13. Aragon d’Oczitania. Bibenzias

Vista del pueblo de Aragon con M. Martin en el rótulo de entrada (Francia). Ambiesta de lo lucar d´Aragon con M. Martin en lo retulo d´a dentrata (Oczitania).

Vista del pueblo de Aragon con M. Martín en el rótulo de entrada (Francia). Ambiesta de lo lucar d´Aragon con M. Martín en lo retulo d´a dentrata (Oczitania).

M. Pérez y M. Martín, goyosismos d´estar en Aragon, lo primer que i fan ye senglas afotos con lo retulo d´a dentrata d´o lucar. Dimpués empezipian la gambada por a poblazión dica plegar en a place Hiero dal Col (plaza de l´Aira d´o Collau), do pretan a charrutiar con una presona que ye pintando la puerta de casa suya. Iste siñor se diz CROUX, Guy , con qui esparlatinian con muito intrés sopre Aragon y Aragón. Tan encantuchato en bi ye, que dixa de pintar e lis rezenta muitas cosas, entre as más intresans: “él, como ye d´Aragon, ye aragonais, prenunziato “agagoné”. Aragon en oczitán s´escribe “Argon” e se prenunzia “Ardyún”.

A lo cobalto d´o lucar l´izen “Paro” y a lo cobaxo “Barry”.

En as puendas cataras, en Aragon bi abió un bispato cataro y en Puilaurens unatro e con lo Rai d´Aragón -qui morió en Muret- luitoron cuentra lo Rai de Franzia.

La Comunaldá de Cabardés -do se i troba Aragon- ye achirmanata con la Comunaldá de Montefalco, en Italia”.

Croux Guy un vecino muy atento del pueblo de Aragon (Francia). Guy Croux, un biz�n muito modoso de lo lucar d´Aragon (Oczitania)

Croux Guy un vecino muy atento del pueblo de Aragon (Francia). Guy Croux, un bizín muito modoso de lo lucar d´Aragon (Oczitania)

Guy lis mena enta l´antigo castiello meyebal d’o sieglo XII -en l´autualidá ye de propiedá pribata- en lo que solamén i remanen bisteras una par d´a frontera, retraziata como casal en lo sieglo XVII, e dos chiquetas torres cuadratas.

M. Martin y M. Pérez delante de la fachada del antiguo castillo de Aragon (Francia). Migalánchel Mart�n y Migalánchel Pérez debán de la frontera de l´antigo castiello d´Aragon (Oczitania).

M. Martín y M. Pérez delante de la fachada del antiguo castillo de Aragon (Francia). Migalánchel Martín y Migalánchel Pérez debán de la frontera de l´antigo castiello d´Aragon (Oczitania).

Ta remate d´a cursa, demanda la clau d´a ilesia a un bizín e lis comboya ta la parroquia de Sainte Marie. Situgata en lo cobalto d´o lucar, la ilesia ye edificata n´a primer cuartalada d´o sieglo XIV. Entre atros elementos esenzials contién cuatro capiellas laterals, una tina baltismal de mármor d´o sieglo XVIII, un retablo de tiera de zaguers d´o sieglo XVII y una birchen d´o sieglo XV. Lis truca l´agundanzia d´artisonato de biegas pintatas, belunas con brilans coloritos; con motibos bechetals, cuerbos, abeluchos y escutos d´armas.Guy lis rezenta qu´estió él un d´os qu´escubrió los tarabidatos de biegas, lo 1.99O, mientres la esbiellatura d´a ilesia, calendatos en a primer cuartalata d´o sieglo XIV, y que los son repolindo entegramén. Dende lo 2.OO1 son clasificatos como Molimento Estorico.

La iglesia de Sainte Marie del siglo XIV de Aragon  y varias estelas discoidales (Francia). La ilesia de Sainte Marie, d´o sieglo XIV, d´Aragon e cualques estelas discoidals (Oczitania).

La iglesia de Sainte Marie del siglo XIV de Aragon y varias estelas discoidales (Francia). La ilesia de Sainte Marie, d´o sieglo XIV, d´Aragon e cualques estelas discoidals (Oczitania).

Guy lis guida ta lo campanal -en una torre cuadrata- do se i troba una campana de lo 1.673 cuaternata tamién como Molimento Estorico.

En ixir d´ilesia se´n dispiden de Guy Croux con l´agradeximién per tota l´atenzión e tiampo que lis n´ha adedicato. Os Tocayos enfilan cara ta lo Conzello; astí charran bel ratico con una ofiziala monezipal y en replegan de fuelletos e postals d´Aragon.

Lis ie quedan cosas á beyer, como lo Museyo de Ferramientas Antigas d´a Bendema e lo Bin, pero se´n decantan por amanar-sen enta l´intresán espaz d´es arredols d´a ilesia.

Una cabaña circular toda de piedra en Aragon (Francia). Una caseta zercular, tota de peira, en Aragon (Oczitania)

Una cabaña circular toda de piedra en Aragon (Francia). Una caseta zercular, tota de peira, en Aragon (Oczitania)

Plantificata dezaga la ilesia, besitan l´aria d´entrepetazión “Espaz d´a Peira Xuta y Arquiteutura Rural”, an que i son costruyitos -solamén con peiras- una tarraza, paretes e murs, un conieller y una caseta zercular de falsa cupula, con la fin d´amostrar cómo yeran en lo payís ista mena de costruzions que feban onra ta fainas agricolas e ganaderas (os rabaños d´o lucar codesistiban con l´agricultura y os biñuals).

Iste racón se´n ie completa con un chardinet de plantas aromaticas como estremonziello, rumero, saubia, curasana, espígol, cañutera y una parrera de bite repinchadera.

Enfruén d´a ilesia aguaitan una ambiesta d´as güenas enta lo mon baxo e los biñuals de Cabardés, la planera de Carcassona e, puéstar -con diya raso- los Pirinés (seguntes un fuelleto toristenco: “dende lo Canigó dica lo Midi de Bigorra”). Aquí se i troba “L´Hort dal Ritou” (lo Güerto d´o Retor) e las estelas discoidals. Lo chardín -u gortet- rezuleya con numbrosas plantas locals e mediterránias: laurelers, alborzeras, zerimomos, tileras y una olibera.

Adornando iste chardín bi son onze reproduzions fidels d´estelas discoidals. Son chiquez molimentos funerarios crestians -entretallatos en clapiza d´o payís- con trazas d´arco de zerclo.

Emplantillatas en lo capiter d´a fuesa, eban un oxeto funerario de siñalizazión y, en bels casos, premitiba conoxer lo mestier de l´apedecato. La cruz, en as diferiens farchas suyas -latina e grieca- ye lo motibo más ripresientato sopre lo disco. Surtitas en a puenda meyebal, las estelas discoidals son -puéstar- la soprebibenzia de tradizions funerarias galorromanas. Os orichinals estioron trobatos en lo territorio d´Aragon.

Marchan, á la fin, por la carretera güellando por zaguer begata lo lucar d´Aragon, encantuchatos d´aber conoxito una poblazión sosprendén con un nome tan emozionán.

Anuncios