1. Chaca. Toponimia – Historia

1. CHACA, SANTA CRUZ D’A SERÓS, SAN CHUAN D’A PEÑA, ANSÓ Y FAGO D’O 2 A RO 4 DE MAYO DE 1986

Istos diyas ban con as miras de besitar Chaca con enchaquia d´o Primer Biernes de Mayo, que i remeran cada año la bitoria d´as tropas cristianas d´o conte Aznar Galíndez cuentra os moros, pasar-sen por o monesterio de San Chuan d´a Peña y tastá a fabla y tradizions de Fago y Ansó.

2-V-1.986.  Ixen de Zirigoza de güen maitín enfilaus enta Chaca (145 kms.) ta prebar de i plegar a las 10 en l´armita d´a Bitoria.

Chaca, capetal d´a comarca d´a Chazetania, ye situgada en o Campo Chaca, aluengada fobia entre as sarras interiors y esteriors d´os Perineos arrecorrida en parti por l´arriu Aragón. Ye a 818 mts. d´altaria y ha bels 11.500 abitadors. Risulta chocante, pero en Perú bi ha un arriu con o nome de  “Jaca”.

Mapa de la comarca de la Jacetania.. Mapa d´a comarca d´a Chazetania

A os de Chaca lis izen os zirigozanos “turroneros“, y tienen atros ditos:

“Jaca, tripa de res”.

“De Jaca, ni la capa”.

“Ta lo frío de Chaca, porta güena capa”

“Si en Chaca fredo, prepara güen moquero”

“Toma y daca, como los de Jaca”.

“Si de Jaca Dios me escapa, más rico soy que el Papa”.

“Si ves boira n’a Fonfría (solana d’o mon), al otro’l día, agua al mediodía”

“O sol s’espeña por as Eras d’a Peña”.

02. Camino de la ermita de Ntra. Sra.Victoria. Camín de l´armita de Ntra. Siñora d´a Bitoria

Sobre o toponimo de Chaca, o prestoriador español Pedro Bosch Gimpera en afirma: “Iacca = I + acca, es decir, territorio de los aquitanos”, y de los aquitanos: “como una extensión de los jacetanos al otro lado de los Pirineos”.

Igualmén, Manuel Benito Moliner, en a pachina güeb “Los pueblos del Alto Aragón, el origen de sus nombres” i esposa:

“En la onomástica que dan las inscripciones latinas de Hispania hay un nombre propio “Iaccus”, raíz “Iacca”, relacionable con el celta “iaccos” y una raíz indoeuropea, con significado de curar o en relación con la salud. Entre las inscripciones se registra también la voz “iaccotanus”. El nombre de Jaca dio lugar a una comarca: Jacetania o Iacetania. Iacetania o Iaquetania, como se pronunciaría en latín, es muy similar a Aquitania. Los Iacetani fueron un pueblo vasco-íbero con un claro sustrato celta. De los aquitani se habla como pueblo parecido a los iberos y como una extensión de los jacetanos al otro lado de los Pirineos”.  (En aber contauto entre els, a luenga ye parixida y parienta d´o bascón y en aber lo mesmo orichen, una parti d´a toponimia aragonesa ha manteniu l´aspeuto bascón).

Sobre os “Iacetanos” o cheografo y estoriador grieco Estrabón end´iziba: “iste pueblo escomenzipia en o pedero d´os Perinés y s´estendilla  por as planadas plegando dica lo payís d´os Ilerchetes, arredol de Lerida y Güesca”.

03. Postal antigua del Portal de San Francisco. Jaca. Postal antiga d´o Portal de San Francho. Chaca

En a primer milenta antis de Cristo lo territorio que b´ha de lo norte d´Aragón dica la  zidá de Güesca ye acupau por os Chazetans u “Iacetanos”, un pueblo ibero que i cudiba moneta d´alfabeto iberico con a inscrizión “I.A.C.A.” y con capetal en Chaca.

O pueblo chazetano ye redotau por os romanos en o194 a.C., cuan Marco Ponzio Catón -con l´aduya d´os “Suessetanos”- prene la capetal, esdebenindo a unica zidá romana d´os Perineos. D´allora enta debán os romanos controlarán os camins d´iste territorio y a suya prospera economía, que lo suyo enanto continará dica lo sieglo III.

Dimpués d´a cayida de l´Imperio Romano los gotos embaden a peninsula y á Chaca l´anomenan “Apriz”. Cuan plega la embasión arabe muitos crestians s´acubillan en as montañas de Chaca, estando ístos lo natón d´o esdebenidero raino d´Aragón.

En o sieglo X, lo conte aragonés Galindo Aznárez II conquista todas as tierras dende la bal d´Echo dica l´arriu Aragón. A zidá de Chaca ye mentada en os decumentos meyebals dende lo sieglo XI, cuan ye estabida por Sancho Remírez -lo 1.077- como capetal d´o raino d´Aragón fundau por lo suyo pai, Remiro I.

Durán 2 sieglos más d´a metá d´a poblazión de Chaca promanán d´o Midi franzés -i aposada á lo cubil d´o Fuer atorgau por iste rai- mantendrá la suya luenga oczitana. Por zierto, lo Dreito Foral aragonés promana d´o Fuero de Chaca y demás tradizions churidicas montañesas.

