2. Bestuere

O lucare de Bestuere a 1.228 mts. d´aldaria, con bels 24 abitadors, ye situgato baixo ra cordalera d´Es Estrals y en o cabaldo de ro fondizo barrango d´Arrés, con cambos de labranzia en as desinformes tarrazas de ras costeras suyas. A esguldrufata de ro lucare risulta plazendera de ro más, ixulufrando ra manifica arguiteitura tradizional en risalta ro casal fordificato d´Antón Barrau, de 1.585, con frondera renaixentista, y casa Petí de ro mesmo sieglo, con o suyo biscalamo.

Arquitectura tradicional del pueblo de Bestué. Arquiteitura tradizional de ro lucare de Bestuere

A ilesia d´estilo gotico aragonés de San Pietro tamién ye de ra mesma epoca.

A´s de Bestuere lis izen “gorrez”. As fiastas grans se i zilebran o 8 de Setiambre.

Os paisaches d´es arredols con lezinars, fabars, pins e patrals alpins y enredoliatos d´aldizas tucas lis se fa incantuchatuere de tot y, chunto a una fuande con manifico miralguán, se´n b´aprestan a chentare.

En 1.989 M. Martín besita unatra begata Bestuere, charrutiando con Amado Puertolas de casa Antón de Mure, replegando-be cualques ditos d´a redolata, e con Juan de casa Campo -entre atras cosetas rezentatas más adebán- reculle toz es nomes de ras casas.

M. Mart�n, debajo el pueblo de Bestué. Migalánchel Mart�n; debaixo, ro lucare de Bestuere

Amado Puertolas, de casa Antón de Mure, li rezenta bels ditos referitos a lucars bizins:

Escanapeixes de Hospital

escanacrabas de A Miana

betiqueras de Rebilla

putas as d’Infortunada”.

A es de Puertolás lis izen “pelicaters“, a´s de Bestuere “gorrez“, a ros de Escuain “cremallizos“, a´s de A Miana “escanacrabas“, a´s de Tella “matatrallos” y a ros d´Escalona “lapizeros“.

Os nomes de ras carreras de Bestuere:

“La cabobilla, O rincón, Plaza mayor, Del forné y Carrera”.

Juan de Campo li diz en 1989 a Migalánchel Martín os nomes de ras casas:

Campo, Antón de Mure, Calisto, Chuan Morillo, Petí, Grima, Capella, Luzia, Mialchuan, Martín, Garcés, Freñá, Mariana, Mario, Sen, Sasé, Corralons, Teil, A Plaza, Trallero, Casa Nueva, Isabelana, Casa Ainés, Orosieta, Miguelo, Escalona, Sastre, Vicente, Mateo, Roca, Aldú, Mingue y Barrau.

Juan de Campo li comenta: “con 72 años ya no más tiengo edá pa estar aquí debán d’a puerta”, de chicorrón treballaba de crabrero, y de mayor sembrabenos a sabelo de trigo y de trufas y dimpués, claro, caleba replegar-lo ta casa”, tamién “tenebenos muitas crabas y bacas y en ibierno les ne dabenos de comer en o corral”, y diz a frase “un ziento d’años”.

Sopre as fiastas l´esplicotia: “As fiestas yeran antes pa lo 8 de setiembre, agora como s’en han iu a chen ta capital, en o lugar, que no femos mica fiesta! no más fa misa o cura y bendize torta”.

Anuncios