5. Cursa ta l’Ibón de ra Siarra

Ibón de Tramacastilla, al fondo la Sierra de Tendeñera. Ibón de Paúls, enta ro fundo ra Siarra Tendenera.

Ibón de Tramacastilla, al fondo la Sierra de Tendeñera. Ibón de Paúls, enta ro fundo ra Siarra Tendenera.

BASE: pista forestal entre Sandiniés y Tramacastiella de Tena, a 1.25O mts d´altaria

DESTÍN: Ibón de Ra Siarra (2.O26 mts d´altaria)

DURATA: 3 oras y meya

DIFICULTÁ: chiqueta-meyana

Migalánchel Martin junto al ibón de Tramacastilla. Migalánchel Martin chunto l´ibón de Paúls.

Migalánchel Martín junto al ibón de Tramacastilla. Migalánchel Martín chunto l´ibón de Paúls.

Cal enfilar por una pista forestal que naxe a ra dreita de ra carretera de Sandiniés ta Tramacastiella, por do se plega ta ras pistas d´esquí de fundo de ra Partacua ( a ros de Sandiniés y Tramacastiella entre autras motatas -se beiga l´año 1.983- lis izen tamién “partacueses”). A ros 2 kms y meyo y una altaria de 1.4OO mts amanez una catena que i tanca ra pista. Continando por ixa pista y en menos de meya oreta se pasa por un barrache ta ro ganato (1.5OO mts) y se ba dentrando en a bal de ro barrango de Lana Mayor. Una ora dimpués se plega ta l´ibón de Paúls, u Tramacastiella. Cal continar por a pista qu´arredola l´ibón por o costato zurdo pa baxar cuasi dica ra coda de l´entibo d´Escarra, do se i troba una estrabiella plandificata en una cruzillata. Siguindo por a pista de ra ezquerra que s´aíntra en a bal dica ta ro suyo cabo, plegaremos en a Mallata Acumuer; dend´astí sale una sendereta por a dreita que ba enguiliando ro barrango de Ra Siarra pa, dimpués de cruziar-lo, yir puyando por calzils y patrals cantimplanos dica ta l´Ibón de Ra Siarra.

De vuelta el Ibón de Tramacastilla, al fondo Punta de ra Cochata. L´ibón de Paúls de tornata, enta ro fundo ra Punda de ra Cochata.

De vuelta el Ibón de Tramacastilla, al fondo Punta de ra Cochata. L´ibón de Paúls de tornata, enta ro fundo ra Punda de ra Cochata.

Anuncios