7. Zirigoza. Rezentata Istorica

ESCORSA ENTA UNA TORRE D’O PILAR Y LO BALCÓN D’A SIEDE D’O LIGALLO, EN ZIRIGOZA, LO 1 D’ABRIL DE 1985

A ro diya siguién -1 d´abril- M. Martín y M. Pérez, ta rematar o religato d´afotos, fan dos “escorsetas” en a zidá de Zirigoza. A primera: puyar enta una de ras tors d´a basilica d´o Pilar, e l´atra: enta ro balcón d´a siede de ro Ligallo de Fablans de l´Aragonés.

Vista de la Seo y torres del Pilar desde otra de las torres. Ambiesta de L´Aseo y torres d´o Pilar dende atra d´as suyas torres.

Zirigoza ye a capetal d´a comunaldá autonoma d´Aragón. Situgata a 2OO mts. -alto u baxo- sopre o libel d´a mar y en as marguins d´Ebro. A poblazión de Zirigoza ye de cualques 6OO.OOO abitadors; as fiastas de Zirigoza son adedicatas a San Balero lo 29 de Chinero, a Zingomarzata, como ye de dar, lo 5 de marzo y O Pilar lo 12 d’Otubre.
Zirigoza ye n´una compleganza de camins causata por a prisenzia de bels arrius que i desenfilan en Ebro: o Galligo, a Güerba e, proxemo, lo Xalón. Istas zergustanzias afaborixen l´establimién de bels puablos a l´arreyo d´a Estoria.

Vista del casco viejo de Zaragoza en dos fotos desde una de las torres del Pilar. Ambiesta d´o bico biello de Zirigoza, con o torreyón d´a Zuda y a torre d´a ilesia de San Pablo dende una d´as torres d´o Pilar

Dende ro sieglo III a.C. bi son os ibers de Salduie, de ra tribu de ros Sedetans.

Entre os años 19 y 15 a.C. ye fundata ra zidá romana de Caesaraugusta por Zesar Augusto, primer emperaire román, de ra qu´en ye ra esclatera eridegua l´autual Zirigoza.

L´año 472 empezipia ra puanda bisigota en Cesaracosta, cuan as tropas d´o rai bisigoto Eurico prenden a zidá.

Os musulmans se fan con a zidá pazificamén lo 714; Saraqusta será la capetal arabe d´a Marca Superior d´Al-Andalus, e l´apellidan Al-Bayda, que quié izir “La Blanga”, porque iz que as murallas suyas yeran costruyitas con mármor blango. Lo 1.O18 esdebiene ra capetal d´o primer raino de taifas.

O rai Alifonso I d´Aragón, Lo Barallador, conquista ra zidá ta ros crestians lo 1.118 con a entrebenzión de tropas de muitos puestos, pos yera estata cridata una Cruzata ta conquerir-la; os más numbrosos yeran aragoneses, nabarros e gascons mandatos por Gastón de Biarn, qui -en pagas d´a dezisiba aduya alportata- ye nombrato “siñor de Zirigoza”. En adebán, por a suya grandaria e importanzia, esdebiendrá la nuaba e finitiba capetal d´Aragón.

En a segunda metá d´o sieglo XVI bi ha muitos rebolizios en o raino, anomenatos “las Alterazions d´Aragón”, que desenfilarán en una gran cresis produzita por Antonio Pérez, o secretaire de Zelipe II, qui se refuxia en Zirigoza a l´amparo de ro Chustizia d´Aragón, don Chuan de Lanuza. De risultas de l´enfrontinamién entre o monarca y as estituzions d´o raino, lo Chustizia ye achustiziato y con él espiritan as libertaz zirigozanas y aragonesas.

Anuncios