5. Nozito

Comentan os tocayos lo estrañizo que ye, dimpués de tantas añadas de garimboliar que no seigan estaus encara en Nozito (del latín “nux-nucis: nuez). Cuan lo beyen, lis paize un puesto talmente encantuchadero, estando una sospresa plazentera o muntón de casas esbielladas y ubiertas, con 2 bicos deseparaus por un puen meyebal sobre o rio Guatizalema, un cámpin, tabierna, botiga y casas de torismo rural. Fan bels afotos, belún con o fondo d´o Tozal de Guara y, mesmo, tienen a fortuna de fablar una miajeta l´aragonés con un pastor d´o lugar. ¡ Lastima no aber beniu t´aquí fa 15 u 20 añadas !., como exemplo una mazada ganadera:

Casa con chimenea t�pica de Nocito. Casa con chaminera tipica de Nozito

Casa con chimenea típica de Nocito. Casa con chaminera tipica de Nozito

“As obellas comen bucho, siñal de nebar mucho.”

Tienen de motada “caragoleros” y os de “valenzia” y un dito que lo emologa:

“Bononotes en A Torre,

Esquirgüelos en Abellada,

Roñosotes en San Úrbez,

Caragoleros en Nocito.”

Vista de Nocito. Ambiesta de Nozito

Vista de Nocito. Ambiesta de Nozito

Tamién son conoxitos bellos charrazos graziosos:

“-¡Fuy, que t’embreco!

-Yo m’en doi por embrecato,

pos con esta y otra begata,

trica la traca”.

“-¿Yay mozas bailosas en esta casa?

– Si qu’en yay.

– Pos de parti de os mozos de a fronga,

que se pongan o tortón en o pochón

y que bajen ta casa de o briolón.

– ¡Y que no faigan o fato,

que durará poco rato!”

Migalánchel Martin y al fondo el tozal de Guara. Migalánchel Martin y ta ro fundo ro tozal de Guara

Migalánchel Martín y al fondo el tozal de Guara. Migalánchel Martín y ta ro fundo ro tozal de Guara

Se quedan a chintar en Nozito antis d´enzetar a zaguer gambada d´ista añada.

Anuncios