10. Carcassona

11-O5-2.OO6. Nomás desayunar marchan, camín-camín, enta l´entrador prenzipal d´a zidá meyebal. La zidá de Carcassona -estratechicamén plantificata- se´n trestalla entre la Bastida de St. Louis e la “Cité” (zidadela meyebal).

M. Martin junto a unas torres y barbacanas del castillo condal del siglo XII de Carcassonne (Francia). M. Martin chunto a unas tors e sayeteras de lo castiello contal d´o sieglo XII de Carcassona (Oczitania).

M. Martín junto a unas torres y barbacanas del castillo condal del siglo XII de Carcassonne (Francia). M. Martín chunto a unas tors e sayeteras de lo castiello contal d´o sieglo XII de Carcassona (Oczitania).

La Bastida de St. Louis -la zidá chusana- ye situgata en a márguin cucha de l´Aude y ha 45.OOO abitadors. Se i costruyó seguntes un plan cuatranglar por lo rai St. Louis lo 1.26O y espleitó pleneramén la suya situgazión rabalera -difuera d´as murallas- ta i desembolicar buxadas de trucamercaduría. La Bastida esdebiendrá una zidá d´obradors testils. En lo sieglo XIX la bita cultural ye en la suya fuga e la zidá goya d´una prosperidá sopreixita merzé a lo desembolique d´o cautibo de bites.

M. Martin junto al foso del castillo condal del siglo XII de Carcassonne (Francia). Migalánchel Mart�n chunto a lo fueso d\'unas tors e sayeteras de lo castiello contal d´o sieglo XII de Carcassona (Oczitania)

M. Martín junto al foso del castillo condal del siglo XII de Carcassonne (Francia). Migalánchel Mart�n chunto a lo fueso d'unas tors e sayeteras de lo castiello contal d´o sieglo XII de Carcassona (Oczitania)

La zidá meyebal -la susana, e más trucadiza- ye plantificata en l´altero d´un tozal , en a márguin dreita de l´arriu Aude, ha 2 reclosas fortificatas constimesas por zincuanta y dos torres e sayeteras, e tres kms. de murallas, en tot. Ye considerata una feitura mayestra molimental de l´arquiteutura melitar -esbiellata lo sieglo XIX por Viollet-Le-Duc, e ye inclusa dende lo 1.997 en lo patrimonio mundial d´a umanidá d´a Unesco.

Por os arredols de l´entrador t´a zidá meyebal se i troban numbrosos toristas. A lo costato bi ha un peirón y una efichie de la Dama Carcás -emblema d´a zidá- con la iscrizión latina d´o sieglo XVI “Sum Carcas” (soi Carcás). A iste rispeutibe, ne b´ha una liyenda que diz asinas:

“Os sarrazins lebaban cuasi 25 añatas rainando en Carcassona. La zidá, asitiata por os francos, yera dominata por os arabes. Lo rai moro fenexió barallando e las bituallas se´n i acotolaban. Doña Carcás, la muller de lo defunto rai, fazió bistir moñacos de palla con as bistiduras d´os muertos e los plantificó como guaitas en as murallas, y ordinó chitar enta lur pedero una cochina entriparrata de trigo, fendo-ie criyer a es francos que la zidá teneba encá os repostes plens. La Dama Carcás i fazió un güen achuste, consiguindo mantener la zidá e las tierras suyas”.

Atra barián d´a liyenda iz que Doña Carcás -ta zilebrar la debantanza de l´asitie- fazió sonar as trompas d´a zidá, e Carlomaño en sentir-las dizió: “Carcás sona”. Lo cual qu´estió la causa de lo nome autual.

