12. Aragon d’ Oczitania. Espuntes

Dimpués de chintar s´enfilan -con gran delera- a conoxer lo lucar oczitán d´Aragon, plantificato en a rechión de Languedoc-Rousillon, Departamén d´Aude, Destrito de Carcassona, Cantón d´Alzonna, d´a Comunaldá de Cabardés, á tasamén 12 kms. enta lo norte de Carcassona y a 19O mts. d´altaria. A zaguers d´o sieglo XIX bi eba 7OO abitadors, enguán i biben 453 aragoneses.

Vista general del pueblo de Aragon (Francia). Ambiesta cheneral de lo lucar d´Aragon (Oczitania)

Vista general del pueblo de Aragon (Francia). Ambiesta cheneral de lo lucar d´Aragon (Oczitania)

Aragon ye edificato en un saso sopre os arrigazes Trapel e Valetta. Lo lucar tenió carauter fortificato -yera anomenato á sobén “Lo fort”- con la muralla d´a poblazión e tres puertas rilazionatas con a situgazión de lo castiello: “Portal de Hiero dal Col”, “La Porte de la Ville” e “Le Portal Croix”. Dillá de lo redol d´o lucar, Aragon tenió dos barrios posmeyebals: “Barry dal Pon Marssal” e “Barry de las Abrix”.

Artesonado de madera pintado dentro de la iglesia de Sainte Marie de Aragon (Francia). Biegas antigas pintatas, aintro d´a ilesia de Sainte marie d´Aragon (Oczitania)

Artesonado de madera pintado dentro de la iglesia de Sainte Marie de Aragon (Francia). Biegas antigas pintatas, aintro d´a ilesia de Sainte marie d´Aragon (Oczitania)

Aragon abraca una albala de 2.O56 etarias, de las cualas una gran par son biñuals; en lo Languedoc bi´n estioron emplantillatos ya lo 6OO a.d.C. por es griecos. Aragon -con clima templato barrechato d´enfluyenzias mediterránias y ozianicas- i produz bins de calidá con anomenazión d´orichen “Cabardés”, como lo prestichioso “Château d´Aragon”.

Vino "Château d'Aragon". Bin "Château d'Aragon"

Vino "Château d'Aragon". Bin "Château d'Aragon"

 

 

 

 

 

 

 

 

Disposa d´agundán bechetazión, con oliberas, zedreras e maticals como l´estremonziello e l´espígol.

Teste d´a puenda galorromana, se´n bi escubre un piazet d´iscrizión latina n´una losa funeraria de mármor.

Impresionante vista de una postal del pueblo de Aragon en invierno (Francia). Enluzernadera ambiesta de postal de lo lucar d´Aragon, d´ibierno (Oczitania)

Impresionante vista de una postal del pueblo de Aragon en invierno (Francia). Enluzernadera ambiesta de postal de lo lucar d´Aragon, d´ibierno (Oczitania)

Lo nome d´o lucar “Aragon” bendreba d´empezallos d´o sieglo XI e ireba ligato ta lo semellán d´o Raino d´Aragón e los suyos noples e caballers. Lo sieglo XII amanixen las primeras misibas d´es siñors d´Aragon: Guilhem Roger d´Aragon -primo e coziner d’o rai d’Aragón- ye lo primer miembro conoxito d´iste linache. Lo 1.126 -en pagas d´as suyas leyals perangarias- reculle d´o bisconte Bernard Aton Trencavel lo dreito de guaita d´una d´as tors de la zidá de Carcassona.

En la trescursa d´a cruzata cuentra es albicheses, lo bispe cataro Bernard de Simorra s´acubilla en lo castiello d´Aragon. La familia Aragon bi son estachers e se´n complegan ta las omilías cataras, lo cualo que -suspeitosos d´erexía- en son espullatos por bel tiampo de lurs biens. Más adebán, lo catarismo continará en Aragon, mesmo á amagatons. Lo feudo d´Aragon pasará ta lo dominio reyal franzés e de lo bispe de Carcassona.

Lo sieglo XVI lo lucar endura las luitas relichiosas: lo 1.575, es ugonoz se fan con Aragon, lo Duc de Turenne lo 1.580 y unatra begata es luterans l´ocupan lo 1.588.

A zaguers d´o sieglo XVIII la prosperidá d´es drapaires de Carcassona en chenera n´a billa d´Aragon de buxadas artisanals complementarias de l´agricultura. Aragon conox alabez una puenda prospera.

Los biens d´os siñors d´Aragon s´esparden dende la bal de Fresquel dica las estrimeras d´a Montaña Negra. Lurs rendas i son muitiples, enligamatas ta l´espleit silbán, ta las menas, ta os yerbaxes… dica que la Rebolizión Franzesa encorre Aragon á Jean Louis de Bancalís de Maurel, marqués e zaguer siñor d´Aragon.

Anuncios