17. TAUTAVEL – CAUNA DE L’ARAGÓ
Tautavel se troba a 19 kms., en la rechión de Languedoc-Rousillon, Departamén de Pyrénées Orientales, a 1O5 mts. d´altaria e con 85O abitadors. Durán los sieglos XII-XIII enduró las emburzatas franchutas dica l´Achuste de Corbeil de 1.258, en lo que s´estatuezió la muga estable entre la Franzia e la Corona d´Aragón.
En l´alto d´un pueyo proxemo se i troba «la Tor del Far» u «Guaita d´o Rosellón», con una ambiesta panoramica d´a planera, lo litoral, es Corbiéres y es Pirinés. En dita tor, lo 1.346, Pietro II d´Aragón ordinó qu´un guaita -Pere Bancells- i remanise de cutio, con un pre loguero de 3OO sueldos añals, á fin d´enfortir la linia d´esfensa de lo Rosellón.
El pueblo de Tautavel y la Torre del Faro desde “la Caune de l’Arago” (frontera Corona de Aragón-Occitania.Francia). Lo lucar de Tautavel y la Tor del Far dende la Cauna de l´Aragó (güega Corona d´Aragón-Oczitania.Franzia)
Ista planera -plena güe de biñuals- estió espleitata por l´ome prestorenco como puesto de cazera de rinozerons, onsos, renos, pardos, bisons e caballos.
En Tautavel se troba un Museyo de Prestoria que i contién la mayor colezión d´Uropa, con ferramientas e trastes premitibos, con recostruzions á grandaria natural d´omes y animals, e con espeitaclos muitimeya que reproduzen l´ambién de por allora en ixa redolada.
Istas son as risultas de l´escubrimién -entre 1.971 e 1.979, por l´equipo d´o profesor Henry de Lumley- en a costera d´un mon, a 2 kms. d´o lucar, en la Cauna de l´Aragó (espelunga de l´Aragón), de «lo crapazín de l´ome de Tautavel»(se beiga l´afoto).
Vista de la entrada a la “Caune de l’Arago” (frontera Corona de Aragón-Occitania.Francia). Ambiesta de l´entrador de la Cauna de l´Aragó (güega Corona d´Aragón-Oczitania.Franzia)
La esprisión «ome de Tautavel» desinna un conchunto de güeitanta fósils d´ominidos calendatos en cualques 45O.OOO añatas. Lo más famoso ye un crapazín sincompleto d´un endebido masto de «Homo Erectus» d´unas 2O añatas d´edá pertenexién a la primer espezie umana que colonizó Uropa. Midiba ,alto u baxo, 1´65 mts. d´alzarria e pesaba meyo zentenal de kgs. Entre os repuis escubillatos -d´una bentena d´endebidos- en sopreixen antimás 2 bariellas, la una d´una muller de meyo zentenal d´añatas e l´atra d´un mozo feito d´entre 2O e 25 añatas d´edá.
Os Tocayos han muito esclater que lo que más lis peta ye poder conoxer la “Caune de l´Arago». Preguntan en Tautavel por la espelunga y ent´alí que s´adrezan.
“Les gorges de Gouleyrous” junto al río Verdouble cerca de “la Caune de l’Arago” (frontera Corona de Aragón-Occitania.Franzia). «Les gorges de Gouleyrous», en l´arriu Verdouble, zerqueta de la Cauna de l´Aragó (güega Corona d´Aragón-Oczitania.Franzia)
Se´n requedan por la zona de «les Gorges de Gouleyrous» chunto a l´arriu Verdouble; aquí alufran la chen que por l´atra márguin escalan las ripas d´una rocha clapiza. Como no troban la espelunga ni naide á qui consultar (toz os «puyaparez» son toristas d´abentura ingaleses), tornan -entre biñuals- por una carreterota estreita, escunzando-sen antis de plegar en Tautavel con un labrador en o suyo trautor, qui lis aclarix l´empandullo. Asinas que -dimpués de muito zerrigüeltiar- atifan la espelunga en la part susana d´un mon, coronata por uns catens; en istas, un mesache preta a cridar-lis dende l´entrador, de bez que zeña ta endicar-lis lo camín dica la grota. Con tot y con ixo, dita presona escomenzipia a baxar ta trobar-se con os nuestros biachers.
Iste siñor (trentañero, paix estar) lis aculle con muitos güenos modos. Se diz Tony Chevalier, ye palioantropologo e rechirador y enfila la presén campaña d´escabonazión arquioloxica en Cauna de l´Aragó. Puyando-ie lis rezenta que dende más de cuaranta añatas ta zaga se i fan campañas d´escabonazión de zinco meses por añata, e que os agundans repuis umans i trobatos en fan d´ista espelunga un puesto falenzial ta l´estudio d´es primers abitadors uropeyos. Güe por güe, ye la segunda más importán d´Uropa, dimpués de la d´Atapuerca.
El cráneo del “Hombre de Tautavel” de unos 450.000 años encontrado en “la Caune de l’Arago” (frontera Corona de Aragón-Occitania.Francia). Lo crapazín de «l´ome de Tautavel», de cualques 45O.OOO añatas, trobato en la Cauna de l´Aragó (güega Corona d´Aragón-Oczitania.Franzia)
Dos grupos d´omes prestorencos abitoron la espelunga con 5O.OOO añatas d´esferenzia. «L´ome de Tautavel» -lo de lo crapazín de 45O.OOO añatas- pertenex a la primera puenda. S´ha contrimuestrato que bibiban en la espelunga en familia, no conoxeban lo fueco, yeran zereños pero de poca alzarria e yera raro que bibisen más de 25 añatas.
Excavando estudiantes de arqueología en la “Caune de l’Arago”, a la derecha Tony Chevalier (frontera Corona de Aragón-Occitania.Francia). Estudians d´arquioloxía escabonando en la Cauna de l´Aragó, enta la dreita Tony Chevalier (güega Corona d´Aragón-Oczitania.Franzia).
En a espelunga -tancata con un enrellato- han lo prebilexio de biyer por os aintros y en direuto, por modosidá de Tony, as escabonazions que reyalizan os estudians d´arquioloxía que i son fendo lurs prauticas. Os Zerrigüeltaires, remenando-sen entre castillez, i son percutitos biyendo los cachez d´a «güesera» por tot y un endelerato Tony esplicotiando-lo tot por menuzels, que si lo que se beye astí ye un fémur, que si lo qu´acucuta por astá ye lo peroné, que ixa clabiella solamén abrá las 1O.OOO añatas….
M. Martín en la entrada de la “Caune de l’Arago” (frontera Corona de Aragón-Occitania.Francia). M. Martín en l´entrador de la Cauna de l´Aragó (güega Corona d´Aragón-Oczitania.Franzia)
Las soladas son de bels metros de reziura e con más de 2O sulers de diferién puenda; por ixo escarrapan por napas con firme ficazio e solamén cullen lo güeso entegro u lo troz, cuan ye perfeutamén bistero.
Bi son contentismos d´aber besitato la Cauna de l´Aragó (Espelunga de l´Aragón), e la güena mingala qu´han tenito de conoxer-la en plena escabonazión, con as balurosas enformazions d´o sinmesurable Tony Chevalier. Se´n dispiden de Tony, agradexendo-li de firme la suya bogal coronica.
Enfilan cara ta l´auto ta desiguida marchar enta l´otel, situgato no guaire luen d´a muga.
