3. Cursa ta ro Miralgüén de “El Salto”

BASE: Sallén de Galligo, 1.3O5 mts d´altaria

DESTÍN: miralgüén de “El Salto”, 1.325 mts d´altaria

DURATA: 1 ora

DIFICULTÁ: muito chiqueta

O sender empezipia en o cabo zaguero de ra poblazión, remuntando ro curso de l´arriu Aguas Lempedas por a dreita dica trobar una pista que contina puyando zerqueta d´unos sabuquers. Dimpués a pista se trestalla y cal continar por a zurda, en do se pueden b´atifar una abillanera, una gabardera y buxos. Se contina por un sender en o que se i troban o pin salbachín, o piñonero y a chordonera. Más enta debán se cruzia por un pondarrón o barranguizo que baxa de ros ibons de Pondiellos. Be son atifables: abetoch, perera, camichironero, arañonero, triámol y choplo royo. Se contina por a pista de ra ezquerra, que amoniquet ba esdebenindo sender, se pasa chunto a un buxardero y , dimpués d´esnabesar por una selba mestizata d´abetoches, abillaneras, triámols y pins, se remata plegando en o miralgüén de “El Salto”.

Cascada “El Salto” de Sallent de Gállego. Sallén " El Salto ", de Sallén de Galligo

Cascada “El Salto” de Sallent de Gállego. Sallén " El Salto ", de Sallén de Galligo

Migalánchel Martín y Migalánchel Pérez enfilan enta lo miralgüén de “El Salto” en una gambadeta asaber qué atrautiba y plazentera; recorren un sender tematico sopre a flora de ra Bal de Tena, atrapaziato con mesetas plandificatas en o pedero d´arbols y maticals, retulatas con as suyas descrizions, emplegos y curiosidaz. Polita e didautica gambada, a penar de ra poqueta d´augua que baxa por o sallén “El Salto”.

Anuncios