4. Camín ent’o Castiello de Lobarre

ESCURSIÓN ENT´A BILLA Y CASTIELLO DE LOBARRE, O 31 DE MARZO D´O 1.985

BASE: billa de Lobarre, 774 mts. d´altaria

DESTÍN: Castiello de Lobarre

DURATA: 1 ora (yida)

DIFICULTÁ: chiqueta

Dend´o cabalto de Lobarre se´n sale pu´a carrera d´as Eras enfilaus enta Puichinipro, u Puxilibro (o puntón más alto d´a Sierra). A carrera esdebiene camín amplo, u pista, de tierra y peñetas. A metá i camín cal trascruzar a carretera de puyada ent´o castiello y, güellando t´aibán de perén, continar por a mesma pista dica plegar n´o castiello.

Claustro de la capilla del Castillo de Loarre. Claustro d´a capiella d´o Castiello de Lobarre

Salen de Lobarre por un camín amplizo y plazentero y ban puyando amoniqué entre almendreras, plantas aromaticas y agundantes buchos. Entre que pillan altaria, ascuitan de bez o terne sonsoné de cardelinas y chordas esbolaziando a lo que pasan chunto a ellas. A costera se´n repinga muito pero, a la fin, no pasa que una miquina d´a ora o que lis cuesta plegar t´o desinforme Castiello, en do alufran -por entalto d´as torres suyas- o buelo d´una alica cullebrera.

O primero que lis truca d´o castiello ye a gran muralla con torrions. O castiello se refirma n´un alterón de cantals de clapiza. A puerta dentradera d´a muralla ye esfendida por dos torrions semizerculars, uno ta cada costau.

Migalánchel Mart�n asomado en una torre del Castillo de Loarre.  Migalánchel Mart�n acucutando por una torre d\'o Castiello de Lobarre

Contino, se plega por un repentón enta o´ntrador d´o castiello y desiguida sobir por unas escaleretas t´a Capiella Reyal -costruyida en dos soleras- y adedicada a San Pietro. Aquí paran cuenta n´a güenisma acustica d´o puesto, por ixo M. Martín s´anima a cantaruliar bella xotica que s´ha escurriu de sopetón y dimpués contina con l´albada d´o grupo folclorico de La Val d´Echo “Enta lo mon”, qu´escomienza asina:

“Devantate, mesacha,

que i- plega l’ alba…..”

y enta lo mon me’n vó

con la cabaña”.

Baxando as escaleretas, por debaxo d´a capiella, se troban un chiqué campanal con os suyos zimbals, y lis agana tocar-los a o son d´a conoxida melodía chesa “La esquillada”. A primer estrofa iz asina:

“Marcha ascape corriendo,

vete’nta casa

y traye coberteras,

puchés y cazas,

esquillóns y calderetas

-viellas u rancias-

pregona por lo lugar…

que bi-ha esquillada!

Miguel Ángel Pérez encima de una de las torres del Castillo de Loarre. Migalánchel denzima d\'una d\'as torres d\'o Castiello de Lobarre

Dimpués besitan a Torre d´a Raina y a ilesia de Santa María, as dos con escais mozarabes. Rematan a besita con o Miralgüén d´a Raina. Fan afotos dend´as dos torres y atifan alufrantes tod´a Plana i Güesca.

O Castiello planta asaber qué guallardo.

Anuncios