16. Peyrapertusa – Queribus

Continan lo biache, agora 32 kms. dica Peyrapertusa. Lo castiello de Peyrapertusa (“pietra foratata” en oczitán antigo) -en a redolada de Corbiéres- se troba acarrapinchato ta uns catens en a zemera d´un mon de 796 mts. d´altaria. Dende do l´atifan lis truca l´amplaria d´a fortaleza e lis se fa que, en estar n´a pinganeta d´o xerbigadero, parix simposible de i plegar.

Impresionante vista de una postal del castillo cátaro de Peyrepertuse siglos XII y XIII (Francia). Enluzernadera ambiesta de postal d´o castiello \

Impresionante vista de una postal del castillo cátaro de Peyrepertuse siglos XII y XIII (Francia). Enluzernadera ambiesta de postal d´o castiello "cataro" de Peyrapertusa d'es sieglos XII e XIII (güega Oczitania-Corona d'Aragón. Franzia)

La fortificazión ye constimesa por la reclosa chusana -costruyita como fuert por os rais d´Aragón lo sieglo XII- qu´alberga la ilesia de Santa Maria e la bibienda d´o gubernador- e l´enample d´o sieglo XIII, en pasar ta mans franzesas, con una zona susana constimesa por la capiella de Sant Jordi, la torre de l´omenax e la escalera de Saint Louis que chuñe as dos parz de lo castiello.

M. Martin debajo del castillo cátaro de Quéribus  (frontera Occitania-Corona de Aragón. Francia). M. Martin chus lo castiello \

M. Martín debajo del castillo cátaro de Quéribus (frontera Occitania-Corona de Aragón. Francia). M. Martín chus lo castiello "cataro" de Quéribus (güega Oczitania-Corona d'Aragón. Franzia).

Lo sieglo XII lo castiello de Peyrapertusa goya d´una rilatiba sinmunidá a l´empieze d´a cruzata cuentra es albicheses. Durán dita cruzata, Guilhem de Peyrapertusa ye escomulgato lo 1.224; lo castiello albergará cataros dica 1.24O. La prebatina d´es Trencavel de reconquerir Carcassona surte mal e Jean de Beaumont, encapezando l´exerzito reyal franzés, aprofeita la mingala y asitia Peyrapertusa. Guilhem se´n i da lo 16-XI-1.24O e lo castiello pasa ta mans franzesas.

Os Capetos enforten en Carcassona las estituzions reyals. Zinco castiellos,”los zinco fillos de Carcassona”, atraziaban la primera linia d´esfensa entre la Franzia e l´Aragón: Peyrapertusa, Quéribus, Puilaurens, Termes y Aguilar. Lo 1.258 l´achuste de Corbeil fixará mientres 4 sieglos la muga entre Aragón e Franzia, dica que l´Achuste d´es Pirinés de 1.659 establix la güega en la linia trestalladera de bersans d´es Pirinés.

Continando la cursa arriban ta la fortaleza de Quéribus, a 8 kms.

Lo castiello de Quéribus -entre os departamens d´Aude y Pyrénées Orientales (güega d´Oczitania e Catalueña Norte)- a 728 mts. d´altaria se debanta grandoraz sopre un trucadizo puntón rocazer, dende do se i puede goyar d´una ambiesta d´as bogals de Peyrapertusa, las Pirineas, la planera d´o Rosellón y, en diyas rasos, la mar. Posatos en un brendador, baxo l´estrañizo pero socherén prefil de lo torreyón, se´n ie aprestan a chintar. Refitoleyan sosprenditos lo flúmen de chen disposatos a desempochar firmes diners, por tal de puyar os zaguers trangos que i restan dica lo castiello.

El castillo cátaro de Quéribus (frontera Occitania-Corona de Aragón. Francia). Lo castiello \

El castillo cátaro de Quéribus (frontera Occitania-Corona de Aragón. Francia). Lo castiello "cataro" de Quéribus (güega Oczitania-Corona d´Aragón. Franzia)

La fesomía autual de lo castiello esdebién de risultas d´as feituras efeutugatas a zaguers d´o sieglo XVI, con tres reclosas fortificatas redoliando la tor de l´omenax poligonal, que i contién l´unico elemento arquiteutonico orichinal, la premitiba sala gotica.

Impresionante vista de una postal del castillo cátaro de Quéribus (frontera Occitania-Corona de Aragón.Franzia). Enluzernadera ambiesta de postal d´o castiello \

Impresionante vista de una postal del castillo cátaro de Quéribus (frontera Occitania-Corona de Aragón.Franzia). Enluzernadera ambiesta de postal d´o castiello "cataro" de Quéribus (güega Oczitania-Corona d´Aragón.Franzia)

Quéribus ye mentato por primer begata lo 1.O2O con lo nome de “Cherbucio”, que poderba sinificar: “puesto abitato sopre lo catén”. Lo 1.162 Quéribus pasa ta la Casa d´Aragón como fortaleza güegatiza. Lo 1.246 -dos añatas dimpués d´a redota de Montségur- lo “perfeuto” cataro Peir Paraira e bels creyens moran en Quéribus. En mayo de lo 1.255 lo senescal de Carcassona, Pierre d´Auteuil, con lo refirme de l´arzebispe de Narbona, arrecomete enta Quéribus, estando lo zaguer castiello cataro en reblar e la fin d´a resistenzia catara.

M. Martín y M. Pérez deziden de marchar ya enta lo lucar de Tautavel ta prebar de i besitar la Caune de l´Arago.

Anuncios