15. Lagrasse

12-V-2.OO6. Dimpués d´o desayuno marchan de Carcassona enta lo primer destín d´o diya, que ye Lagrassa.

Lagrassa, a 1O8 mts. d´altaria e 35 kms. enta lo sureste de Carcassona, ha 636 abitadors. Se troba en lo Baxo Corbiéres, en la majiza bal de l´arriu Orbieu, arredoliato de tozalons cubillatos de pins e bechetazión mediterránia.

M. Pérez, el pueblo de Lagrasse, el puente del siglo XII sobre el rio L’Orbieu y al fondo la Abad�a Sainte Marie d’Orbieu (Francia). Migalánchel Martin, lo lucar de Lagrassa, lo puen d´o sieglo XII sopre l´arriu Orbieu y -enta lo fundo- la bad�a Sainte Marie d´Orbieu (Oczitania)

M. Martín, el pueblo de Lagrasse, el puente del siglo XII sobre el río L’Orbieu y al fondo la Abadía Sainte Marie d’Orbieu (Francia). Migalánchel Martin, lo lucar de Lagrassa, lo puen d´o sieglo XII sopre l´arriu Orbieu y -enta lo fundo- la badía Sainte Marie d´Orbieu (Oczitania)

Lagrassa se diz asinas por as tiarras ricas e “grasas” -abondas, en oczitán- que l´arredolian. Iste lucar bibe agora de lo cautibo d´as bites, produzindo-ie un sopregüen bin de calidá, de lo comerzio e torismo; son agundans las botigas de produtos artisanals.

Lo lucar naxió arredol de la badía beneditina de Sainte Marie d´Orbieu. L´auta de fundazión d´ista estió siñata por Carlomaño lo 779. Los donadius replegatos li premitioron consiguir gran poder territorial e pulitico -entre os sieglos XI e XIII- adubindo a dominar dica 6 badías, 25 prioraz, 67 ilesias e 91 lucars de lo raino de Franzia, lo condato de Rosillón e, mesmo, de l´Aragón.

L´Alxafería de Zirigoza estió estinata por Alifonso I Lo Barallador a es beneditins d´o monesterio grassés y a l´abate Berenguer de Lagrassa en 1.129 ta que i costruyise una ilesia, abendo lo dreito a i replegar as diezmas e premizias d´as tierras de lo castiello. En reyalidá os suyos monches no plegoron a establir-sen-ie, pos enxamás no se cumplió la estinanza d´o rai. La ilesia zistelziense de l’Alxafería -debotata a San Martín- se costruyó a zaguers d´o sieglo.

Lo 1.226, durán la cruzata cuentra es cataros, Benoit d´Alignan -abate de Lagrassa- fazió d´achustador en lo chusmetimién de Carcassona a lo rai de Franzia.

Durán la Rebolizión Franzesa, la badía estió bendita a releyo en dos parz e la comunaldá de 14 monches se´n ie ausidió. La badía de Lagrassa -situgata en l´atra márguin de l´Orbieu, enfruén d´o lucar- mantién encá os estilos arquiteutonicos de lo sieglo XI ta lo XVIII.

M. Martin con la construcción de piedra y madera “Les Halles” del siglo XIV en Lagrasse (Francia). M. Mart�n en \

M. Martín con la construcción de piedra y madera “Les Halles” del siglo XIV en Lagrasse (Francia). M. Martín en "Les Halles" (costruzión de pietra e biegas d´o sieglo XIV) de Lagrassa (Oczitania)

En Lagrassa güe, anque bi ye nublo, la temperatura ye de güen estar. Garimbolían por os suyos trucadizos y estreitos carrerons con numbrosas casas meyebals, esnabesan por la ilesia de Saint Michel d´o sieglo XIV e desenfilan ta una polita plaza do s´alcuentran Les Halles, una costruzión de diez pilonas, tarabidato de tiera e tellato. Ye una feitura de lo sieglo XIV adedicata a mercato e qu´emplena cuasi entegramén tota la plaza.

Arriban ta lo biello puen de tres arcadas d´o sieglo XII -sopre l´arriu Orbieu- retraziato es sieglos XVII e XIX. Dend´astí alufran un majismo paisax con la billa de Lagrassa, l´arriu, l´amanato puen muderno, catens , bechetazión e,de fundo, la badía. Zerrigüelteyan un rated dica que troban l´ambiesta apropia ta fer os afotos dende lo puen nuebo.

Lis ne queda pro de cursa, asinas que lis cal en yir jopando.

A 15 kms. de Lagrassa se troban lo lucar de Vilaroja Termenés. Chunto a la carretera s´aturan t´aguaitar -en meyo lo lucar- lo castiello d´o sieglo XII con as cuatro torres suyas retonas y amuresnatas, pertenexió a´s arzebispes de Narbona dica

Anuncios