04. Plaza de Santa Orosia y Monumento a Sancho Ramírez. Al fondo Torre del Reloj o de la Cárcel en Jaca. Plaza de Santa Orosia y molimento a Sancho Remírez

Chaca esdebiene prospera merzé a lo trachín comerzial por o Somport, acrexiu con as pelegrinazions ta San Chaime de Compostela. Chiqueta estió la durada de Chaca como siede politica y bispal, pos lo rai Peiro I en conquerir Güesca i treslada la capetal, lo 1.096.

Magueras la perduga d´a capetalidá, Chaca contina desembolicando la suya funzión comerzial, almenistratiba -en recautar una d´as zinco leztas establidas en a rota de Zirigoza ta Franzia- y espitalera, en aloxar os pelegrins ta San Chacobo. Antiparti, l´obellamen enfurne de lana pa la feitura de draperíos, faina mantenida dica la Edá Muderna.

05.Postal de una vista de Jaca. Al fondo Collarada (2.886 mts). Ambista de Chaca. Enta lo fundo, A Collarada (2.886 mts.)

En l´Archibo Estorico d´o Conzello ye alzau lo manescrito más intresán y conoxiu: “O libro d´a Cadena de Chaca”. En o sieglo XVI li claboron una catena d´un metro socheta ta la paré, pa pribar la suya disparixión. Contiene decumens respetibes a lo Conzello d´a zidá de lo 971 ta lo 1.324; entr´els se i troban os prebilechios atorgatos por os rais d´Aragón a Chaca, lo Fuer d´o rai  Sancho Remírez y os “Establimentz” (os más antigos de 1.220), establimiens u oserbanzias escritos en gascón antigo, con enfluyenzias de l´aragonés y lo catalán.

06. La Ciudadela de Jaca desde un globo. A Zidadela de Chaca dend´un globo

Chaca se´n ba asolando como plaza melitar pa esfender os rainos peninsulars d´una barruntada embasión franzesa. Zelipe II ordina la costruzión de bellas fortalezas en os Perinés, en sobrexendo la que se fa en Chaca enta 1.595, lo “Castillo de San Pedro” u “Ciudadela” (güei perfeutamén mantenida, pentagonal y de fuesos y murallas de guallarda grandaria).

Ya en o sieglo XX, lo 12 d´abiento de 1.930, Fermín Galán Rodríguez con os capitans  Angel García Hernández y atros, enfilan a “Sublevación de Jaca”, rebolizio melitar republicán cuentra la monarquía d´Alifonso XIII. O “esbrunze” fa rabosa, y os dos caporals debanmentaus rematan afusilaus.

Importans presonaches son pasaus por a capetal chazetana; uno d´els, Juan Bautista Labaña, matematico y cheografo portugués, en a suya cursa por l´Alto Aragón plega ta Chaca lo 25 de nobiembre de 1.610. Ista ye a suya descrizión de zidá y zidadela:

“Jaca es una ciudad en un llano de un otero, cercado de los dos ríos Aragón y Gas. El Aragón está más separado, corriendo a poniente, y el Gas más cerca, corriendo a mediodía. Está cercada de muros antiguos, fuera de los cuales hay arrabales. A poniente de ellos hay una ciudadela de forma pentágona perfecta, que está para acabar, fundada por mandato del rey que Dios tiene, cuando las alteraciones pasadas de Aragón. Es traza de Tiburcio Spanochi, fáltale mucha tierra en el terraplén, no están acabados los parapetos ni el foso, y así la contraescarpa y la entrada cubierta tienen pocas piezas de artillería, y éstas se trajeron con gran gasto, abriendo camino carretero de Zaragoza a esta ciudad, que costó más de 14.000 ducados. Habrá en ella al presente 150 soldados muy mal pagados. Tiene esta ciudad 400 vecinos, las calles son buenas y todas llanas”.

07. La Catedral románica de Jaca. A Catedral romanica de Chaca

Respetibe a la primera catedral romanica d´a Peninsula, prenzipiata a costruyir en Chaca lo 1.139, y a bels datos intresans sobre Santa Orosia -n´un proxemo capetulo end´enamplarán- Labaña en rezenta lo siguién:

 “La catedral es fábrica antigua, a lo que parece en el pórtico y por fuera, si bien por dentro está renovada: en ella se guarda con gran veneración y devoción el cuerpo de Santa Orosia, que dicen ser alemana de Bohemia, y que venía a casar con el rey de Aragón, y fue martirizada en el lugar de Yebra, a cuatro leguas de Jaca, donde está su cabeza, de la cual arrancados unos cabellos para reliquias, corrió sangre, como me afirmó el obispo”.

08. Postal del Puente románico de San Miguel sobre el río Aragón. Al fondo Peña Oroel (1.770 mts.). Postal d´o puen romanico de San Migal sobre l´arriu Aragón

L´ensine medico aragonés Santiago Ramón y Cajal, mientres la suya estada en Chaca en as bente d´o sieglo pasau, baxaba a ormino ta la marguin de l´arriu Aragón y astí esprisaba l´aimo por la suya tierra:

“Éste es –pensaba a mi modo- el río sagrado del solar aragonés; el que fecundó las tierras conquistadas por nuestros antepasados; el que dio nombre a un gran pueblo y hoy simboliza aún toda su historia. Nacido en los valles del Pirineo por la fusión de neveras y la influencia de frígidos veneros, crece caudaloso por el valle de Jaca y desagua generosamente en el Ebro. Así la raza montañesa, que vegetó humilde, pero valerosa y libre, en los angostos valles pirenaicos, corrió por el ancho cauce de la patria aragonesa.”

Plegan ta Chaca p´alufrar por primer begata la zilebrazión d´a ixera estorica d´o Primer Biernes de Mayo.

Anuncios