4. Santa Cruz d’as Serors

Marchan de Chaca por a N-240 y a lo qu´han feito un poqué más de 11 kms. se´n esbarran por l´A-1603 atros 7 kms. y ya i son en Santa Cruz.

01. Mapa de la comarca de la Jacetania. Mapa d´a comarca d´A Chazetania

O lugar de Santa Cruz d´as Serors yera conoxiu dica l´empezallo d´o sieglo XX como Santa Cruz nomás. En a Edá Meya yera anomenau Santa Cruz “de las Sorores”, “Sorors” y “d´as Monchas”. Lo nome “Serors” sinifica “chirmanas” en aragonés antigo y oczitán, en referenzia a las monchas que l´abitoron. Ista localidá se troba en o pedero d´a Sierra de San Chuan d´a Peña, en a bersán cucha de l´arriu Aragón, a 88 kms. de Güesca capetal y a 778 mts. d´altaria. A poblazión ye de bels 100 abitadors; en 1.495 teneba 13 casas abitadas.

02. Vista de Santa Cruz de la Serós. Ambista de Santa Cruz d´as Serors.

L´autibidá prenzipal perén ye estada l´agricultura, anque como entrador d´o monesterio de San Chuan d´a Peña espleita tamién de l´esquimen d´o torismo.

03. Iglesia de Santa María de Santa Cruz de la Serós. Foto Jean Dieuzaide (Año 1961). Ilesia de Santa María de Santa Cruz d´as Serors. Afoto de Jean Dieuzaide (1.961)

Lo feito estorico más importán en ista poblazión ye l´establimién d´o monesterio feminín beneditín de Santa Cruz d´as Serors, por o rai Remiro I d´Aragón, á metá d´o sieglo XI. Aquí bibión as fillas d´él y chirmanas d´o rai Sancho Remírez: Tresa, Sancha y Urraca. Tresa, la mayor, se marida con o conte de Tolosa; Sancha se marida con o conte d´Urchel, Armengol III; a lo qu´enbidua, Sancha reculle as tenenzias de San Urbez en Atarés, Ziresa y Santa Cruz d´as Serors, y dende 1.082 enfila lo bispau de Pamplona, amás de presidir lo monesterio masculín de San Pietro de Ziresa. Gubierna l´autibidá d´o monesterio y l´enriquez con muitas posesions. Fenez lo 1.097, estando enterrecada en o monesterio de Santa Cruz, agora os suyos gosicallos discansan en o combento d´as Benitas de Chaca, en un sobrepoliu sarcofago romanico trayiu d´o monesterio. Urraca, a chirmana chiqueta, estió moncha y en tenió menos de protagonismo.

04. Casa típica de Santa Cruz de la Serós con su gran chimenea. Foto Jean Dieuzaide (Año 1961). Casa tradizional de Santa Cruz d´as Serors con a suya chamineraza. Afoto de Jean Dieuzaide (1.961)

Alifonso II será lo zaguer rai d´Aragón qu´engrandirá con as suyas endonanzias o patrimonio d´as Serors, estando-ne una d´elas a localidá de Santa Cruz.

04a. Detalles de la portalada del Monasterio de las Benitas de Jaca en el 2009. Foto de M. Martín. Detalles d´a portalata d´o Monesterio d´as Benitas de Chaca. Afoto de M. Martín (2009)

Os rais siguiens ya no enamplarán os dominios d´o monesterio. Antimás, dende la fin d´o sieglo XII lo monesterio de Sixena sustituyirá a lo d´as Serors en a “recullida” u retiro de miembros d´a familla reyal.

04b. Detalles de la portalada del Monasterio de las Benitas de Jaca en el 2009. Foto de M. Martín. Detalles d´a portalata d´o Monesterio d´as Benitas de Chaca. Afoto de M. Martín (2009)

Dimpués de diferiens perbenidas o monesterio se´n mantién dica lo 1.555, cuan a uzena monchas que i bibiban se´n tresladón ta l´antiga ilesia de San Chinés de Chaca.

04c. Detalles de la portalada del Monasterio de las Benitas de Jaca en el 2009. Foto de M. Martín. Detalles d´a portalata d´o Monesterio d´as Benitas de Chaca. Afoto de M. Martín (2009)

Curiosamén, lo 14 d´abril de 1.964 as monchas quitan lur clausura por bellas oretas pa tornar de besita enta Santa Cruz d´as Serors.

05. La Iglesia de Santa María de Santa Cruz de la Serós. A ilesia de Santa María de Santa Cruz d´as Serors

Os Zerris ban a fer una gambadeta por o lugar pa i bier os dos templos romanicos declaraus Molimento Nazional. En primeras besitan a biella ilesia d´o monesterio, autual ilesia de Santa María, romanico chaqués de zagueras d´o sieglo XI y unico remanén d´o zenobio feminín más antigo d´Aragón. A portalada prenzipal ye romanica y en o capezero i sobreze l´auside semizercular y os dos sallens retangulars d´as capiellas d´os costaus. A guallarda torre ye uno d´os campanals romanicos más polius d´Aragón.

06. Hilandera de Santa Cruz de la Serós. Foto Jean Dieuzaide (Año 1961). Filadera de Santa Cruz d´as Serors. Afoto de Jean Dieuzaide (1.961)

Continan con l´atra alfayeta d´a localidá: l´armita de “San Caprasio” (antis más “San Crapás”); ye un  chiqué exemplar romanico premetibo lombardo, d´a primera metá d´o sieglo XI, que se troba á l´entradero d´o lugar. Ye una ilesia d´una sola nau con una chocante decorazión d´arquez y bandetas.

