6. Foix e Castiello

9-5-2006. Güe fa un diya bogal con sol e cuasi sin de nublos.

Foix y su castillo (Francia). Foix e lo suyo castiello (Oczitania).

Foix y su castillo (Francia). Foix e lo suyo castiello (Oczitania).

Foix, con cuasi 1O.OOO abitadors, ye a capetal de lo departamén d´Ariége dende 1.79O. Ye plantificata a 380 mts. d´altaria en un atrautibo paisax con muresnos e torres, montañas de fundo y arredoliata y arrigata por os arrius Ariége y Arget.

M. Martin y M. Pérez en la torre redonda del siglo XV del castillo de Foix (Francia). M. Mart�n y M. Pérez en la tor retona de lo sieglo XV de lo castiello de Foix (Oczitania)

M. Martín y M. Pérez en la torre redonda del siglo XV del castillo de Foix (Francia). M. Martín y M. Pérez en la tor retona de lo sieglo XV de lo castiello de Foix (Oczitania)

En lo sieglo XII Foix desembolica la suya bita urbana arredol d´a badía St. Volusien á pur d´agricultura, artesanía e ra estatuezita de cualques prebilexios ta ros suyos abitadors, atorgatos por os dos siñors d´a localidá: l´abate y lo Conte de Foix. Güe ye una zidá almenistratiba, más que más, que ye esdebenita un zentro toristenco merzé a lo rico patrimonio cultural.

Migalánchel Martin bajo la bandera de Foix (casi la de Aragón) Francia. M. Martin chus la bandiera de Foix (cuasi la d´Aragón)(Oczitania)

Migalánchel Martín bajo la bandera de Foix (casi la de Aragón) Francia. M. Martín chus la bandiera de Foix (cuasi la d´Aragón)(Oczitania)

Lo 1.488 naxe aquí Germana de Foix, sobrina de lo rai de Franzia Louis XII, la cuala se maridará con lo rai Ferrando II d´Aragón, biduo d´Isabel la Catolica. La trempanera muert de lo fillo -Chuan-, rezién naxito d´iste segundo emparellamién, priba l´enanto d´a estutiza manobra pulitica de Ferrando lo Catolico, enchegata con lo pauto con Franzia – la suya terne enemiga- en l´Achuste de Blois de 1.5O5 y qu´ese continato guarenziando un nuabo rai a l´Aragón. Con dito fillo, puéstar que Oczitania (Foix) e l´Aragón estasen agora unatra Estoria

M. Martin y M. Pérez en una torre cuadrada del siglo XI/XIV de Foix (Francia). M. Martin y M. Pérez en una tor cuadrata d´o sieglo XI/XIV de Foix (Oczitania)

M. Martín y M. Pérez en una torre cuadrada del siglo XI/XIV de Foix (Francia). M. Martín y M. Pérez en una tor cuadrata d´o sieglo XI/XIV de Foix (Oczitania)

Lo primer puesto ta lo que s´endrezan ye l´impresionán castiello quillato sopre un gran catén que domina la zidá. Lo castiello de Foix ye una fortaleza de ro sieglo XI qu´esdebiendrá durán dos sieglos a estacha prenzipal de os Contes de Foix, que lur familia en tenió de miembros enligamatos ta lo catarismo. Protexito por una muralla, ye constimeso por dos torres cuadratas de ros sieglos XI-XIV e una retona de ro sieglo XV.

M. Martin y la fortaleza del castillo con las tres torres vista por detrás de Foix (Francia). M. Mart�n e lo castiello de Foix con las tres tors dende la part de dezaga (Oczitania)

M. Martín y la fortaleza del castillo con las tres torres vista por detrás de Foix (Francia). M. Martín e lo castiello de Foix con las tres tors dende la part de dezaga (Oczitania)

Rispeutibe á l´estoria de lo castiello de Foix ne b´ha un feito rilazionato con Aragón.

En 1.211, en lo contorniello pulitico e relichioso oczitán, lo rai d´Aragón Pietro II lo Catolico se´n i embreca ta esfender a los suyos basallos oczitans – entre atros lo Conte de Foix- y a los cataros acullitos por els, de la cruzata encapezata por lo barón franzés Simón de Montfort.

Pietro II mira de trobar una pachería, por ixo prene por bel tiampo lo castiello de Foix, prometendo render-lo á Simón de Montfort sólo que cuan se contrimuestre que lo conte de Foix ye concarato cuentra la Ilesia. Ba pasando lo tiampo e, como dito pleito no s´apaña pas, lo Papa Inozenzio III contina refirmando a os cruzatos franceses.

En chinero de 1213, lo Conte Ramón Roger de Foix chura vasallas a lo rai Pietro d’Aragón, desenfilando a situgazión en setiembre, toz preseas, en l´enfrontinamién armato de Muret, la muert de lo rai aragonés e la redota d´es oczitans.

Principales monumentos de Foix (Francia) con el río L’Ariege. Prenzipals molimens de Foix (Oczitania) con l’arriu Arieja.

En a gatera de l´entrador de lo castiello preguntan a lo choben que lis atiende sopre a rilazión d´o siñal de Foix -pinchato en lo palo d´una d´as torres- con lo d´Aragón, pos son muito apaixitos. No lo beye guaire esclatero. A reyalidá ye que o suyo emplego probiene d’as suyas armas d’omenax a lo rai d’Aragón, pues li’n reblaban basallaxe dende ra infeudazión de Roger Bernardo o Gordo en 1188.

Iscrizión e debuxos en una chambreta crompata en lo Castiello de Foix (parixe a bandiera d'Aragón).

Iscrizión e debuxos en una chambreta crompata en lo Castiello de Foix (parixe a bandiera d’Aragón).

 

En a besita s´escunzan con uns archentins muito charraires, con qui estroliquian sopre luengas-más que más l´aragonés- e cantas de Joan Manuel Serrat.

Lo castiello de Foix ye en sopregüén estato porque cuasi enxamás no estió albandonato. En a torre retona en i alufran d´estrazios de ra suya estoria como cuartel melitar e gayola, con rellas en as finiestras e muitas enscrizions.

En os aintros han plantificato tamién lo museyo de l´Ariége; astí se troban as seizions de cheoloxía y estoria natural, prestoria, estoria meyebal y etnografía e colezions referens á l´estoria d´o castiello.

Dende lo cobalto d´as torres s´espleita una sinmillorable ambiesta de Foix, redolada e par d´os Pirinés. Se´n i fan d´afotos con lo siñal de Foix, bien parellano á lo d´Aragón.

A lo que baxan besitan la istorica ilesia de St. Volusien de lo sieglo XII, que ye estata recostruyita bellas begatas, e que i mantién la Crita y un enrellato d´ixa epoca y un sielleral en lo coro de lo sieglo XIV.

M. Pérez y M. Martin en una calle tipica de Foix (Francia). M. Pérez y M. Martin en una carrera tipica de Foix (Oczitania)

M. Pérez y M. Martín en una calle típica de Foix (Francia). M. Pérez y M. Martín en una carrera tipica de Foix (Oczitania)

Garimboleyan por Foix goyando d´as suyas tranquiletas e bien mantenitas carreras; dentran n´una librería, do mercan postals e bel libro sopre os cataros, e se´n ban á chintar ta l´otel.

Anuncios