2. Baraguás-Grazionépel. Bal d’Acumuer (Ibón de Bucuesa)

De tornada s´amanan a besitar bel par de lugarons entre Chaca y Samianigo: Baraguás (del vascón Ara: valle + otz: frío, valle frío), que les dizen “empeguntapuercos” y Grazionépel (Antrotopónimo latino “Gratinius/Graciano, + villa), de motadas “buenos aires” y “terrones”.

Iglesia de Gracionépel. Ilesia de Grazionépel

Iglesia de Gracionépel. Ilesia de Grazionépel

Os nomes d’as casas de Baraguás son:

Gairín, Herrero, Lorén, Sesé, Calvo, Galindo, Pascual, La Abadía, Estarrués, Portaña, Rufas, Tejedor, Orestes, González, Yerno, San Juan, Pelaire, Marco.

Iglesia de Baraguás. Ilesia de Baraguás

Iglesia de Baraguás. Ilesia de Baraguás

Alufran tamién dende luén una moderna urbanizazión que son fendo por ixas lomas d´os arredols. (no dixa d´estar chocante iste “miraglo” turistenco en una redolada con tantos lugarons meyo amortaus, piensan os Zerrigüeltaires con resinanzia). Como se ye chirando una miajeta de bris, fan bel par d´afoticos y se´n ban.

Ista nuei s´enteran de l´orache que ferá os diyas siguiens y , como parixe que pleberá en cosa de 2 diyas, deziden d´ir-se-ne a l´atro´l diya a prebar de puyar ta Bucuesa.

Migalánchel Martin y todo el valle detrás. Migalánchel Martin y tota ra bal dezaga

Migalánchel Martín y todo el valle detrás. Migalánchel Martín y tota ra bal dezaga

O maitín d´o biernes 9 de Chulio amanixe con muito güen orache, asinas qu´enfilan a carretera endrezaus ta Biescas, esbarrando-sen t´a zurda enta Larrés, ta dimpués de meya oreta plegar en Acumuer, en do ya ye a segunda begata que i son chuntos y que lis fa goyo porque agún mantién guallarda l´arquiteutura tradizional, y dende do empezipiarán a escorsa enta l´ibón natural de Bucuesa.

ITINERARIO TA L´IBÓN DE BUCUESA

Mapa de Montañeros de Aragón que indica el camino al Ibón de Bucuesa desde el final de la pista.

Mapa de "Montañeros de Aragón" que indica el camino al Ibón de Bucuesa desde el final de la pista. Mapa de "Montañers d'Aragón" que endica lo camín ta l'Ibón de Bucuasa dende la fin d'a pista.

Base: Acumuer 1.150 mts. d´altaria

Destín : ibón de Bucuesa 2.132 mts. d´altaria

Durata : de 4 ta 5 oras

Dificultá : meya

Os zerrigüeltaires, ¡qué pinchos están! Os zerrigüeltaires , qué pinchos i-son!

Os zerrigüeltaires, ¡qué pinchos están! Os zerrigüeltaires , qué pinchos i-son!

Cal prener a luenguiza pista biedata p´autos que sale d´Acumuer y puya por a bal d´o rio Aurín, afluyén birchinal d´o Galligo, i dixando ro beral d´o rio de contino ta ra cucha. A ra fin d´a pista se i pilla o sender enta ra dreita que plega ta ro chiquet ziércol petroso en do i remata ra bal, pa puyar en zagueras t´a cucha por una canal entre piatras y con poca yerba. Cuan s´ha remontato lo zinglo s´arriba entre patrals dica ta ro cabo d´o ziércol, dende do se plegará en poquez menutos ta l´ibón de Bucuesa. Muito amán d´astí ne b´ha de sobregüenas ambiestas de ra Bal de Tena.

Los caballos se alejan porque se asustan de los zerrigüeltaires. Os caballos s\'alexan porque se xorrontan d\'os zerrigüeltaires

Los caballos se alejan porque se asustan de los zerrigüeltaires. Os caballos s'alexan porque se xorrontan d'os zerrigüeltaires

Anuncios