6. Itinerario t’a Badina d’Estañonero

BASE: Nozito 931 mts.

DESTÍN : Badina d´Estañonero 1.100 mts. ( ” Estañonero ”

sinifica posiblemén, tanto en aragonés antigo como en gascón: ” estanque

negro ” )

DURATA: 5O menutos dende o cabo d´o Barranco d´a Pillera

DIFICULTÁ: baxa

Barranco de la Pillera, y ¡qué piedras! Clamor d\'a Pillera, y qué peñas!

Barranco de la Pillera, y ¡qué piedras! Clamor d'a Pillera, y qué peñas!

Dende Nozito se pilla una pista que sale ent´a dreita antis de cruziar o puen que chuñe os dos bicos d´o lugar; perén con o rio Guatizalema ent´a zurda nuestra y continando por a suya cursa, a bel par de kms. plegaremos ta un puesto do cal dixar l´auto, (ixo si no s´ha dezidito d´ir apasiando dende Nozito). Ixe puesto ye mesmamén do lo Barranco d´a Pillera regude enta lo Guatizalema. Astí naxe una pista que, cruziando lo rio por un rasal, ba puyando en primeras por o beral zurdo d´o Barranco d´a Pillera; dimpués de trescruziar o suyo cauz dica 8 begatas se plega en a badina Estañonero.

Badina Estañonero, aguas que vienen del Barranco de la Abellada. Badina Estañonero, auguas que bienen d\'a Clamor de l\'Abellata

Badina Estañonero, aguas que vienen del Barranco de la Abellada. Badina Estañonero, auguas que bienen d'a Clamor de l'Abellata

Os amius zerrigüeltaires ban por a pista dica la compleganza d´o Barranco d´a Pillera con o rio Guatizalema, do dixan l´auto.

 Los Zerrigüeltaires en la Badina Estañonero. Os Zerrigüeltaires en a Badina Estañonero

Los Zerrigüeltaires en la Badina Estañonero. Os Zerrigüeltaires en a Badina Estañonero

Se i troban chupius de natura salbache y nomás empezipiar a petenar ya pretan a fotiar o paisache.

Migalánchel Martin junto a la Badina Estañonero. Migalánchel Martin chundo a ra Badina Estañonero

Migalánchel Martín junto a la Badina Estañonero. Migalánchel Martín chundo a ra Badina Estañonero

O camín, a penar d´as trescruziatas d´o barranco – con o consiguién risque de mullar-se os piez – ye muito plazentero. En ixa ora, si fa u no fa, que lis cuesta de plegar t´a badina se i troban de contino con pozetas d´augua limpeda y trasparén, bechetazión como buxos, taxos, pins salbachins, faus, lezineras y catens punchigutos como agullas ( en bel inte dau, beyen l´esbarre t´o Tozal de Guara que lis parixe una gambada escamallán, por o gran eslibel a superar – bels 1.000 mts.). Plegan en a badina, quedo pochanco de regular grandaria farchato por as minguatas auguas d´o Barranco de l´Abellada, que regude astí mesmo en o d´a Pillera por una cascadeta más chicota d´o que os tocayos no s´eban entrefilau. Alufran que i baxa bien poca d´augua; manimenos, no dixan d´espleitar d´a nobedá d´o paisache y, mesmo, M. Pérez se i capuza a lo trazón en dita badina.

Paisaje verde y piedra. Paisache berdenco y peñas

Paisaje verde y piedra. Paisache berdenco y peñas

En istas, se i troban con una parella de bascos con dos mozez chicotons, fendo-ie una chiqueta parolata.

Paisaje verde y piedra. Paisache berdenco y peñas

Paisaje verde y piedra. Paisache berdenco y peñas

Os tocayos no i remanen guaire tiampo más porque han a tornar ta Zirigoza. De tornada fan os zaguers afotos, plegando en l´auto en meya ora colata.

Qué majo está Migalánchel Martin. Qué rufo ye Migalánchel Martin

Qué majo está Migalánchel Martín. Qué rufo ye Migalánchel Martín

Esnabesan por Nozito comentando que lis cuacareba de i tornar antis u dimpués, y s´enfilan por a pista enta lo sur d´o tunel d´a Manzanera (antigo puarto de Monrepós), pasando por Belsué y Arguis camín de Zirigoza.

A la finitiba: ista añata ye estata d´as pocas begatas que l´orache lis ha feito rabesata, pero con tot y con ixo encá han puisto escubrir cualque par d´as polidezas d´istos paraches d´a Garzipollera, Bal d´Acumuer y Nozito d´a Siarra Guara.

Anuncios