L´emperador, intrigato por lo son d´as trompas, se´n torna enta Carcassona y, en plegar nuabamén debán d´as murallas d´a zidá, as torres suyas -por marabiella- se´n zerchoron enta Carlomaño en siñal d´omenax; asinas lo rezentan as barians d´a liyenda: “Dama Carcàs” de Joan-Claudi Pertuzé (biyer bibliografía) e “las torres saludaderas” en La Cançón de la Crotzada, laisse 24, pax. 66-68

“L’aguait fan fer de firme con caballers armatos

Per tot l’arredol d’a zidá que ye muitismo fortal,

Que Carlos, l’emperaire, lo fuert rai coronato,

Iz que los tenió más de siet añatas asetiatos,

Que no los podió conquerir ni d’ibierno, ni d’estiu;

Dica que, cuan ya s’en yiba, as torres se’n ie acochoron

Ta que se’n tornase e las podese conquerir;

S’ista ixera no ye mensoña, ixo ye qu’estió berdá,

E, d’atras trazas, no ese puisto prener la zidá”.

Los Tocayos en la puerta Narbonesa de Carcassonne (Francia). Los Tocayos en la puerta Narbonesa de Carcassona (Oczitania)

Los Tocayos en la puerta Narbonesa de Carcassonne (Francia). Los Tocayos en la puerta Narbonesa de Carcassona (Oczitania)

Dentran en a zidá por la Puerta Narbonesa -entrador prenzipal e l´unico ta es carros- a trabiés d´una palanga repingatiza costruyita sopre lo puen que cruzia lo fueso, por debán d´as dos torres que lis izen “narbonesas”. De diya lis truca muito más. La granduranzia d´a dople muralla e los grans torreyons lis se fa estraurdinaria; tot lo conchunto ye grandoraz.

Aintro d´a reclosa -ye biedato de i zercular autos- biben fiters cualques 12O abitadors, e muitos más triballando as puendetas toristencas, con gran bariedá de botigas, restorans e bel otel qu´atro. La zidá -seguntes bi alufran- conserba lo suyo aspeuto meyebal con callizos estreitos y encosteratos, fronteras con tarabidatos de biegas e plazas ubiertas arredol d´un puzo.

M. Martin junto a la muralla interior y el castillo condal del siglo XII de Carcassonne (Francia). M. Martin a lo canto d´a muralla d´aintro e lo castiello contal d´o sieglo XII de Carcassona (Oczitania)

M. Martín junto a la muralla interior y el castillo condal del siglo XII de Carcassonne (Francia). M. Martín a lo canto d´a muralla d´aintro e lo castiello contal d´o sieglo XII de Carcassona (Oczitania)

En a fortaleza bi ha unatra fortaleza: lo castiello contal d´o sieglo XII rescambeyato durán la Edá Meya, ye una grandaza costruzión retanglar arredoliata d´un fueso ixeco, zinco torres e nayas esfensibas de tiera. Dend´astí e dend´as murallas se´n ofrex una ambiesta unica sopre la planera de bites de l´Aude, es Corbiéres y os Pirinés; manimenos güe no se i atifan esclateramén.

Promenando-sen por as carreras plegan en as puertas d´a basilica de St. Nazaire. S´empezipió a fer a zaguers d´o sieglo XI, anque tardoron a rematar-la dica zaguers d´o sieglo XIV. La nau romanica ye la par más antiga de l´edifizio, ha güeltas romanicas e presbiterio gotico, pero lo que más lis ha cuacato ye la bariedá de colors en as beirerías e rosetons d´o cruzer.

La plaza de Mercout de Carcassonne (Francia). La plaza de Mercout de Carcassona (Oczitania)

La plaza de Mercout de Carcassonne (Francia). La plaza de Mercout de Carcassona (Oczitania)

Mercan pastas en una zucrería e postals en una librería.

M. Martín dezide de chintar en la cambra de l´otel, entre que M. Pérez s´aproxema ta pasar por lo puen biello que cruzia l´arriu Aude ta fer un afoto panoramico de la biella Carcassona e chintar a´l bentistate.

No eban conoxito denguna zidá tan molimental e, magueras estar una zidadela plena de botigas de “souvenirs”, Carcassona lis ha encantuchato.

Anuncios