8. Bal d’Ordesa

26-VII-1.985. Se´n debandan pro bian adormitos e discansatos, desayunan y amoniquet se´n bi aprestan ta ra gran andata.

Dixan l´auto en o cámbin y petenan por a carretera, endrezatos enda ro patral d´Ordesa, durán 7 kms. Guana onra lis ne fa como calendamián…. en l´asperanza de qu´istas dos oretas de “presfuarzo” no se´n faigan de sendir masiato miandres a escorsa por Ordesa.

Cascada de las gradas de Soaso en Ordesa. Saldez de ras Gradas de Suaso (Ordesa).

CURSA ZERGULAR POR O PARGUE NAZIONAL D´ORDESA

BASE Y DESTÍN: Patral d´Ordesa (1.31O mts.)- Ziárgol de Suaso (1.8OO mts.)- Coda Caballo (1.85O mts.)- Faixa Pelay- Miralguán de Calzilarruego (1.95O mts.)- Sender de ros Cazataires- Patral d´Ordesa.

DURATA: 6 u 7 oras.

DIFICULTÁ: meyana.

Cascada de la Cola de Caballo y el monte Cilindro en Ordesa. Saldieto de ra Coda Caballo y Punda de ro Zelindro

Se pilla ro camín de Suaso que trabiasa selbas de zirgundifuellos y abetes, nabesando por o fundo de ra cuanga de l´Arazas, u Bal d´Ordesa, y promenando chundo ros saldos d´as Arripas, de ro Estreito y de ra Cuaba. Pasatos ros paraxes de ra Cuaba y Frachinal remata ro fabar y amanixen os paixenders con pinetas de nasarro. Por as Gradas de Suaso l´arriu Arazas se´n escualga i fraucando numbrosos escalerons. A ra fin, o camín ba candiplano por os tascals de ro Ziárgol -u Arracón- de Suaso, dend´an que se b´alifra una guana ambiasta de ras Tres Serols. D´istas trazas, en esnabesar por una planera an que l´arriu baixa asusegato, lo camín arriba ta ro saldieto de ra Coda Caballo, rematatura de ro Ziárgol de Suaso.

El Cilindro, El Monte Perdido y el Pico Añisclo en Ordesa. Punda de ro Zelindro, Mon Perdito y Pundañisclo (Tres Serols)

Se condina por un sender siñalato por un endicatuero, que ba arrecorrindo ra Faixa Pelay -estreito replanieto de yarba situgato a meya aldura de ro cañón- endrezato enda ro guaste. O senderieto abanza candiplano recandillando cualgues bolans en un trazato pinganetiato en os zillos meridionals de ra bal, chusto por aldo de ras silbiachas de ro Pozino d´Arazas. Durán ista cursa se i goya d´una ambliza ambiasta panoramica de ra bal, dica ra plegata en o miralguán de Calzilarruego.

Circo de Cotatuero con la cascada. Al fondo, el Taillón, falsa brecha y brecha de Rolando en Ordesa. Arracón -u Ziárgol- de Cotatuero con o suyo Churraz. Enda ro fundo, Pundaniara de ro Tallón, Falsa Breca y Breca Roldán

Dend´aquí, a trabiás de ro Sender d´os Cazataires, en periglosa y escamallán baixata endre pins y dimbuás faus, se i plega ta ra planiata poblata por triámols, salzeras, faus, pins, abez y abetochas. Cal esnabesar por bels patros y cruziar l´Arazas por una guallarda pasatuara, rematando en o Patral d´Ordesa.

Anuncios