6. Monesterio de San Chuan d’a Peña (2ª Parti)

O monesterio de San Chuan d´a Peña ye binclau con o Sangrial. Seguntes a tradizión, o cáliz que Chesuscristo emplegó en a Zaguera Zena remanió en mans d´os disziplos suyos y se i recullió a sangue que redamó en a Cruz, esdebenindo una d´as más grans reliquias d´a Crestiandá. Plegó en San Chuan d´a Peña lo 1.071, do i remanió dica lo 1.399.

01. El Santo Grial que se conserva en la Catedral de Valencia. O Sangrial alzato en a Catedral de Balenzia

Antis de plegar lo Sangrial ta lo Monesterio, yera estau nimbiau dende Roma por o cleigo Lorién -güei Patrón de Güesca- enta lo monesterio de Loreto, dimpués debió de pasar por San Pietro lo Biello de Güesca, a Espelunga-Armita de Yebra de Basa, lo monesterio de San Per de Ziresa, a ilesia de San Adrián de Sasau y a Catedral de Chaca. O prestixo que alportaba aconselló calar-lo en o monesterio de San Chuan d´a Peña, atrayindo asinas a os pelegrins d´o bizino camín de San Chacobo.

Lo 1.399 o rai Martín I se´n portió lo Cáliz Sagrau enta lo Palaz de l´Alxafería de Zirigoza y, dimpués de pasar breumén por Barzelona. estió tresladau lo 1.424 dica do ye güei: a Catedral de Balenzia. Curiosamén, con enchaquia d´o zentenero d´o rai Sancho Remírez, lo 1.994 o Sangrial ritornará por bels diyas ta Chaca y San Chuan d´a Peña, igual qu´eba escaiziu ya lo 1.959.

O rai Peiro IV d´Aragón fazió fer una coronica abracadera d´a estoria d´o Raino, dende os suyos orichens contals dica la muert d´o rai Alifonso IV, en o 1.336. Istos remarcables testos estoricos d´a Corona d´Aragón -os más antigos que se´n conoxen- gosan estar anomenaus “Cronica Pinatense” u “Coronica de San Chuan d´a Peña“. Bi´n ha tres bersions; a primera en latín, d´antis de 1.359, y d´a cuala en esdebienen as atras -una en aragonés y l´atra en catalán- as dos d´entre 1.369 y 1.372.

02. Muestra de la Crónica aragonesa de San Juan de la Peña. Biblioteca Virtual Miguel de Cervantes. Plana d´a Coronica aragonesa de San Chuan d´a Peña

Amuestran un troz d´un capetulo d´a Coronica de San Chuan d´a Peña (bersión aragonesa).

 “…Todo esti regno dio en casamiento con su filla con las condiciones sobreditas. Et ya sea que li dies el dito Regno en casamiento, no empero renunciaua á la dignidad real, antes, de su vida fincaua rey et retenia porasi, la senyoria de todas las eglesias del su Regno et sobre los monasterios de San Saluador de Leyre, de San Iohan de la Penya et de San Victorian, et sobre todas las eglesias parrochiales, et mas appropriadament sobre San Per de Ciresa con sus pertenencias: diziendo estas parablas: «Maguerre yo dé a tu, el Regno, pero la mi dignidad real non lexo.» Et feitas todas las sobreditas cosas, el dito Rey uiuie algun tiempo en buena et sancta vida como rey y el dito noble Conte de muitos treballos en el Regno lo escusaua et lo rigió bien, assin como cosa propria suya et herencia, et guardó toda aquella honor et reuerencia al dito Rey, como fillo á padre deue fazer, tanto que, nunca disension fué entre ellos auida, et finó en la ciudad de Huesca en dignidat real, anno Domini M.C.XXXVI. Pero recibió et tornó al abito de San Benedito á la muert, en el qual era profeso en el monasterio de San Ponz de Tomeras: et los sus capellanes ordenólos perpetualment seer beneficiados en la iglesia de San Pedro de Huesca et que diziesen las oras acostumbradas de monges negros, et huey en dia fazen aquel mismo officio los beneficiados que son allí; et fué enterrado en la dita iglesia de San Pedro en la capilla de Sant Bartholomeu; ys verdat quela tierra aquesti rey Don Remiro, dió á homenage al emperador de Castiella Don Alfonso, ys assaber: Çaragoça, Calatayud, Darocha, Taraçona, et sus pertinencias, porque la senyoriasse que nueuament yera adquirida de infieles, ya non querió rendir aquella al dito Conte de Barchinona nin rendir de su vida. Empero en el tiempo de su fillo, Don Alfonso el que primero se intituló Rey de Aragon, et Conte de Barchinona, noble persona en todos actos de caballería, cobró la dita tierra de Aragon, la qual tenía el emperador Don Alfonso de Castiella á omenage, segun en la su crónica yes contenido…”.

03. Postal del Claustro Románico. Monasterio viejo de San Juan de la Peña. Año 1969. Postal d´o Claustro Romanico d´o Monesterio Biello de San Chuan d´a Peña

L´escritor Benito Pérez Galdós, en o suyo biache enta Ansó en 1.894, pasó zerqueta de San Chuan d´a Peña y en as suyas Alcordanzas l´anomenó: “Cuna de la nacionalidad aragonesa”.

