8. Montsègur

10-5-2006. Ixen de Foix en un maitín pistonuto endrezatos ta lo castiello de Roquefixade. De camín dentran por carreteras secundarias ta plegar á os 18 kms.en lo lucar de Roquefixade, chicot, tranquilet, polito e antigo como lo castiello. En 1.272, íste yera posesión de lo conte de Foix; agora se troba cuasi espaldato. Marchan un ratet por lo sender que mena ta lo castiello, pero lo dixan estar pos no lis ne baga, e lis fa más goyo besitar lo de Montségur, que ye á menos de 15 kms.

M. Martin en  la entrada del castillo cátaro de Montsègur del siglo XIV (Francia). M. Martin en l´entrador d´o castiello "cataro" de Montségur de lo sieglo XIV (Oczitania)

M. Martín en la entrada del castillo cátaro de Montsègur del siglo XIV (Francia). M. Martín en l´entrador d´o castiello "cataro" de Montségur de lo sieglo XIV (Oczitania)

Lo castiello de Montségur (mon segur) ye plantificato a 1.2O7 mts. d´altaria en l´entrador d´una bal arredoliata de montañas e selbas pretas, lo cualo que d´ibierno cayen firmes nebazos en lo conchunto esfensibo, quillato en a zemera d´un catén rocazer.

A empezallos de lo sieglo XIII, Montségur yera solamén un castiellet enronalato propiedá d´a familia Perelha dende lo sieglo d´antis.

M. Martin dentro del castillo cátaro de Montsègur del siglo XIV (Francia). M. Martin aintro de lo castiello de Montségur d´o sieglo XIV (Oczitania)

M. Martín dentro del castillo cátaro de Montsègur del siglo XIV (Francia). M. Martín aintro de lo castiello de Montségur d´o sieglo XIV (Oczitania)

En 1.2O9, en plenera cruzata cuentra os albicheses, la comunaldá catara de Languedoc demanda a Raymon de Perelha retraziar-lo e atrapaziar-lo ta l´esfensa. Lo castiello de Montségur esdebiendrá por bel tiampo la siede d´a Ilesia catara e cubilar d´es siñors que yeran estatos desemparatos de lurs tiarras por la cruzata.

M. Martin en el castillo cátaro de Montsègur del siglo XIV (Francia). M. Martin aintro de lo castiello de Montségur d´o sieglo XIV (Oczitania)

M. Martín en el castillo cátaro de Montsègur del siglo XIV (Francia). M. Martín aintro de lo castiello de Montségur d´o sieglo XIV (Oczitania)

Rematato lo 1.229, Montségur esdebien la residenzia d´o suyo siñor Raymon de Perelha e parentalla; lo 1.232, unatra begata, lo menos 5OO presonas se i cubillan, trestallatas entre lo castiello e lo lucar costruyito en lo pedero de lo catén que sustién lo castiello, esdebenindo Montségur finitibamén la capeza e siede d´a Ilesia catara.

Paisaje desde el castillo cátaro de Montsègur (Francia). Paisax dende lo castiello de Montségur (Oczitania)

Paisaje desde el castillo cátaro de Montsègur (Francia). Paisax dende lo castiello de Montségur (Oczitania)

En 1.243 lo Papa e lo rai de la Franzia deziden d´acotolar Montségur. Un exerzito cruzato asitia lo “castrum” entre mayo de lo 1.243 e marzo de lo 1.244. Lo 2 de marzo d´ixe año s´escaiz la capetulazión d´a fortaleza, alcordando 15 diyas de treuga e, á lur cabo, es cataros abrán á eslexir entre refetar la suya feuza u espiritar abrasillatos.

Lo 16 de marzo de lo 1.244 más de 2OO cataros son crematos bibos en la chera. La Coronica de Guilhem de Puéglaurenc lo resume asinas:

” Refusando l´escambeye ta lo qu´estioron combidatos, estioron crematos en un cletato feito con tarranclos e pals e fuoron pasando-ie ta l´interior de lo fuego d´o Tartaro(infierno)”.

Asinas remata la guerra cuentra os albicheses, e Montségur sinifica prauticamén la disparixión de lo catarismo. En lo camín de puyata ta lo castiello, en un puesto que la tradizión contina anomenando “Lo prat, u camp, dels cremats”, una estela quillata lo 1.96O i remera la muert en la chera d´es cataros de Montségur, e diz asinas:

M. Martin y M. Pérez bajo el castillo cátaro de Montsègur y junto a la estela  que recuerda la muerte en la hoguera de los cátaros (Francia). M. Martin y M. Pérez chus lo castiello \

M. Martín y M. Pérez bajo el castillo cátaro de Montsègur y junto a la estela que recuerda la muerte en la hoguera de los cátaros (Francia). M. Martín y M. Pérez chus lo castiello "cataro" de Montségur e chunto a l'estela que i remera la muert d'es cataros en la chera (Occitania)

” Als catars. Als martirs del pur amor crestian “.

A l´empieze de lo sieglo XIV – e ta contrebuyir á la linia esfensiba d´a güega sur de lo raino de Franzia con l´Aragón – se costruye la fortaleza autual de lo castiello de Montségur, que os repuis suyos son os que s´alufran á diya de güe en la zemera.

Os Tocayos prenzipian la puyata de más de 3O menutos ta lo castiello. A bels zentenals de metros s´escunzan con una gatera do lo franzés que cobra las dentratas -en plazentera charradica- lis rezenta lo siguién:

” Un de ros mios apellitos ye Broto, un tío de yo ye de ro mesmo lucar de Broto e tiango un debanpasato aragonés de ro sieglo XIII qu´estió e i luitó en as guerras oczitanas “.

S´escunzan tamién con uns rusos niocataros -d´enfluyenzia ortodosa- con grans camaras de bidio qu´esluziarneyan con lo catarismo e que Migalánchel Martín, fablando en ruso con els, apercazia la grandiza baruca que leban con ista custión.

Ya en o cobalto, l´ambiesta ye arrapadera. A lo lueñes, lo lucar d´Avelanet e lo laco de Montbel y abaxo, lo lucar de Montségur amostrando totas las casas suyas arringleratas por gradons; pero lo bago amurallato ye como un gran siestro, buedo y escubillato por aintro, solamén se i beyen petruscos e yerbas.

El castillo de Montsègur desde el pueblo (Francia). Lo castiello de Montségur dende lo lucar (Oczitania)

El castillo de Montsègur desde el pueblo (Francia). Lo castiello de Montségur dende lo lucar (Oczitania)

Deziden de baxar ta lo lucar de Montségur ta i chintar e besitar lo museyo arquioloxico. Lo lucar -con poquetas y aluengatas carreras- ye chicorrón e polito.

Lo museyo desibe ochetos promanans d´as escabonatas d´as zagueras 5O añatas -pundas de fierro de sayetas, armas, monetas, zeramica, adrezos, maquetas e dos escarcatas -paix estar que de la puenda de l´asitio. Lis fa goyo tot lo que i beyen, pero no pueden requedar-sen más pos encá en queda pro de cursa.

Anuncios