6. Entrebista n’a billa de Lobarre

ESCURSIÓN ENT´A BILLA Y CASTIELLO DE LOBARRE, O 31 DE MARZO D´O 1.985

Ritornan ent´a billa en poqué más de meya ora de baxada y s´enfilan ent´a replegadeta fuen d´a Plaza Mayor. Aquí pretan a trasquir os minchars que se´n han trayiu.

Dimpués d´almorzaus, apasiando-sen por una d´as carreras, beyen chen que i son posaus y de rufierta; os tocayos aprobeitan pa preguntar-lis custions referens a o lugar.

O más lanzau d´a colla lis ne da carrete, asaber qué intresau, se clama Demetrio Cabrero y ye d´Aniés, de casa i Lacuna; lis diz nombres de casas de Lobarre, lis charra d´a guerra, o´straperlo, o “cochín de Lobarre”, cantas, toponimos, ezetra.

A continazión, un alcorzau d´a intresante charradeta:

Nombres de bellas casas:

“Cagamasero, Cagarreales, Cagaleta, Bichiga, Cabezica, Lambán”

Cantas:

“El día que yo nací,

dijo una verdad mi abuela,

este será bailador

porque lleva castañuelas”.

“Cataluña ye o chelau,

compradores de cochinos,

los compran en Montmesa

y los perdieron por el camino”.

Cuando baxaban os de Lobarre a bender “cochíns” ent’a ra feria cantaban a ros d’Ayerbe:

“Por todo el mundo se corre,

os tozíns en Loarre,

y en Ayerbe se los comen

los jodidos muertos de hambre”

Vista de Aniés desde el Castillo de Loarre. Ambiesta d´Aniés dend´o Castiello de Lobarre.

En o corrinche yay una nina de siet añadas que, aganada por o pai, lis diz una frase n´aragonés que l´han amostrau en a´scuela: “Niné, niné, plega ra nuey, escuita o son de as esquillas”.

En 1.987 M. Martín torna a estar en Lobarre y, fablando con bellas presonas de casa i Lacuna, Cuartero, Gasparillo y Polonio, replega prauticamén tós os nombres d´as casas d´a billa.

Betemé a contrimuestra:

Tricas, Meso, Lambán, Liso, Lacuna, Larripa, Anizeto, Liborio, Cufras, Ramoné, Barrustas, Barol, Chelo, Conejo, Conzello, Pola, Santiagué, Cuartero, Latas, Navarro, Cagaleta, Domé, Santiago, Conejo, Zapatero, Fausto, Colchonero, Gapito, Salinero, Conde Pinta, Toñé, Lafarga, Tenderé, Pola, Chuanico, Chorna, Fatás, Soterrau, Lanaspa, Cagarriales, Tresé, Pepe, Pichafuegos, Astuto, Fanlo, Guillermo, Potaje, Chistai, Cabalero, Caminero, O Rubio, L’amante, Geno, Borrajas, Esquirador, Pedreño, Chanlacambra, Damaso, Garrote, Caetano, Pelaire, Gila, Serafín, Laceras, Santos, Tapacalles, Fulero, Grabiel, Cabecita, Tabarrillo, Frechín, Montañesa, Franco, Esquiro, Barrendero, Jablito, Lorés, Chelau, O Pozero, del Cura, Perena, Pepito, Cagarriales, Andresé, Caracoles, Montori, de Campona, Escolano, Sabina, Polonio, Cagaletas, Anselmo, O Colorao, Esquirador, Lafarga, Cabris, O Napo, Miol, Lacambra, Bichiga, Lajara, Prensador, Orós, Sebero, Noballa, Liso, La Banda,, Lamota, Campa, Gasparillo, Polonio y Enfornapeducos.

Uno d´os bizins s´ofrez amablemén -sin d´aber-lo demandau os Zerrigüeltaires- a baxar-los en auto dic´Ayerbe, pa que s´amonten astí en o´sturraz que lis dexará en Zirigoza. Azeutan a fineza de güen implaz y asina apuran un raté más l´animada rufierta con istos aculliders abitadors de Lobarre.

Resumindo: a chornada en Lobarre, ascuitando fablar l´aragonés d´ixa redolada d´Ayerbe, y en o´speitacular Castiello -o más importán de toz os aragoneses- ye estada una espedenzia embaziladera, que lis dexará pa cutio a millor d´as alcordanzas.

Anuncios