4. Aragón, sieglo XII-XIII

Aragón contina crexendo con a conquiesta de Tergüel por Alifonso II en 1.169. Lo rai d´Aragón gubierna bels estatos e, como ya s´ha rezentato dinantis, ye lo siñor feudal de muitos territorios de lo Sur de Franzia.

A la muert d´Alifonso II en 1.196 ereda lo trono lo suyo fillo Pietro II Lo Catolico. En chunio de lo 1.2O4 fa casorio de compromís – ta enamplar os dominios d´a Corona d´Aragón en Oczitania – con María, siñora de Montpellier. Lo 11 de Nobiembre de lo 1.2O4 biaxa enta Roma ta i seyer coronato por lo papa Inozenzio III, qui atorga a los rais d´Aragón lo prebilexio de coronar-sen en La Seu de Zirigoza.

Vista del pueblo aragonés de Aneto, al fondo el pueblo catalán de Senet. Ambiesta de lo lucar aragonés d´Aneto, enta lo fundo lo lucar catalán de Senet

Vista del pueblo aragonés de Aneto, al fondo el pueblo catalán de Senet. Ambiesta de lo lucar aragonés d´Aneto, enta lo fundo lo lucar catalán de Senet

Durán lo papato d´Inozenzio III, lo clero secular alufra la erexía catara como cualque menaza ta la unidá d´a Crestiandá, por tal de que gosan establir-sen, atrapaziar-sen y asolar-sen enfrontinatos ta l´Ilesia.

Foix desde la torre redonda del siglo XV del castillo (Francia). La bandiera d´Aragón (cuasi); güeno, la de Foix, en lo castiello (Oczitania)

Foix desde la torre redonda del siglo XV del castillo (Francia). La bandiera d´Aragón (cuasi); güeno, la de Foix, en lo castiello (Oczitania)

En lo 1.2O9 Inozenzio III crida una Cruzata cuentra os albicheses. Lo rai Zelipe e l´alta nopleza de la Franzia la refirman, pos ye a consonán con lurs intreses, cambeyando á fabor d´els a intinzión d´a Cruzata t´apoderar-sen de lo territorio oczitán dominato por la Corona aragonesa, estatuezendo que tota la tierra que han los cataros seiga encorrita con maltuelta, e consiguindo de bez a lechitimanzia papal en as luitas con ingaleses e chermanicos. L´arribata de os cruzatos orichinará una guerra zebil en Oczitania. Ista guerra ye estata almirablemén rezentata en “La Cançon de la Crosada”, escrita por autors d´ixas mesmas engüeltas, e un d´os molimentos d´a literatura oczitana.

El pueblo de Montsègur desde el castillo (Francia). Lo lucar de Montségur dende lo castiello (Oczitania)

El pueblo de Montsègur desde el castillo (Francia). Lo lucar de Montségur dende lo castiello (Oczitania)

En 1.213 os basallos de lo rai d´Aragón demandan l´aduya de lur siñor feudal. Lo 13 de setiembre lo rai Pietro II d´Aragón plega en Muret ta luitar cuentra las tropas de Zelipe Augusto, refirmatas por o Papa Inozenzio III y enfilatas por o caballer Simón de Monfort. Pietro II espirita en a baralla redoliato de bels poquez leyals; entanamientres os contes qu´el yera ito a aduyar, se´n fuyen.

Pietro II s´auside en l´acorrimién d´os basallos suyos porque asinas li´n imposa lo suyo codigo d´onor caballerenca e lo suyo deber como siñor feudal, debanposando-lo a las creyenzias relichiosas d´el. Asinas remata la prebatina esbandidera d´a Corona d´Aragón en Franzia y escomenzipia la encorporadura d´es condatos oczitans ta la Corona franzesa.

Vista del pueblo de Puivert (Francia). Ambiesta d´o lucar de Puivert (Oczitania)

Vista del pueblo de Puivert (Francia). Ambiesta d´o lucar de Puivert (Oczitania)

En 1.258, en o Tratato de Corbeil entre Chaime I e Lois XIV de Franzia, Aragón delexa d´os suyos dreitos sopre os territorios d´o “Midi”, entre que lo rai franzés fa lo mesmo de os que podesen pertocar-li sopre es condatos catalans.

Con tot l´amostrato, ne b´ha de razons aparens ta querer conoxer belunas d´as zonas d´Oczitania en do s´establioron os cataros, surtioron os trobadors e se i desembolicó a luenga d´o payís, y en as que fa zentenals d´añatas Aragón i tenió una remarcable prisenzia.

Anuncios