6. Escorsa ta ros Ibons

Pa ra escorsa de guoy ta l´ibón de Ra Siarra han condato con a balurosa aduya de bels amius naturals de ro payís, ro cualo contrimuestra nuabamén ro importán que ye contautar con as chens de ras zonas besitatas, que son qui reyalmén conoxen y treballan es puastos indresans pa b´espeduquiar, mesmo ormino contrebuyen pleneramén a creyar os paisaches locals con as fainas suyas de cambos, mons y bistiar, rispetando ra natura e ro meyo ambién de millors trazas que ros más enrebullatos plans gubernamentals.

La vaca les da la espalda camino del Ibón de la Sierra. A baca s´ha chirato de culos, cam�n de l´ibón de ra Siarra.

La vaca les da la espalda camino del Ibón de la Sierra. A baca s´ha chirato de culos, camín de l´ibón de ra Siarra.

Han tenito ixa suarde y han podito arribar en beíclo de pisata baxa dica ra Mallata Acumuer, anque por o camín s´han aturato bel raté en o majizo ibón represato de Paúls, fotiando-lo de güen implaz.

Migalánchel Martin junto a cascada y vaca camino del Ibón de la Sierra. Migalánchel Martin chundo ro saldo y una baca, camin de l´ibón de ra Siarra.

Migalánchel Martín junto a cascada y vaca camino del Ibón de la Sierra. Migalánchel Martín chundo ro saldo y una baca, camín de l´ibón de ra Siarra.

Una miajeta más adebán de ra Mallata Acumuer s´enziertan a trobar con un pastor de Tramacastiella y pretan a cascar con él; en istas be amanez l´auto de pisata alda menato por Eduardo Urieta de casa Chicoy, primo de ras chermanas Otín de Sallén y conoxito por Migalánchel Martín de biyer-le tocar a mandurria con o grupo folclorico de Sallén. Fablan con el bels menutos y, ya que i son, lis endica l´alcorze plazible enta ro sender qu´enfila ta l´ibón de Ra Siarra, albertindo-lis que a metá camín han de pasar por debaxo d´un chulet eleutrico.

Migalánchel Martin, detrás el Ibón de la Sierra. Migalánchel Martin, dezaga l´ibón de Ra Siarra.

Migalánchel Martín, detrás el Ibón de la Sierra. Migalánchel Martín, dezaga l´ibón de Ra Siarra.

Contra más petenan, más bacúmen se i troban. O camín fa costera pero ye de güen puyar, l´unico que -de cuan en cuan- sofla ra frida gabacha. Ban fendo bel afoto y, si güellan enta zaga, beyen l´ibón de Paúls cada begata más chiqué.

Migalánchel Martin sin gorro encima del Ibón de la Sierra. Migalánchel Martin, eschaperato, por o cabaldo de l´ibón de Ra Siarra.

Migalánchel Martín sin gorro encima del Ibón de la Sierra. Migalánchel Martín, eschaperato, por o cabaldo de l´ibón de Ra Siarra.

Dimpués plegan ta ro “chulet eleutrico”: uns filos orizontals con trazas de cleta pa empachar o paso a ras bacas, pos si ros tocan lis dan garrampazos. Os Zerrigüeltaires arrullan as muchilas por alto y dimpués pasan por debaxo, esturruzando-sen por o sulero.

Migalánchel Martin, en buena postura junto al Ibón de la Sierra. Migalánchel Martin fendo güena planta en l´ibón de Ra Siarra .

Migalánchel Martín, en buena postura junto al Ibón de la Sierra. Migalánchel Martín fendo güena planta en l´ibón de Ra Siarra .

Desiguida, a 1.880 mts d´altaria, cruzian un barrangued con muito eslibel y pro cantalera, que baxa de l´ibón de Ra Siarra, l´augua que leba no ye masiau agundán, pero no dixa de i fer saldez, gorguetas y chiquetas arrigatuaras.

Los Zerrigüeltaires delante del Ibón de la Sierra. Os Zerrigualdaires debán de l´ibón de Ra Siarra.

Los Zerrigüeltaires delante del Ibón de la Sierra. Os Zerrigualdaires debán de l´ibón de Ra Siarra.

Continan puyando por terrén más y más petruso y en meya ora colata plegan en l´ibón.

L´Ibón de Ra Siarra ye repolito de raso, situgato a 2.O26 mts d´altaria. Lis fa goyo porque no ye guaire gran y tien sopreguanas alufratas enta ra Siarra de Ra Partacua, con Peña Telera (2.764 mts), enta ra Cochata d´Izas (2.223 mts) (por ziarto, que i beyen una colla de nabesaires petenando por astí), a Punda de l´Alica (2.697 mts) y, ya más luen, as Tucas de Ros Infiernos (3.O76 mts) y ro Pico Moros (3.151 mts).

Migalánchel Martin parece un pastor; con las vacas al fondo. M.A.M. con farchas de pastoraz; enta ro fundo, ro bacúmen.

Migalánchel Martín parece un pastor; con las vacas al fondo. M.A.M. con farchas de pastoraz; enta ro fundo, ro bacúmen.

Fan afotos, minchan, arredolían tot l´ibón y pretan a tornar. Por o camín asayan cualques prebatinas de ra “xota de ros Zerrigúeltaires” que Migalánchel Martín ha calitrato ( cuentan que -Dios meyán- más adebán se podrá escutar n´ista güeb, quí sape si de conchunta con autras cantas). Fan o ritorno amonico y muito á plazer.

L´auto de Migalánchel Martín. ye estato emburzato por os afalacos de ro bacúmen, con besez, laminatas y bellas morisquetas cornutas; con o risultato de chiquetas bollas, esgarrañazos y rebuxes de morgallos…. ¡ qué l´imos a fer

Anuncios