14. Lastours – Caunnes Minervois

Dinantis de tornar en Carcassona s´amanan ta par d´a Montaña Negra, en o Parque Natural Rechional de l´Haut Languedoc, do bi son os castiellos de Lastors. Aguaitan enta la Montaña Negra las escurizas selbas de lezineras, pins y abez. Ista montaña ye rica en minerals metalifers -fierro, copre, plata y oro- con esforicaturas dende as puendas romanas.

En 15 kms. plegan ta lo chiquet lucar de Lastors, an que i aturan. Dend´aquí atifan por entalto d´o lucar as enronas de la tor de Surdespina, u Flor d´espina.

El pueblo de Lastours y encima del pueblo las ruinas de la torre de Surdespine o Fleur d’Espine (Francia). Lo lucar de Lastors e, por entalto, la tor meyo espaldata de Surdespina, u Flor d´Espina (Oczitania)

El pueblo de Lastours y encima del pueblo las ruinas de la torre de Surdespine o Fleur d’Espine (Francia). Lo lucar de Lastors e, por entalto, la tor meyo espaldata de Surdespina, u Flor d´Espina (Oczitania)

Lastors ye constimeso por cuatro castiellos: Quertinheus, Surdespina, Tor Regina e Cabaret -iste zaguer ye lo qu´endona lo nome a la redolada de Cabardés- plantificatos en la zemera d´una crencha que domina la bal.

Lo sieglo XI, los castiellos de Lastors yeran lo feudo d´es siñors Peir-Roger e Jordán de Cabaret, agüespadors e proteutors d´a Ilesia eretica e basallos d´es Trencavel. Los siñors i agüespaban a trobadors, como Raymon de Miraval e Peir Vidal.

En a epoca catara, los tres castiellos qu´esistiban dende lo sieglo XII estioron un importán bastión esfensibo; dimpués d´a cruzata la rechión ye chusmesa a lo raino de Franzia e se i costruye la cuartena tor: la Régine.

Achustan marchar enta la badía de Caunnes Minervois, a belatros 15 kms., en cuenta de besitar lo poco qu´en remane d´istos castiellos.

Caunas (espelungas,grotas)- Minervés ye un lucarón situgato arredol d´a badía suya, fundata lo sieglo VIII.

Curiosa foto de la Abadia de Caunnes-Minervois fundada en el siglo VIII (Francia). Trucadizo afoto d´a bad�a de Caunas Minervés, fundata lo sieglo VIII (Oczitania)

Curiosa foto de la Abadía de Caunnes-Minervois fundada en el siglo VIII (Francia). Trucadizo afoto d´a badía de Caunas Minervés, fundata lo sieglo VIII (Oczitania)

Parix estar que lo 1.226 Peir Isarn, bispe cataro de Carcassona, estió agafato per Imbert de Beaujeu, comandán de l´exerzito reyal franchut, e feito cremar bibo en Caunas Minervés, en prisenzia de lo rai Louis VIII.

En a mesma badía se i costruyó la ilesia abazial por tongadas, dende lo sieglo XI dica lo XIV, y estió debotata a San Pietro e San Pablo, que la suya crita ye ubierta a lo publico. Lo conchunto molimental d´a badía con ilesia, claustro e combento ye un d´os más importans de lo primer romanico meridional.

M.Martín y M.Pérez no´n han de suert e no pueden besitar-la por estar tancata, asinas que l´afotían dende difuera. D´astí en ritornan ta Carcassona a zenar y adormir.

Anuncios