5. Buarba

O lucar de Buarba (parix que promana de BUARDA: capaña u estrabialla en o monde) ye situgato a 1.143 mts. d´aldaria, a 131 kms. de Guasca capetal y tian 34 bizins, 6O de berán y 2 tota l´añata. As fiastas patronals son o 29 de setiambre. O baile de ro “cascabiello” de Buarba ye una danza -muitismo antiga- que s´algombaña con gaita de botico u cordión, zilebrata ro diya de ra fiasta de San Migal a ra salita de misa.

Casa tradicional del pueblo de Buerba. Casal tradizional de ro lucar de Buarba.

Besitan cutio-cutio ro chiquet e repolito lucare de Buarba, xulufrando-bi l´arguiteitura popular de ra qu´en son remargables as aldizas chamineras, a plaza con fraixins zendenos, a fuande y ra ilesia de San Migal, barroca de ro siaglo XVII, con una torre grandiza.

En o porchegato d´ista ilesia beyen bellas presonas que se i troban de rufiarda, y end´astí qu´enfilan.

Charruteyan con a chen de ro lucare, más que más con Antonio Nerín de casa Biñuales, qui lis rezenda cualgues cosetas indresans, como ro nome de ras casas de Buarba

Biñuales, Billamana, Isablana, Antolín, Matías, Galbán, Lacay, Toledo, Molins, Marina, Fuertes, Lascorz, Palazio, Tomás, A Plata, Pelay, Zeresuela, Pistón, Borroyo, Semolué, Maruja, Tricallo, Tensino, O Blaso, Ferrero, Chal, A Calliza, Anastasio, Lisa y Laplaza.

Rispeutibe a toponimos lis diz as fuans de ro lucar:“las fuandes d´iste lugar son: Puyal, Mallacán y Comas”, “os cambos”, y mons d´a redolata como “Sastral” y “Mon Perdito”.

Condinan durán luanga ratera esparlatiniando con es bizins de Buarba; de toponimos, de remataturas en -ato, como “puyato“, frases como “qué suarde ha tenito” y sopre l´aragonés y as bariedaz suyas.

Han pasato un ratet muito plazible y fruitifero con es abitadors d´iste lucare, pero ya en ye tiambo de marchare.

Paisaje cercano al Cañón de Añisclo. Paisax proxemo ta ra Clusa, u Garona, d´Añisclo

A 6 kms. de Buarba pasan por Nerín, pero no i dendran e ro dixan ta millor mingala; condinan ta debán atros 8 kms., plegando ta ro lucar de Fanlo.

Anuncios