castiello pertenexió a ros musulmans dica lo 1.O33, qu´estió conquerito por o rai crestián Sancho III lo Mayor e dimpués eredato por o fillo suyo, Remiro I. Ye de planta sinregular de sais costatos e dos sulers d´alzaria. En os aintros i remanen os estrazios d´un alchibe retangular ta l´almagazenax de l´augua.

Debajo, el embalse de Mediano con la torre del pueblo medio emergida, la Peña Montañesa y al fondo los Pirineos. Ta par d\'abaixo, l\'entibo de Meyano con a torre d\'a Ilesia meyo ixita, ra Peña Montañesa y, ta ro fundo, ros Perineyos.

Debajo, el embalse de Mediano con la torre del pueblo medio emergida, la Peña Montañesa y al fondo los Pirineos. Ta par d'abaixo, l'entibo de Meyano con a torre d'a Ilesia meyo ixita, ra Peña Montañesa y, ta ro fundo, ros Perineyos.

Dend´astí xulufran unas embelecaderas ambiestas: enta lo Norte y debaxo d´els, l´entibo de Meyano con a torre d´a ilesia de ro lucar meyo ixita, como si estás una fita; en l´orizón, ta ra dreita, ra Peña Montañesa; enta ro fundo, ros Perineyos, presiditos por as Tres Serols; ta lo Sur, a Foz de l´Entremón; una micachona más adebán, l´entibo de Lo Grau y-en o ziel- os güeitres qu´en baixan replaniando. Espeitacular.

El rio Cinca saliendo del congosto del entremón y llegando al embalse de El Grado. A Zinca ixindo de ra Foz de l\'entremón y dentrando en l\'entibo de Meyano

El río Cinca saliendo del congosto del entremón y llegando al embalse de El Grado. A Zinca ixindo de ra Foz de l'entremón y dentrando en l'entibo de Meyano

A man d´iste conchunto, en un sarrato proxemo, i remanen os alazez d´una torre zercular d´aguait, ta ra que se´n amana M. Pérez e, ya que bi ye, fa bels afotos forzosos dend´astí, enta l´armita.

El conjunto de la ermita de San Emeterio y San Celedonio y la torre del castillo de Samitier. O conchunto de l\'armita de San Miterio y San Zeledoño y a torre de ro Castiello de Sanmitier

El conjunto de la ermita de San Emeterio y San Celedonio y la torre del castillo de Samitier. O conchunto de l'armita de San Miterio y San Zeledoño y a torre de ro Castiello de Sanmitier

O camín de tornata enta Sanmitier lis se fa fexuto por a calorina a istas oras, cuasi as 3 d´a tardi.

Una torre circular de vigilancia y el conjunto de la ermita de San Emeterio y San Celedonio y la torre del castillo de Samitier. Una torre zercular d\'aguait y ro conchunto l\'armita de San Miterio y San Zeledoño y a torre de ro Castiello de Sanmitier

Una torre circular de vigilancia y el conjunto de la ermita de San Emeterio y San Celedonio y la torre del castillo de Samitier. Una torre zercular d'aguait y ro conchunto l'armita de San Miterio y San Zeledoño y a torre de ro Castiello de Sanmitier

Beben y minchan posatos en a guambra, xulufratos por as caretas umanas picatas en a piatra somera de ra fuen de ro lucar.

Anuncios