07. Chimeneas y espantabrujas en una casa de Santa Cruz de la Serós. Chamineras y churruntadors en una casa de Santa Cruz d´as Serors

Santa Cruz tien as bibiandas espardidas a redolé, con importans contrimuestras d´arquiteitura popular. O matieral de costruzión ye a peira y pa cubertura, tellaus a dos bersans de losas sobreposadas. As rebustas chamineras conicas u zelindricas i son protechidas con chorruntabroxas de peira toba, pos seguntes a creyenzia popular pribaban a dentrada d´as broxas ta os aintros d´a casa, u albertiban d´a relichiosidá d´os suyos abitadors, protechius por amoletos u esconchuros.

08. Vecina de Santa Cruz de la Serós asomada a la ventana. Foto Jean Dieuzaide (Año 1961). Bizina de Santa Cruz d´as Serors cucutiando pu´a bentana. Afoto de Jean Dieuzaide (1.961)

A os de Santa Cruz d´as Serors lis izen: “esbarranquiaus” y “espuñers“.

Os nomes d´as casas de Santa Cruz d´as Serors, seguntes Ana Isabel Lapeña Paúl en o libro suyo “Santa Cruz dela Serós (arte, formas de vida e historia de un pueblo del Alto Aragón)”, son os siguiens:

Alcaide, Amada, Ambrosio, Anaorosia, Anaya, Angela, Babila, Baranguá, Bastero, Bertolo, Carapás, Cartero, Cenarbe, Clara, Colau, Conde, Cristina, Cristóbal, Cucharetero, Champirol, Cheso, Chocolatero, Chorche, Escolano, Esculabolsas, Feliciano, Gabín, Herrero, Hojalatero, Ignacio, Juan, Julián, Jusepe, La Casona, Lacué, Laín, Lino, Marco Salvador, Marieta, Martina, Miguel de Ena, Morchón, Orencio, Pardina, Paules, Pérez, Petronila, Piquero, Rancacoles, Salvador, San Juan, Solans, Tejedor o Don Miguel, Tereseta, Tuerto, Villa Tina.

Amuestran bels toponimos de os arredols de Santa Cruz d´as Serors:

Corrales de Batalla, Pallarón, Paulazos, Cuello,  Chupo, Gabariso, Santa Leocadia, Capana, Molino, Santa Marina. Peña Gabín, Barranco O Chopo, Peña Ancha, Manantial de Biescas, As Meloneras, A Ralla y Tozal Cuculo, Carbonera, Barranco Cotolás, Paco Biello, Armita de San Chusé, Paco l’Estallero, Paco San Chuan, Balsera, As Mañaneras, Campos de San Justo, Torla, Os Linars, Paco Torla, Campo d’Oro, Peña Mora, Paco As Languas, Zerzún, Botayuala, Punta Morón, Collada Liezinera, Corral de Lucas, Lo Mon, Cerro de Crucetuala, Botartal, Barranco Gotolas, Campo Clabero, Campo de Piedra.

O apreziau amigo José Ramón Dieste en o suyo libro “Tradiciones Altoaragonesas” siñala bels costumbres rilazionaus con Santa Cruz d´as Serors:

“Durante “la Trilla” colocaban en el “macho” una rama de roble o fresno y se dejaba de pie en la era.

 

09. Casa típica de Santa Cruz de la Serós. Foto Jean Dieuzaide (Año 1961). Casa tipica de Santa Cruz d´as Serors. Afoto de Jean Dieuzaide (1.961)

Para la “Sanchuanada” cumplían con el rito de los lavatorios. Los vecinos acudían al río Lubierre (decían que era de “aguas buenas”) a cumplir el rito y eran solidarios con los que no podían hacerlo –ancianos y enfermos- y les traían ferradas de agua virtuosa.

 

También para la “Sanchuanada” se hacía un bonito ramo con la yerba sanchuanera y se añadía además toronjina, sándalo, rosas y saúco. Después de prepararlo se bendecía y se dejaba secar y con su decocción  se hacían brebajes medicinales y se usaban en enfermedades de animales y personas como remedio curativo”.

10. Vecinos de Santa Cruz de la Serós en la puerta de casa. Foto Jean Dieuzaide (Año 1961). Bizins de Santa Cruz d´as Serors en o branquil. Afoto de Jean Dieuzaide (1.961)

D´o debanmentau libro “Santa Cruz….” de Ana Isabel Lapeña, en adiben d´atros costumbres:

“Una vez con ocasión de una enfermedad que afectaba a bueyes y vacas, cuatro vecinos fueron a buscar la imagen de San Sebastián e hicieron que los animales pasaran bajo la talla, en el callejón de Jusepe, y los animales sanaron.

 

Al igual que en Ansó la mujer que acababa de dar a luz no salía de casa hasta pasados 40 días y su primera salida era a la iglesia donde en la misa ofrecía una vela quedando a partir de entonces “purificada”.

La romería de San Salvador (26 de junio) es la romería más arraigada de Santa Cruz de la Serós”.

Rematan con istos ditos:

“Santa Bárbara, bendita patrona de este lugar, no queda gente en Binacua por venirse a fartar”.

“Para San Sebastián o (San Antón) de enero, la mitad de paja, la mitad del granero y el cochino entero”.

“Tres días hay en el año que relumbran más que el sol: punchavinos, matapuercos y el día de la conservación”.

12. M. Martín, también se ven un poquico de las casas de Santa Cruz de la Serós. M. Martín, tamién se i beye una miajeta d´as casas de Santa Cruz d´as Serors

Dimpués d´iste fruitifero diya en Chaca y Santa Cruz d´as Serors, aduermen en iste zaguer lugar y con unas bogals ambistas enta la ilesia de Santa María.

Anuncios