O nobelista y ensayista Miguel de Unamuno definió San Chuan d´a Peña como “la boca de un mundo de peñascos espirituales revestidos de un bosque de leyenda”.

04. El claustro románico de San Juan de la Peña, al fondo M. Pérez y M. Martín. O claustro romanico de San Chuan d´a peña. Ta lo fundo M. Pérez y M. Martín

O tamién escritor Pío Baroja, dimpués d´aber besitau lo claustro d´o Monesterio, en escrebiba en a suya coronica:

“La primera mirada y el primer asombro es para la negruzca y rojiza peña, que arrancando de una de las alas del claustro, corta atrevida los aires de su gradual elevación hasta lanzarse más allá del ala opuesta, y cobija el recinto entero bajo su macizo toldo. Desde el corredor descubierto los ojos del cenobita no podían elevarse al cielo sin tropezar con la imponente mole, que semejante a Dios, según la disposición de ánimo y las ideas de cada cual, tan pronto para proteger amorosa, como amenazar irritada al monasterio enclavado en su seno.”

05. Monasterio Alto de San Juan de la Peña. Monesterio Alto de San Chuan d´a Peña

O medico aragonés Santiago Ramón y Cajal, entre que discansaba con a suya chirmana Paula en o Monesterio Nuebo, prebando de i remuntá-se d´o tesico pillau en Cuba, fizió a zaguers d´o berano de 1.878 os primers afotos conoxius d´o Monesterio Biello de San Chuan d´a Peña (él l´anomenaba “Monasterio de la Cueva”):

06. Foto de Santiago Ramón y Cajal Año 1878. Claustro de San Juan de la Peña. Claustro de San Chuan d´a Peña. Afoto de Santiago Ramón y Cajal, de 1.878

“Cuando, de regreso del balneario, pasé por Jaca y me instalé con mi hermana en el monasterio nuevo de San Juan de la Peña, hallábame sumamente animado y con todos los signos de una franca convalecencia. Lo apacible y pintoresco del lugar; una alimentación suculenta formada de carne y leche; giras diarias por los bosques circundantes;

06a. Gran chimenea de la vieja Hospedería de San Juan de la Peña (Foto de Julio Soler, 1912). Chamineraza d´a biella Gospedería de San Chuan d´a Peña. (Afoto de Julio Soler, de 1.912)

interesantes visitas al monasterio de la Cueva, donde duermen su eterno sueño los antiguos monarcas de Aragón; excursiones fotográficas a los alrededores de la montaña y a la cercana aldea de Santa Cruz de la Serós, etc., acabaron por traerme, con la seguridad del vivir, el vigor del cuerpo y la serenidad del espíritu. Héteme, pues, reintegrado al cauce de la existencia con sus inquietudes y batallas. ¡Aún no era tiempo…!”

07. Postal del Monasterio de San Juan de la Peña y el Nuevo, al fondo Peña Oroel. Postal d´os monesterios Biello y Nuebo de San Chuan d´a Peña. Enta lo fundo, a Punta Uruel

Blas Castán, o almirau y famosismo “Botero d´Ayerbe” lis dizió a Migalánchel Martín y Armando Otero -en 1.989, en Ayerbe- ista parrafada respetibe a San Chuan d´a Peña: “Dende que no’n hay flaires en San Juan de la Peña, no’n hay güenos mozos pu aquella redolada”.

Como ya han referiu en o capetulo anterior, a cremada de 1.675 estió dezisiba pa costruyir, bels zentenals de metros dillá y entalto, lo Monasterio Alto u Nuebo de San Chuan d´a Peña, adedicau a San Chuan Baltista. A nuaba situgazión, en o patral de San Endalezio, ye más ubierta, iluminada, plana y ensolanada. Ye plantificau a 1.220 mts. d´altaria y en plena sarra de San Chuan d´a Peña, bersera d´os arrius Aragón y Galligo. L´izen San Endalezio en onor a ixe santo, que as reliquias suyas estión alzadas en bels monesterios demientres 800 añadas, achuntando-sen os lugars d´a redolada pa i zilebrar a romería.

Os monches s´estieron en o Monesterio Nuebo dica que l´albandonón dimpués d´a Ixamortizazión de Mendizábal, lo 1.835.

08. M. Martín y M. Pérez junto al Monasterio Nuevo de San Juan de la Peña. M. Martín y M. Pérez chunto lo Monesterio Nuebo de San Chuan d´a Peña

De lo patral en sale un poliu camín -con cardoneras, faus, abetes, buxos y zerolderas- anomenau Paseyo de San Bizién (por una armita que i eba, ya dispaizida), por o que plegan en poquez menutos ta lo conoxiu “Balcón d´os Perineos“.

09. M. Martín y M. Pérez en el Balcón de los Pirineos. M. Martín y M. Pérez en o Balcón d´os Pirinés

Dend´iste mirador, enfilau enta lo norte, aguaitan a Canal de Berdún, as zemas perinencas, os mons de Nabarra y o Moncayo.

11. M. Martín en el Balcón de los Pirineos. M. Martín en o Balcón d´os Pirinés

Dimpués d´iste “estorico” maitín, marchan enta la billa d´Ansó.

Anuncios