11. Entibo de Búbal. Dolmen de Santa Ilena

O martes 12 de Chulio reguden enta ro treballo de Mari-Carmen y se dispiden d´ella con tot l´afeuto.

De tornata quieren besitar o dolmen de Santa Ilena, pero antis pasan chunto l´entibo de Búbal, costruyito en 1.971 y causán de l´albandono y escuartalizadura de cuatro lucars, en aber quedato sin as millors tiarras de cautibo. Son os siguiens:

SAQUÉS (compuesto por a radiz Saq– y o sufixo prerromanze –os, o que esbiene d’o latín aqua), ye en enanto de refetura dimpués de sier amprato por a Cruz Roya. A ros d’astí les deziban “cascanueces” y “saqueteros”, y teneban un dito grazioso:

“O cura de Saqués

ya no compra más cebada

se l’ha muerto la burra

y agora monta la criada”.

As suyas casas yeran:

Charico o Jericó/Xericó, Arruebo o Mosenisidro, Miguel de Matías, Judetas, Bandrés, Borrullán, Bonanzas o Bronazas, Ferrero, Molinera, Ferrer, Blango, Juan Ferrer.

BÚBAL (s’en ye refeto parzialmén grazias a ro Menistirio d’Educazión). A ros de Búbal (de Boalar, latín Bove: Güey, puasto do se criyan güeis), les deziban “bienhabladitos”, “cascabellanas” y “cuarraus”. As suyas casas yeran:

O Royo, Arruaba, Pericaz, Tiburzio, Mingó, Fanlo y Portugués, Esperanza, Ainés, Mateo, Lorenza, Rocha, Galé, Pazienzia, Martón, Agut.

POLITUARA (del latín Politoria: “lugar bonito” o villa encaramada), contina feto un ronal. Les deziban “La Bienhallada”, ne b’eba 5 casas: O Ferrero, Domec, Barrera, Tapia, Royo.

L’ARTOSA (del latín ArtoEstrecho, o Arto- Espino, o Tierra con mucha humedad) chaze baxo as auguas de l’entibo. Les deziban “jibaus”.

M.A.M. a ro canto de ro dolmen de Santa Ilena, zerqueta de Biescas. Migalánchel Mart�n junto al Dolmen de Santa Elena, cerca de Biescas

M.A.M. a ro canto de ro dolmen de Santa Ilena, zerqueta de Biescas. Migalánchel Martín junto al Dolmen de Santa Elena, cerca de Biescas. M.A.M. a ro canto de ro dolmen de Santa Ilena, zerqueta de Biescas

Besitan o dolmen de Santa Ilena, esbarrando-sen a cosa de 4 kms. antis de Biescas enta ra ezquerra, do alparcan l´auto. Cruzian o Galligo por un puen y siguen a pista enta l´armita de Santa Ilena. En o pedero de ro suyo pueyo pillan o camín que dentra en a planera de Santa Engrazia pa, en cosa de 3OO mts. plegar en o dolmen de Santa Ilena qu´estió esmicazato en a guerra zebil, pero ye estato refeto en 1.975.

Dolmen de Santa Elena, cerca de Biescas. O dolmen de Santa Ilena, zerqueta de Biescas.

Dolmen de Santa Elena, cerca de Biescas. O dolmen de Santa Ilena, zerqueta de Biescas.

Yera una sepoltura coleutiba encarata enta l´Este en a que aparexión güesicallos asabelo escluchinatos. L´axobar que i trobón de más balura yera un colgallo feto con diens de pardo que premite prexinar a esistenzia en ixa redolata d´una cultura megalitica en a puanda de ro zaguer Niolitico u, más prebable, en o preto de l´Eniolitico u empezallos de ra Puanda de ro Bronz.

M. Pérez y M. Martin junto al Dolmen de Santa Elena, cerca de Biescas. Os Zerrigualdaires a ro cando de ro dolmen de Sanda Ilena, zerqueta de Biascas

M. Pérez y M. Martín junto al Dolmen de Santa Elena, cerca de Biescas. Os Zerrigualdaires a ro cando de ro dolmen de Sanda Ilena, zerqueta de Biascas

En Biescas aturan por zaguer begata pa chintar antis de ra finitiba ritornata enta Zirigoza.

Resumindo: ista añata ros Zerrigüeltaires l´han pasato soprebian, cumplindo-sen lurs espeutatibas. L´orache ye estato modoso (magueras a fridor de l´aire de puarto), podendo besitar lucars, paraches e ibons precoxitatos, ro mesmo en Biarn que n´a Bal de Tena (aquí, con l´aduya de ras amistanzas); han esfrutato de ras marbiellosas chens de Sallén, barruntando asperanzatos un posible esbulliquie d´a recuperazión de l´aragonés tensino.

Anuncios